مره حسنى مبارك راح مدرسه ابتدائلى ولما جت فتره الاسئله ولد رفع ايده مبارك ساله اسمك ايه قاله رامى قاله :ايه سوالك يا رامى
رامى : انا عندى4 اسئله
1-ليه انت رئيس بقالك 25 سنه؟
2-ليه معندكش نائب لحد دلوقتى؟
3-ليه ولادك ماسكين كل حاجه فى البلد؟
4-ليه مصر حالتها الاقتصاديه زفت وانت مبتعملش حاجه؟
ساعتها بظبط رن جرس الفسحه وبعد الفسحه
قال مبارك:كنا فين يا ولاد مين عنده اسئله
قام ولد وقاله انا عندى6 اسئله
1-انت ليه بقالك 25 سنه رئيس
2- ليه لحد دلوقتى معندكش نائب؟
3-ليه اولادك ماسكين كل حاجه فى البلد؟
4-ليه حاله مصر الاقتصاديه زفت وانت مبتعملش حاجه؟
5-ليه جرس الفسحه ررن ربع ساعه بدرى غريبه!؟
6-فين رامى فين رامى؟؟؟؟؟
@@@@@@@@@@@@@@@@@@@
بيقولك جمال مبارك بعد الخطوبه ابو حب يضمنله مستقبله جابله عقد عمل فى السعوديه
وشغله برضو ابن رئيس جمهوريه بالساعه
@@@@@@@@@@@@@@@
قرر مبارك ان يعين سكرتيره فلجا الى نظيف
مبارك:اهم حاجه يا نظيف فى اللى يشتغل معايا الامانه
نظيف:احنا عملنا اختبارات لتلات بنات يا ريس
ادينا لكل واحده كيس وقلنالهاودى الالف جنيه دول البنك كل واحده فتحت الكيس لقيت فيهم الفين جنيه
واحده حطت الف ورجعت بالف
التانيه حطت الالفين وجابت الوصل
التالته رجعت بالفلوس كلها وبتسال تتصرف ازاى
ها ياريس هتعين مين؟؟؟؟؟؟؟؟؟
مبارك:اللى لابسه جيبه ميكرو طبعا
@@@@@@@@@@@@@@@@@@
واحد اتحشر فى زحمه مرور فواحد بيخبطله قاله عاوز ايه؟
قال:الريس مبارك اتخطف والفديه25الف$وقالوا لو مدفعناش هيحرقوا ببنزين ويولعو فيه
واحنا عاملين حمله تبرعات ..تحب تشارك؟
قاله:فى المتوسك الناس بتتبرع بكام
رد عليه:من 5الى10 لتر بنزين
@@@@@@@@@@@@
كان بسرير المرض عندما كان يلقى بوصاياه الاخيره لنظيف
-وصيتك الحكم من بعدى يا احمد
-فى رقبتى يا ريس كله تمام والسلطه هياخدها جمال
-(ثم راح فى غيبوبه وافاق بعد قليل)
-وصيتى الشعب من بعدى يا احمد
-متخافش يا ريس ده شعب ياكل الزلط
(ثم راح فى غيبوبه وافاق بعد قليل)
احمد
-نعم ياريس
-متنساش توكيل الزلط لعلاء
@@@@@@@@@@