| | عريس يا ماما (الحلقة الاخيرة ) *خلاص خلصت الحكاية * |   |
|
|
| كاتب الموضوع | رسالة |
|---|
nemooo
المشاركات : 1202
العمر : 32
تاريخ التسجيل : 19/02/2010
 | | موضوع: عريس يا ماما (الحلقة الاخيرة ) *خلاص خلصت الحكاية * الخميس يوليو 29, 2010 3:50 am | |
| هايز ازيكو كلكوا يا رب تكونوا كويسين و مبسوطين و من الضحك مش محرومين بصوا ده مسلسل مش هتلاقوه في و لا قناة المسلسل اسموه عريس يا ماما وديه الحلقة الاولى كاميرا 1..................استعد
2............................صور
سباعى هات الشاى
واكـــــــــــــــــــــــــــــشنتركت عفاف الكمبيوتر التي تقضى عليه معظم وقتها فجأة
وصرخت بصوت عالى
مااااما ..... يا ماماااااااااااااااا .....يا ماماااااااااااااااا
الأم : فيه إيه يابت بالراحة إخواتك نايمين
عفاف: معلش يا ماما أصلى فرحانة ....
فرحانة اوي اوي
الأم: خير يا بنتى فرحينى معاكى كدا ربنا يفرح قلبك
عفاف: عريس يا ماما عريس
الأم : يا ألف نهار أبيض يا ألف نهار مبروك
لولولولولولولولولولولولولولوى [ندعوك للتسجيل في المنتدى أو التعريف بنفسك لمعاينة هذه الصورة]
وبعد دقيقتين أحضان وقبلات تذكرت الأم
الأم: ألا قوليلى يابت
عريس مين دة اللي هيتقدملك
وماقلتليش من ساعة ما جيتى من الجامعة ليه ؟
عفاف: لأنى لسة عارفة دلوقتى حالا يا ماما
الأم بإستغراب: عارفة دلوقتى حالا؟؟؟؟؟؟
عارفة منين يابت دة انتى لسة قايمة دلوقتي من قدام الكبورر....
[ندعوك للتسجيل في المنتدى أو التعريف بنفسك لمعاينة هذه الصورة]
عفاف : ههههههههههههه كبورر ايه بس يا ست الكل
اسمه كمبيوتر
الأم:مش مهم
[ندعوك للتسجيل في المنتدى أو التعريف بنفسك لمعاينة هذه الصورة]
المهم عرفتيه ازاى ؟ ومين أصلا العريس دة يعنى جاى منين؟
عفاف:من النت يا ماما
ظلت الأم المسكينة تنظر لابنتها باستغراب
وهى تراجع كل ما تعرفه من كلمات
[ندعوك للتسجيل في المنتدى أو التعريف بنفسك لمعاينة هذه الصورة]
ولم تجد لكلمة النت أثر بينها فسألت عفاف..........
الأم: النت ؟ ودى تبقى فين دى يا بت؟
عفاف: فين ازاى يا ماما؟
الأم: يعنى فينها من الوايلى الى احنا فيها؟
تركبيلها مترو ولا اتوبيس ولا تأخديها تاكسى
اوعى يابت يكونوا بيروحولها بالقطر؟
عفاف : هههههههههههههههه ايه يا ماما الى انت بتقوليه دة؟
مترو إيه وقطر إيه؟! دة النت
الأم: أيوة يا بنتى عرفنا انه الزفت
بس دة موقعه فى انه بلد بالظبط ؟
عفاف في كل البلاد يا ماما
الأم باستغراب : انتى اتهبلتى يا بت؟
يعنى إيه فى كل البلاد؟
عفاف: يا ماما النت دة عبارة عن كمبيوترات كتير
في العالم وفيه معلومات كتير اوى الأم:معلومات ايه يابت انتى
هو انتى هتتجوزى دايرة المعارف؟؟؟؟؟؟
عفاف:المهم يا ماما ان فى واحد متقدملى عن طريق النت
الأم: ودة اتقدم ازاى يعنى؟؟؟؟؟
عفاف: بعتلى إيميل
الأم فى ذهول : ايميل؟
بعتلك إيميل جارنا المسيحى؟
وإزاى يا بت تقبلى تتكلمى مع الى اسمه إيميل ده
وهو مين عشان الزفت بتاعك ده يبعته لينا!!!!! عفاف فى سرها طب افهمها ازاى دى بقــــــــــى ؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]
عفافا ماما اهدى إيميل جارنا مين بس ...!
الأم: مش انتى الى بتقولى يابت
عفاف:إيميل يعنى جواب بس على النت
الأم: برضه هتقوليلي عالزفت
يابنتى أنا مش فاهمة البتاع الى بتتكلمي عليه دة
عفاف:النت دة ياماما حاجة فى الكمبيوتر
ممكن نبعت فيها رسائل لناس برة
ونستقبل منهم رسائل برضه دة غير حاجات كتير
الأم:أنا ماليش فى الكلام دة
اللي انا عايزة أعرفه هو مين ومعاه شهادة ولا لأ ؟
واصله ايه وفصله ايه ؟؟
عفاف:هو اسمه حاتم
وطالب فى هندسة حاسبات و قاطعتها الأم
الأم : طالب؟؟؟؟؟؟؟؟؟؟
عفاف: أيوة ياماما بس فى آخر سنة
الأم : بصى أنا ماليش دعوة بالموضوع دا أنا هتصل بأبوكى وهو يتصرف
اتصلى بيه انتى عالموبايل وأنا أكلمه
زمانه عالقهوة
وفى قهوة المعلم حسنين
رن الموبايل بتاع عم حلاوة العنتبلى الجزار cutها اكمل ولا بلااااش لو عجبتكم كل يوم زي دلوقت فيه حلقة و مش عجابكم خلاص بلاها
عدل سابقا من قبل nemooo في الخميس أغسطس 05, 2010 3:06 am عدل 5 مرات |
|
| | |
جانا
المشاركات : 715
العمر : 28
تاريخ التسجيل : 29/05/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الخميس يوليو 29, 2010 3:45 pm | |
| الوضوع جميل
كملي الموضوع بسرعة |
|
| | |
hend&trika
المشاركات : 6306
العمر : 30
تاريخ التسجيل : 21/10/2008
| | موضوع: رد: عريس يا ماما (الحلقة الاخيرة ) *خلاص خلصت الحكاية * الخميس يوليو 29, 2010 4:17 pm | |
| هههههههههههههههه
لا يا قمر عجبانا جدااااااا
وعوزة اعرف رد فعل الا ب اييييييه
تسلمى يا قمر |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الخميس يوليو 29, 2010 5:55 pm | |
| - جانا كتب:
- الوضوع جميل
كملي الموضوع بسرعة الاجمل هو انتي يا قمر حاضر هكمله |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الخميس يوليو 29, 2010 5:57 pm | |
| - hend&trika كتب:
- هههههههههههههههه
لا يا قمر عجبانا جدااااااا
وعوزة اعرف رد فعل الا ب اييييييه
تسلمى يا قمر ميرسي يا نودي رد الاب هتعرفيه انهاردة الساعة 5 الا 5 |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الجمعة يوليو 30, 2010 2:14 am | |
| الحلقه التانيه
كــــاميرا 1 .......................اجهز
كاميرا 2 ................استعد
كاميرا 3.......................صور
يا سباعي فيــن الشاى
أكشــــــن
حلاوة العنتبلى وبصوت خشن: أيوة مين ؟
الأم : أنا يا معلم
العنتبلى: عاوزة إيه يا ولية ؟؟؟؟؟
الأم: تعالى يا خويا شوف بنتك جايلها عريس من النت
العنتبلى: بتقولى منين ؟؟؟؟؟؟
الأم: من النت يا حاج
العنتبلى: يعنى إيه ؟ فهمينى
الأم: ياخويا لما أفهم أنا ابقى أفهمك
تعالى انت واسألها بنفسك
العنتبلى: ماشى ... هخلص دور الطاولة دة وهاجى على طول
ثم أغلق الموبايل وأخذ يكلم نفسه
نت....!!!! دة يطلع ايه دة كمان؟؟؟؟
[ندعوك للتسجيل في المنتدى أو التعريف بنفسك لمعاينة هذه الصورة]
تكونشى الولية مراتى اتهبلت ؟؟؟؟؟
بس هى ناقصة هبل ؟ ماهيا كدا كدا مهبولة من يومها [ندعوك للتسجيل في المنتدى أو التعريف بنفسك لمعاينة هذه الصورة]
سأله صاحبه الذى يلاعبه الطاولة: مالك يا معلم حلاوة ؟ انت بتكلم نفسك ولا ايه ؟
فانتبه المعلم حلاوة وقال لعنتبلى: قولى يا زينهم
بما إنك كدا متعلم ومتنور ومعاك تالتة ابتدائى
[ندعوك للتسجيل في المنتدى أو التعريف بنفسك لمعاينة هذه الصورة]
يطلع إيه النت دة؟؟؟؟؟
طبعا المعلم زينهم اترسم بقى وأخذ وضع فخر وعزة وهو يجيب
وإنت ايه اللي عرفك بالأشكال دى يا معلم ؟؟؟؟
العنتبلى: اهو عرفت وخلاص بقى
زينهم: والله يا معلم حلاوة
أنا سمعت مرة البت بنت أخت عمة جار خالتى بتقول انها شافت على النت صور لمذابح بتحصل فى العراق
العنتبلى: ااااااااااااه
يعنى زى تليفزيون كدة يعنى
زينهم: لا يا معلم مش زى التليفزيون
وإنما تقدر تقول عليه جرايد بس بتتشاف على الكمبيوتر
[ندعوك للتسجيل في المنتدى أو التعريف بنفسك لمعاينة هذه الصورة]
العنتبلى: يا دين النبى
معقولة ياد الجرنال يدخل عالشاشة الصغيرة دى؟؟ طب بيدخلوه ازاى؟؟
زينهم وقال عامل فيها فكيك بقى :
مش فى فتحات ورا فى الشاشة يا معلم
أكيد بيدخلوا الجرنال منها
[ندعوك للتسجيل في المنتدى أو التعريف بنفسك لمعاينة هذه الصورة]
العنتبلى:أكيد الناس دى فاضية وموراهاش أى حاجة تعملها
زينهم: هو كدة بالضبط يا معلم
بس ليه دة كله؟
العنتبلى: أصل الولية مراتى بتقولى بنتك جايلها عريس من النت
زينهم: ألف مبروك يا معلم
[ندعوك للتسجيل في المنتدى أو التعريف بنفسك لمعاينة هذه الصورة]
أكيد تقصد ان متقدملها صحفى!!!!!!!!!
العنتبلى وهو مبسوط: بجد ياد يا زينهم؟
زينهم: طبعا يا معلم
ماهو زى ما قلتلك النت عبارة عن جرايد عالكمبيوتر
يبقى قصدها ان واحد جرنالجى اتقدملها
مبروووك يا معلم
كدة ممكن تعمل دعاية للمحل بتاعك فى الجرنال
وتطلع صورك انت والعجل فى صفحة الحوادث
[ندعوك للتسجيل في المنتدى أو التعريف بنفسك لمعاينة هذه الصورة]
العنتبلى: طب العب يا وش السعد العب
رمى زينهم الزهر ثم صرخ .......دش
راحت عليك يا معلم عفاف: يا ماما والنبي افهينى بقي عشان خاطرى
العريس دة لقطة ومفيش زيه فى النت
أنا حبيته من كتاباته
[ندعوك للتسجيل في المنتدى أو التعريف بنفسك لمعاينة هذه الصورة] الأم: كتاباته ؟؟؟؟ هو مؤلف؟؟؟؟
عفاف: مش مؤلف قوى يعنى بس بيكتب عالنت
الأم: ودة بيكتب فى ايه بالضبط؟
عفاف: لالالالالالالالا يا ماما
دا ما شاء الله عليه ماخلاش حاجة إلا لما كتب عنها
الأم بخبث :ااااااااااااااااااااااه
مين يشهد للعروسة؟؟؟؟
عفاف: لا والله ياماما بكلمك جد
الأم بصوت عالى : اسمعى يا بت انتى أنا لا أعرف نت ولا كتابات
أبوكى زمانه جاى دلوقتي هوبقي يتصرف معاكى
[ندعوك للتسجيل في المنتدى أو التعريف بنفسك لمعاينة هذه الصورة]
عفاف وفي سرها : ماهيا دى المصيبة
دخل المعلم حلاوة العنتبلى فى هذه اللحظة مبتهجا
العنتبلى: مساء الخير
الأم: يسعد مساك يا خويا
تعالى بقى شفلك حل فى بنتك دىCUT يا ترى ايه ال حصل [ندعوك للتسجيل في المنتدى أو التعريف بنفسك لمعاينة هذه الصورة] |
|
| | |
جانا
المشاركات : 715
العمر : 28
تاريخ التسجيل : 29/05/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الجمعة يوليو 30, 2010 2:09 pm | |
| القصة جميلة
تسلم ايدك
يالا بسرعة انا منتظرها بفارغ الصبر |
|
| | |
hend&trika
المشاركات : 6306
العمر : 30
تاريخ التسجيل : 21/10/2008
| | موضوع: رد: عريس يا ماما (الحلقة الاخيرة ) *خلاص خلصت الحكاية * الجمعة يوليو 30, 2010 3:44 pm | |
| ههههههههههههههههههه
المعلم حلاوة دا دماغ والله يا نيمو هههههههههههههههه
ويلا يا قمر عوزين نعرف الباقى باقصى سرعة فالسريع ههههههههه
تسلم ايدك بجد |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الجمعة يوليو 30, 2010 7:11 pm | |
| - جانا كتب:
- القصة جميلة
تسلم ايدك
يالا بسرعة انا منتظرها بفارغ الصبر انتي اجمل يا جانا يا عسولة انتي حاااااااااااااااضر انهاردة بالليل استنيني |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الجمعة يوليو 30, 2010 7:13 pm | |
| - hend&trika كتب:
- ههههههههههههههههههه
المعلم حلاوة دا دماغ والله يا نيمو هههههههههههههههه
ويلا يا قمر عوزين نعرف الباقى باقصى سرعة فالسريع ههههههههه
تسلم ايدك بجد هههههههههههه وما هوا التمعلم ال فيهم معاه 3 ابتدائي حتة واحدة حاضر يا كميلة انهاردة استنيني |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * السبت يوليو 31, 2010 3:38 am | |
| تعالى بقى شفلك حل فى بنتك دى
العنتبلى: خير يا بنتى؟
عفاف:أبدا يا بابا
مش انتوا عاوزينى اتجوز
اهو جالى عريس ومع كدة ماما مش عاجبهااااااااااااا
العنتبلى: أكيد مش عاجبها عشان جاهلة
سيبك منها وقوليلى إيه الحكاية؟
عفاف: فى واحد طلب ايدى عن طريق النت
وقالى انه جاد فى طلبه ومستعد يجيي فى أى وقت
العنتبلى: عال عال
وإيه كمان؟؟؟؟
عفاف: يعنى انت مش معارض يا بابا؟
العنتبلى: واعارض ليه يا بنتى
عفاف : طب ارد اقوله ايه
العنتبلى وبصوت خشن:تردي علي مين
عفاف :على حاتم ياباباااااااااااااااااااااا
العنتبلى وبصوت خشن:حااااااااتم ميييييين؟
عفاف: العريس يا بابا
العنتبلى:اااااااااااااااه مش تقوليلى كدة من الصبح
قوليلى الأول هو بيكتب فى أنه صفحة؟؟؟؟
عفاف: يااااااااااااااااه يابابا
دة بيكتب فى صفحات كتيرة اوي اوي
العنتبلى: عظيم
وياترى بقى هو مشهور كدا يعنى الناس تعرفه؟
عفاف: أكيد يا بابا دة معروف جدا فى المنتديات
العنتبلى: فين ياختى؟؟؟؟؟
عفاف: فى المنتديات يا بابا
العنتبلى: ودى تطلع إيه دى كمان ؟؟؟
عفاف:دى صفحات عالنت يا بابا بتجمع أعضاء كتير اوووي
وبيتكلموا فى مواضيع كتير
العنتبلى: يابت سيبك من النحوى دة وكلمينى كلام افهمه
عفاف في سرهاقى دة نحوى ياعالم
عفاف: حاضر يا بابا
المنتديات دى زى
زى ايه قعدة المصطبة كدة
كل مجموعة واخدلها ركن وعمالين يتكلموا فى حاجة معينة
وبيبقى لها شروط وقوانين معينة وكدة يعنى
العنتبلى: ااااااااااااااااااااه فهمت
يعنى زى سوق العجول كدة
عفاف وقد فاض بها:
عجول ايه بس يابا ؟بقى المنتدى زى سوق العجول؟!
العنتبلى: جرا ابه يابت انتي
مش عاجباكى العجول يا بنت عواطف؟؟؟؟
مش العجول دى الى بناكل منها عيش وربتك انتى واخواتك لغاية ما كبرتى وبقيتى عجلة زى أمك؟؟؟؟
عفاف: طيب خلاص يا بابا ...
المهم انه مشهور .. مشهور اوووي
العنتبلىيب نيجى للمهم بقىىىىىى
هو عرفك منين؟؟؟؟
شعرت عفاف بالرعب من السؤال فأجابك بسرعة
عفاف: لا يا بابا اوعى تفهمنى غلط
والله ما شافنى ولا مرة حتى فى أى حتة
العنتبلى: ماطبعا يا بنتى لأنه لو كان شافك مكانشى اتقدم أصلا
عفاف: وبعدين معاك بقى يا بابا............. هو أنا وحشة اوي كدا ؟؟؟؟
العنتبلى مبتسما إبتسامة صفراء: يابت بضحك معاكى
انتى زى القمر بس عيبك الوحيد انك شبه أمك
الأم: جرالك ايه يا راجل إنت ما تتعدل فى الكلام أحسنلك
العنتبلى: احم احم
كنا بنقول إيه يا عفاف؟؟؟؟
عفاف: كنت بتسألنى هو عرفنى منين؟؟؟؟
عموما هو عرفنى من النت
واتقدملى عن طريق النت
وإن شاء الله لو وافقتم هييجى يتقدملى على طول
العنتبلى:وماله يا بنتى خليه ييجى
عرفك من النت عرفك من السلخانة
مش فارقة المهم انه وقع على بوذه
عفاف فى سرها: ياخوفى من ألفاظكم دى الى تطفش 100 عريس مش عريس واحد بس .....!!!!
العنتبلى: قوليله ييجى يوم الجمعة بعد العصر
عفاف مسرورة: حاضر يا بابا هقوله حالا
ودخلت مسرعة إلى حجرتها فاستعجب المعلم حلاوة العنتبلى وسألها العنتبلى: هتعملى إيه يا بت؟؟؟؟
عفاف: هقوله يا بابا
العنتبلى: انتى يا بت أخذتى التليفون عندك؟؟؟؟
عفاف: لا يا بابا أبدااااااااا
العنتبلى: امال هتقوليله إزاى من عندك؟
عفاف: هبعتله إيميل
صرخ الأب فجأة بصوت مزعج وعالى....................
وإيه الى جاب الواد إيميل عندك فى الأوضة؟؟؟؟
عفاف: يا بابا اهدى إيميل مين بس دة الى عندى
أنا أقصد هبعتله جواب عالنت
تذكر العنتبلى حواره مع زينهم والورق الذى يدخل من خلف الشاشة فقال
اااااااااااااااااااااااااااه
أنا بحسب المهم بلغيه بالميعاد
وقبل أن يغادر إلتفت إليها قائلاقولك إيه يا عفاف
بعد ما تكتبى الجواب حطيه بالراحة عشان الشاشة ما تنفجرشى
تابعته عفاف بنظرات الدهشة والحيرة وهى تقول فى نفسها
احط إيه وشاشة إيه دى الى هتنفجر؟؟؟؟؟؟؟
وفى اليوم المحدد أتى العريس أنيقا مهتما بنفسه
بشكل ملحوظ وذو رائحة طيبة وفى أبهى صورة
واستبشر الجميع خيرا إلا أنه كما تعلمون هناك سوء تفاهم رهيب
فالأم تعرف أنه طالب فى كلية محترمة والأب يظنه صحفى مشهور
وعفاف مرعوبة من طريقة تعامل الوالدين مع العريس خاصة والدها
كما أن المفاجأة غير المتوقعة أن العريس جاء بمفرده
ياترى ايه اللي هيحصل ؟؟؟؟؟؟؟؟؟؟ |
|
| | |
hend&trika
المشاركات : 6306
العمر : 30
تاريخ التسجيل : 21/10/2008
| | موضوع: رد: عريس يا ماما (الحلقة الاخيرة ) *خلاص خلصت الحكاية * السبت يوليو 31, 2010 3:50 am | |
| ايووووووووووووووووووووووون
عوزة اعرف ايه اللى هيحصل
وبجد تحفه والله يا نيمو ههههههههههههههههههههههههههههههههههه
هههههههههههههههههههههههههههههههههههههههههههههههههههه
استمرى استمرى يا قمر
وحنا مستنيين الباااقى بفروووغ الصبر ههههههههه
تسلمى كتييييييييييييييييييييييييييير |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * السبت يوليو 31, 2010 4:16 am | |
| - hend&trika كتب:
- ايووووووووووووووووووووووون
عوزة اعرف ايه اللى هيحصل
وبجد تحفه والله يا نيمو ههههههههههههههههههههههههههههههههههه
هههههههههههههههههههههههههههههههههههههههههههههههههههه
استمرى استمرى يا قمر
وحنا مستنيين الباااقى بفروووغ الصبر ههههههههه
تسلمى كتييييييييييييييييييييييييييير هههههههههههههههههه هههههههههههههههههههههههه و الله هاين عليا احطلك كل الحلقات بس معلش استنيني شوية [ندعوك للتسجيل في المنتدى أو التعريف بنفسك لمعاينة هذه الصورة]تسلميلي يا نودي يا عثل |
|
| | |
اسراء محمد
المشاركات : 5435
العمر : 27
تاريخ التسجيل : 12/06/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * السبت يوليو 31, 2010 11:55 pm | |
| ههههههههههههههههههه
ميرسى ليكى يا قمر على الحلقات التحفة ديه
يا ريت المزيد |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 12:05 am | |
| - اسراء محمد كتب:
- ههههههههههههههههههه
ميرسى ليكى يا قمر على الحلقات التحفة ديه
يا ريت المزيد مرورك هوا التحفة يا عثل [ندعوك للتسجيل في المنتدى أو التعريف بنفسك لمعاينة هذه الصورة] |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 3:10 am | |
| رن جرس الشقة مرة واحدة فأسرعت عفاف لفتح الباب ولكن والدها أوقفها وأخبرها أن تلزم غرفتها حتى ينادى عليها ثم فتح هو الباب ليجد شابا وسيما أنيقا ذو رائحة طيبة وإبتسامة هادئة وبيده كيس موز!!! استبشر حلاوة العنتبلى خيرا ودعاه للدخول ولكنه أخذ ينظر وراءه فى تعجب لعدم وجود أحد معه فأغلق الباب خلفه فى عنف وتغيرت ملامح
وجهه وهو يقول !
أهلا!
حاتم: أهلا بيك يا عمى
العنتبلى: خير يابنى؟!
حاتم(فى قلق): هى الآنسة عفاف ما قالتلقوش إنى جاى؟!
العنتبلى: لا قالتلنا 0000بس ماقالتلناش إنك سيادتك هتشرّف لوحدك!
حاتم: لا ياعمى منا مش جاى لوحدى أنا معايا كيس موز!
العنتبلى: لا يا شيخ!000 كيس موز!
[ندعوك للتسجيل في المنتدى أو التعريف بنفسك لمعاينة هذه الصورة]
الأم: ياما جاب الغراب لأمه!
حاتم: طيب يا عمى ندخل فى المفيد!
العنتبلى: ندخل فى المفيد!000إنت متأكد إنك جاى تدخل فى المفيد؟!
حاتم: أكيد يا عمى إمال أنا جاى ليه؟!
العنتبلى: وإن شاء الله هندخل فى المفيد بطولك كدة؟!00000من غير والدك ولا والدتك ولا عمك ولا خالك ولا أى حد!
حاتم: لا لا يا عمى ماهو انتوا هتشوفوهم فى الفرح إن شاء الله
وقف العنتبلى مرة واحدة صارخا
نعم يا خويا؟!!! 000فى الفرح؟!
[ندعوك للتسجيل في المنتدى أو التعريف بنفسك لمعاينة هذه الصورة]
حاتم: اتفضل بس يا عمى وأنا أفهمك على كل حاجة
العنتبلى: أدينا اتفضلنا أهو 0000000نعم؟!
أنا ياعمى اسمى حاتم وعندى 22 سنة و3 أشهر و5 أيام و4ساعات ونصف!!!!
[ندعوك للتسجيل في المنتدى أو التعريف بنفسك لمعاينة هذه الصورة]
الأم(بحدة): جرا إيه يابنى إنت؟! 0000كان زمانك إتجوزت وخلفت كمان!
العنتبلى: استنى بس يا أم عفاف إما نشوف أخرتها!
حاتم: أنا يا عمى عندى شقة واسعة والحمد لله وجاهزة عالفرش
العنتبلى: الى بعده!
حاتم: وجاى أطلب إيد الآنسة عفاف000طبعا أنا عارف إنكم مستغربين إنى جيت لوحدى
العنتبلى: الله ينور عليك هو دة بقى المفيد! فين الحاج والحاجة؟!
حاتم: بصراحة كدة ياعمى الحاج والحاجة مش مقنتعين بحكاية جوازى من النت دى
العنتبلى: نعم يا حبيبى؟!0000هو مين الى من النت إنت ولا إحنا؟!
حاتم: إحنا الإثنين يا عمى!
العنتبلى: يابنى انت هتلخبطنى ليه بقى؟!0000أنا جزار مش صحفى!
حاتم: وفيها إيه يا عمى طيب ما أنا طالب مش صحفى!
العنتبلى(صارخا): مش صحفى؟!!0000وكمان طالب!!!!
الأم: إمال إنت فاكر إيه يا حاج ماهو طالب فى البتاعة دى الى بيشتغلوا فيها على الكبورر!
العنتبلى: خشى يا ولية نادى على عفاف!
أتت عفاف بسرعة ووالدها يرمقها بغضب بينما ابتسم حاتم وهو يقول
أهلا يا آنسة عفاف
عفاف: أهلا بيك يا أستاذ حاتم!
العنتبلى: اقعدى يا عفاف شوفى المصيبة دى!!!!
عفاف: مصيبة إيه بس يا بابا كفا الله الشر
العنتبلى: البيه بيقولى إنه طالب!
عفاف: أيوة يا بابا ماهو طالب فى هندسة الحاسبات فى آخر سنة
العنتبلى: نعم ياختى؟! 0000أنا كنت فاكره صحفى
حاتم: صحفى؟!000بس أنا عمرى ماكنت صحفى ولا هكون!
عفاف: استنى بس يا حاتم لو سمحت يظهر إن فى سوء تفاهم وفاكرينك صحفى عشان أنا قلتلهم إنك بتكتب فى المنتديات
ثم إلتفتت إلى والدها وهى تقول
يا بابا الأستاذ حاتم بيكتب عالنت مش فى الصحافة! وكتاباته مميزة جدا
العنتبلى: منا عارف إنه بيكتب فى الجرنال وبعدين يدخل الجرنال فى الشاشة عشان الناس تشوفه عالنت0000انتوا فاكرينى جاهل ولا إيه؟!
[ندعوك للتسجيل في المنتدى أو التعريف بنفسك لمعاينة هذه الصورة]
حاتم: لا ياعمى العفو!
عفاف: يابابا فى جرنال فى الدنيا بيدخل فى الشاشة؟!000مين الى قالك كدة؟!
العنتبلى: واحد صاحبى متعلم ومتنور ومعاه تالتة إبتدائى!000قالى إن الأخبار الى بتشوفوها عالنت عبارة عن جرايد بيدخلوها من فتحات الشاشة الى ورا!!!
عفاف: تالتة إبتدائى؟!000يا بابا الكلام دة غلط ومافيش جرايد بتدخل من الشاشة ولا حاجة000بالنسبة للأخبار دى عبارة عن كلام مطبوع عالنت
[ندعوك للتسجيل في المنتدى أو التعريف بنفسك لمعاينة هذه الصورة]
العنتبلى: شوفى يا بنتى إنتى وهو 0000لو فضلتم سنة تتكلموا عن النت دة مش هفهم برضه! المهم دلوقتى بسلامته والدك مش موافق ليه؟!
إحنا مش قد المقام ولا يعنى ما نشبهشى؟!
حاتم: لا ياعمى العفو دة شرف ليهم إنهم يناسبوا حضرتك وطنط!
الأم: طنط؟!!! 00000طنط مين يا ضنايا؟!!!!
[ندعوك للتسجيل في المنتدى أو التعريف بنفسك لمعاينة هذه الصورة]
عفاف: اهدى يا ماما 000هو يقصد إنه يحترمك مش أكتر!
حاتم: أيوة طبعا زى ما قالت عفاف كدة بالضبط
الأم: بس معلشى يابنى لا طنط ولا مدموذيل قولى يا حاجّة أحسن!
حاتم: حاضر يا حاجّة!
العنتبلى: طيب لما هو شرف ليهم مش موافقين ليه؟!
عفاف: هو يقصد يا بابا إنهم مش موافقين على الطريقة نفسها000يعنى الزواج عن طريق النت
العنتبلى: طب ليه يا بنتى مش دة جواز على سنة الله ورسوله؟
حاتم: أكيد يا عمى بس تقول إيه بقى ربنا يهديهم!
العنتبلى: طب ممكن تقولى بقى إزاى عجبتك بنتى من غير ما تشوفها 000يعنى إنت أصلا جاى بناءا على إيه؟!
نظر حاتم إلى عفاف وهو يقول
حاتم:عجبتنى مشاركاتها يا عمى !000مواضيعها وردودها
[ندعوك للتسجيل في المنتدى أو التعريف بنفسك لمعاينة هذه الصورة]
قابلتها أول مرة فى موضوع عن السجاير! كلامها لفت نظرى ولقيتها مرة واحدة مشاركة فى موضوع ليا عن الكورة وأقنعتنى بكلامها إن الكورة دى للفاضيين ومش ممكن واحد مسلم يشعر بإخوانه فى العراق وفلسطين يقعد يكتب موضوع عن الكورة ويشجع الأهلى!
العنتبلى: اخص عليكى يا عفاف ! خلتيه يشجع الزمالك بدل الأهلى؟!
حاتم: لا ياعمى هى خليتنى أسيب الكورة نهائى وأشجع الوحدة الإسلامية!000بعد ما إقتنعت بكلامها طلبت من الموديراتور إنه يقفل الموضوع!
و000
قاطعه العنتبلى: طلبت من مين يا خويا؟!
حاتم: الموديراتور!
العنتبلى: ويطلع إيه الموتور دة كمان ؟!!!!
عفاف: يقصد المشرف يا بابا 0000يعنى الى بينظّم المكان
العنتبلى : طيب!و بس للنهاردة [ندعوك للتسجيل في المنتدى أو التعريف بنفسك لمعاينة هذه الصورة]
عدل سابقا من قبل nemooo في الأحد أغسطس 01, 2010 3:26 am عدل 1 مرات |
|
| | |
hend&trika
المشاركات : 6306
العمر : 30
تاريخ التسجيل : 21/10/2008
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 3:18 am | |
| تؤ تؤتؤ تؤ
بس ايه بس يا نيمو؟
هههههههههههههههههههههههههههههههههههههههههههههههههههههههههههههه
بجد رووووووووووووعة ومش بقيت عرفة اقول ايه يا نيمو من كتر جمالها والله
ومنتظرين الباقى يا قمررررررررررررررررر |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 3:35 am | |
| - hend&trika كتب:
- تؤ تؤتؤ تؤ
بس ايه بس يا نيمو؟
هههههههههههههههههههههههههههههههههههههههههههههههههههههههههههههه
بجد رووووووووووووعة ومش بقيت عرفة اقول ايه يا نيمو من كتر جمالها والله
ومنتظرين الباقى يا قمررررررررررررررررر هههههههههههههههههههههههههههههههه ربنا يخليكي يا نودي جمالها هوا جمال ال بتقراها و الباقي جاي في نفس المعاد بكرة [ندعوك للتسجيل في المنتدى أو التعريف بنفسك لمعاينة هذه الصورة] |
|
| | |
اسراء محمد
المشاركات : 5435
العمر : 27
تاريخ التسجيل : 12/06/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 12:08 pm | |
| ههههههههههههههههه
يا ريت تكميلى فى اسرع وقت علشان بجد يا نيمو الحلقات روعة
وميرسى على موضوعك الجميل |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 6:22 pm | |
| - اسراء محمد كتب:
- ههههههههههههههههه
يا ريت تكميلى فى اسرع وقت علشان بجد يا نيمو الحلقات روعة
وميرسى على موضوعك الجميل انتي تأمري يا قمر ثانكس على متابعتك يا عثل |
|
| | |
sad girl
المشاركات : 2860
العمر : 26
تاريخ التسجيل : 18/12/2009
| | موضوع: رد: عريس يا ماما (الحلقة الاخيرة ) *خلاص خلصت الحكاية * الأحد أغسطس 01, 2010 11:46 pm | |
| جااااامدة جدا كل الحلقات
تسلمي ياقمر بجد تسلم ايدك
وانا عايزة الحلقة بسررررررررررررررررررررررررعة |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الإثنين أغسطس 02, 2010 1:28 am | |
| - sad girl كتب:
- جااااامدة جدا كل الحلقات
تسلمي ياقمر بجد تسلم ايدك
وانا عايزة الحلقة بسررررررررررررررررررررررررعة ثانكس يا عثل على مرورك |
|
| | |
nemooo
المشاركات : 1202
العمر : 32
تاريخ التسجيل : 19/02/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الإثنين أغسطس 02, 2010 2:32 am | |
| يا سباعي انت يا باني ادم فين الشاي
1
2
[ندعوك للتسجيل في المنتدى أو التعريف بنفسك لمعاينة هذه الصورة] سكوت في اللوكاشن
3
اكـــــــــــــــشـن حاتم: المهم000بدأت أعجب بيها وأتابع مشاركاتها ومشيت وراها فى كل موضوع تروحه! خرجت من ساحة الشباب للمنتدى السياسى خرجت وراها لقيتها شاركت فى موضوع عن بوش وشارون شاركت معاها وشكرتها على مشاركتها ونسيت أشكر صاحب الموضوع الأصلى! رغم انها أصلا كانت داخلة تشكره فشكلى كان نيلة ساعتها! [ندعوك للتسجيل في المنتدى أو التعريف بنفسك لمعاينة هذه الصورة] ولقيتها سابت السياسة وراحت لروضة الأخوات فى موضوع تعارف وأنا كنت ماشى وراها كالمسحور فشاركت بعد مشاركتها على طول رغم إن الموضوع للأخوات فقط ومأخذتش بالى إلا لما المشرف وقفنى! وعلى ما سجلت بإسم جديد مؤقتا لقيتها فى المنتدى العام بتشارك فى موضوع للنكت فقلت فرصة أكتبلها نكتتين يضحكوها قبل ما تشارك هى وفعلا كتبت نكت جامدة قوى وقلت أكيد هتضحك لقيتها كاتبة عتاب طويل عريض لصاحب الموضوع إن النكت دى ما يصحش تتقال فى منتدى إسلامى وبتنصحه إنه يشيل الموضوع ويراجع نيته!!!
لقيتها دخلت موضوع شمس وقمر قلت أهو فرصة نلعب سوا!
فدخلت قلت شمس قبل ما هى تقول قمر واستنيتها كتير تقول قمر بدون فايدة فقلت لنفسى معقولة دة كله بتكتب ثلاث حروف؟!
ولا يمكن بترسملهم القمر ذات نفسه !
[ندعوك للتسجيل في المنتدى أو التعريف بنفسك لمعاينة هذه الصورة]
المهم بعد 5 دقائق لقيتها رازعة صاحب الموضوع كلمتين عن المشاركات الهادفة والجد ومراعاة ظروف المسلمين المعتقلين والمعذبين والمقتولين لغاية ما نفسى غمت عليا!
فسحبت كلمة شمس وكتبت بدالها تحيا الوحدة الإسلامية!
[ندعوك للتسجيل في المنتدى أو التعريف بنفسك لمعاينة هذه الصورة]
وقلت البنت دى لازم تبقى من نصيبى لأنها إيجابية جدا ومحترمة جدا فطلبت إيميلها من المشرف قالى ممنوع! [ندعوك للتسجيل في المنتدى أو التعريف بنفسك لمعاينة هذه الصورة] حاولت أقنعه وقلتله ياعم يرضيك يرضيك مافيش فايدة!!!
طبعا الأب والأم قاعدين مسبهلين ومش فاهمين أى حاجة [ندعوك للتسجيل في المنتدى أو التعريف بنفسك لمعاينة هذه الصورة] ويستمعون لحاتم ويؤئمون برؤوسهم كأنهم عرفين كل حرف عم حاتم ده بيقوله!
بس عفاف زي هبلة بتضحك و قالت
إمال عرفت إيميلى إزاى؟ [ندعوك للتسجيل في المنتدى أو التعريف بنفسك لمعاينة هذه الصورة] !
حاتم: قدرا! 000لقيتك كاتباه لواحدة صحبتك فأخذته على طول [ندعوك للتسجيل في المنتدى أو التعريف بنفسك لمعاينة هذه الصورة] !
الأب: وبعدين في اليوم ال ما طلعلهوش نهار دة !
حاتم: أنا آسف يا عمى 0000حضرتك موافق طبعا؟!
الأم: يوافق على إيه يا جدع إنت هو سلق بيض!
[ندعوك للتسجيل في المنتدى أو التعريف بنفسك لمعاينة هذه الصورة]
الأب: انت عاوزنى أوافق على إيه هو انت قلت حاجة أوافق عليها؟!
حاتم: طبعا ياعمى على عرضى للزواج من كريمتكم عفاف!
[ندعوك للتسجيل في المنتدى أو التعريف بنفسك لمعاينة هذه الصورة]
الاب بكل نرفزة كريمة ايه و بطيخ ايه يا اب........ء
الام بعد ان غمزته
اهدى يا معلم ده مهما كان في بيتك
الأب هو بيحول يملك لسانه : انت فاكر اننا هنقبلك كدة بطولك؟!00000من غير مااهلك يوافقوا و نتفاهم عالتفاصيل!
حاتم: وفيها إيه ياعمى بس هو مش أنا الى هتجوز ولا هما؟!
الأب(وقد فاض به الكيل): [ندعوك للتسجيل في المنتدى أو التعريف بنفسك لمعاينة هذه الصورة] اسمع ياد إنت! 000بقى أنا صابر عليك من الصبح
وإنت عمّال تحكيلى قصة حياتك كأنك صلاح الدين! وبعدين عمّال تقولى كنت بجرى ورا البت عالنت
ومن موضوع لموضوع لغاية ما قطعت نفسى وجت اتقدمتلها!
كل الكلام ده و لا ياكل معايا
نيجى بقى للمفيد 000إذا كنت فاكر إنك هتضحك علينا بالخمسة كيلو موز دول فأنت غلطان دة أنا ممكن أزحلقك بيهم دلوقتى !!!00000لو عاوز تخطب عفاف فعلا هاتلى أبوك وأمك عشان نتفاهم
غير كدة قضيها مواضيع عالنت أحسلك!!!
أما عفاف فأهى قاعدة معانا أهى بتاكل وبتشرب
ولو ما نفعتشى فى الجواز ممكن ندبحها عالعيد مافيش أى مشاكل!!!!!!!!!!!!!!!!!
[ندعوك للتسجيل في المنتدى أو التعريف بنفسك لمعاينة هذه الصورة]
عفاف: يا بابا بس 0000
قاطعها العنتبلى
اخرسى يا بت إنتى وخشى جوة!
حاتم: ماهو ياعمى أنا كنت ناوى
قاطعه العنتبلى بدوره 000
ناوى إيه بقى؟!0000بقالك نص ساعة ناوى ناوي ناوي؟!000 لتكنش هعاوز تتجوزها بالنية يلاه
[ندعوك للتسجيل في المنتدى أو التعريف بنفسك لمعاينة هذه الصورة]
أنا خلصت الى عندى روح شاور أهلك والمرة الجاية لو فيه يعنى هاتهم معاك !
حاتم: طب يا عمى ممكن00000
قاطعه العنتبلى مرة أخرى
بقولك إيه؟! فى جاموسة هنروح ندبحها كمان شوية لو أخرتنى ممكن أ00000!!!!
[ندعوك للتسجيل في المنتدى أو التعريف بنفسك لمعاينة هذه الصورة]
حاتم(مذعورا):ا ايه
لا يا عمى على إيه00000سلام عليكم!
cut
يا ترى حاتم هيخلع و لا هيتجوز
ده ال هتعرفوا بكرة في الحلقة الاخيرة
[ندعوك للتسجيل في المنتدى أو التعريف بنفسك لمعاينة هذه الصورة] |
|
| | |
سارة محمد
المشاركات : 2518
العمر : 32
تاريخ التسجيل : 27/06/2010
| | موضوع: رد: عريس يا ماما (الحلقة الاخيرة ) *خلاص خلصت الحكاية * الإثنين أغسطس 02, 2010 3:37 am | |
| |
|
| | |
kariuki
المشاركات : 88182
تاريخ التسجيل : 18/10/2008
| | موضوع: رد: عريس يا ماما (الحلقة الاخيرة ) *خلاص خلصت الحكاية * الإثنين أغسطس 02, 2010 3:52 am | |
| |
|
| | |
| | عريس يا ماما (الحلقة الاخيرة ) *خلاص خلصت الحكاية * | |
|
