فى البدايه قبل عرض الاحداث
هذا القصه نقلتها لكم
فهى مشوقة و جميلة ومفيده
جزاه الله خيرا كاتب الحلقا


و نفع بها الامة و جعلها فى ميزا
ن حسناته

وبجد ياريت كل شخص يشوف القصه يقراها للآخر
لانها بجد قصه فى منتهى الروعه بجد





لنبدأ المسلسل


احنا هنعيش القصه مع ابطالها محمد وعبد الرحمن
سنة اولي طب بالمناسبة هما كانوا اصحاب منذ الصغر



الحلقة الأولي


يصحي محمد اول يوم ليه في الكلية اية دة الساعة 10 طبعا محمد صاحي مفزوع أول محاضرة
راحت عليه ....


ينادي محمد علي والدته

ماما ماما أنت مصحتنيش ليه ينفع كده من أول يوم مفيش إلتزام
والدته تدخل أنا قعدت اصحي فيك من الساعة7 وكالعادة صحيني بعد 5 دقايق لا لابعد ربع ساعة لحد ماوصلنا الساعة 8 وأنت نايم في سابع نومه وأنا زهقت منك
ازاي ده أنا محستش بأي حاجه خالص أنا زعلان اوي



وهنا يدخل والد محمد زعلان أوي ياحبيبي لك حق تزعل وإلايبقي ماعندكش دم


محمد:مش كده برده يابابا قول لماما أصلها مش مقدرة.


الوالد: مش مقدرة لا مالهاش حق اتصدق بالله أنت ماعندكش دم.


محمد: ليه كده بس أنا مالي ماما هي اللي ماصحتنيش بذمة.



الوالد: ياسلام ياخوي انا مابكلمش علي كده انت زعلان اوي لما فاتتك اول محاضرة.
طب ماانت ضيعت صلاة الفجر انهاردة مازعلتش أوي كده لية وللاأنت خلاص بعد امتحانات الثانوية العامة مش هشوفك تاني في الجامع .


محمد: في سره أنا فاتتني محاضرة الكلية بس الحمد لله ربنا عوضني خيراً منها محاضرة أبويا
ده بدل مايقولولي تفطر إيه ياحبيبي نروح نحضره ماعلينا.



الوالد: أنت سكت ليه نمت؟؟


محمد:لالا أبداً خلاص سماح المرة دي أنا هجهز بقي قبل مايفوتني باقي المحاضرات.


وهنا يرن موبايل محمد الظاهر صاحبه عبد الرحمن بيطمن عليه




محمد:ايوه ياعبد الرحمن ازيك عامل اية؟؟

عبد الرحمن: الحمد لله رب العالمين أنت فين؟؟

محمد :أنا علي السرير أصلي راحت عليه نومة.

عبد الرحمن: ولا يهمك تتعوض المهم أنا مستنيك ماتتأخرش يلا.


محمد : ماشي مسافة السكة ويجهز محمد وينزل عشان يقابل عبد الرحمن.





محمد: كل دي زحمه أنا هركب ازاي وبعد عناء طويل محمد يركب الميكروباص وينطلق الي الكلية .





ويفاجا محمد بواحده تيجي تقعد جنبه...


وبعد فتره تسأله هو حضرتك في كلية اية
محمد:نعم طبعا هو سامع بس مستغرب السؤال
تعيد البنت السؤال مرة تانية
محمد: ليه حضرتك فيه حاجة؟؟

البنت :لا أبداً بس زي مانت عارف إن النهاردة أول يوم في العام الدراسي وأنا مااعرفش أي حاجة في الجامعة فبسأل حضرتك ممكن نكون في نفس الكلية فتعرفني عليها وكدة يعني....

محمد: يفكر فترة طويلة ياتري اقولها ايه دلوقتي اروح معاها كليتها واخدمها واعمل فيهامعروف طب وعبد الرحمن اعمل فيه ايه .....


ولكن فجاه يفتكر محمد قصة سيدنا موسي عليه السلام مع المرأتين وكيف كان حياءوه وأدبه معهم وكذلك حياء المرأتين

محمد : بصوت حازم هو حضرتك في كليه اية

البنت :في تجارة

محمد :خير أنا مش في تجارة ومعرفش حاجة عنها وكأنه يقول لها اسكتي واياكي تتكلمي تاني...





وبعد عناء ينزل محمد من الميكروباص وأخيرا هيقابل عبد الرحمن



ياتري ايه اللي هيحصل بينهم؟



هذا ماسنعرفه في الحلقة القادمة ان شاء الله

الحلقة الثانية



محمد يدخل الكلية يدور علي عبد الرحمن وبعد لف كتير في الكلية إيه ده ده شبه عبد الرحمن خالص


لا لا بس أكيد مش هو إية المقشة اللي في وشه دي هههههههههههههه وللا البنطلون شكل الترزي ضحك عليه وخد باقي القماش وقعد يفحصه من فوق لتحت لا دا أكيد مش عبد الرحمن ولو عبد الرحمن امتى وازاي وليه حصله كده ويقطع تفكير محمد صوت عبد الرحمن...



عبد الرحمن:إيه يامحمد هو انا كنت بايت معاك امبارح وللا إيه ده بدل ماتخدني بالحضن قاعد تبصلي من فوق لتحت.

محمد :لا أبداً ياعبد الرحمن وياخده بالحضن وحشتني أوي أنا معرفتكش يابني أنت إيه اللي حصلك 3 شهور أجازة يحصلك كل ده ايه اللي حصلك؟!!!!

عبد الرحمن :بعدين احكيلك المهم أنت ازاي تفوت أول محاضرة من أولها كده طب حتي خليك ملتزم أول يوم.

محمد:صحيح عملتوا إيه من غيري.

عبد الرحمن:طبعا الدكتور كان زعلان جداً إنك محضرتش وكان عايز يلغي المحاضرة لولا أن العدد كان كبير ..

محمد:أنت بتتريق؟؟

عبدالرحمن:مانت اللي سؤالك غريب هنعمل إيه يعني من غيرك لاأنت الكمبيوتر ولا البروجيكتور وللا حتي الميكروفون عشان المحاضرة تتعطل من غيرك..

محمد:ماشي ياعبد الرحمن بكرة تعرف أهميتي.

عبدالرحمن:المهم أنت ازاي راحت عليك نومة والفرق بين جلسة الشروق والمحاضرة قليل يعني ماتلحقش تنام فيه؟؟!!

محمد:مش أما أكون الأول صليت الفجر ابقي اقعد جلسة الشروق

عبدالرحمن:يعني أنت ضيعت صلاة الفجر انهارده ازاي؟!!!

محمد:يلا ابدأ المحاضرة التانية كلي اذان صاغية امال يابني لومكناش دفنينه سوا ..
عبد الرحمن:دفنا مين ؟؟

محمد:إيه يابني احنا مش كنا بنصلي أيام الامتحانات وبعد كده بئي أنت عارف أنا بحب النوم أد إيه ...
اوعي تقولي إن أنت لسه بتصلي الفجر!!!!!

عبدالرحمن:أنا بفضل الله بصلي كل الصلوات في المسجد.

محمد:بجد عليه أنا برده الكلام ده؟؟!!

عبدالرحمن:المهم دلوقتي يامحمد أنا هرن عليك كل صلاة عشان اذكرك بيها وبالذات صلاة الفجر بس اياك تفتح عليه أنا بقولك أهو وإلا هخليك تشحنلي...

محمد:براحة بس علية احنا أول يوم في الدراسة..

عبدالرحمن:ماهو عشان كده لازم نفتح صفحة جديدة مع ربنا احنا فرطنا كتير أوي يامحمد..

محمد:في سره فرطنا في إيه أنا مش فاهم أي حاجة؟!!!





عبدالرحمن:هنبتدي من انهاردة ..
أول حاجة لازم تعرفها أهميه صلاة الفجر
أنا لواديتك صندوق فيه طوب وصندوق فيه دهب وقلتلك وصلهم مكان معين ياتري اهتمامك بالإتنين هيكون نفس الإهتمام؟؟

محمد:لا طبعا دا حتي لو صندوق الطوب ضاع بسيطة هشتري صندوق والطوب أهو كتيرفي الشارع لكن صندوق الدهب لو ضاع هعوضه ازاي؟؟

عبدالرحمن :الحمد لله اتفقنا بص بقي صلاة الفجر أغلي من كنوز الدنيا يعني لوضاعت مش هتعرف تعوضها...

1-قال رسول الله صلي الله عليه وسلم
( من صلى الصبح في جماعة فكأنما صلى الليل كله ) رواه مسلم .


2- قال رسول الله صلى الله عليه وسلم
( من صلى الفجر فهو في ذمة الله (حفظه) فلا يطلبنكم الله بشئ من ذمته ) حديث صحيح
رواه الطبراني ومسلم بلفظ مشابه .


3-قال رسول الله صلي الله عليه وسلم
( بشر المشائين في الظلم إلى المساجد بالنور التام يوم القيامه ) صحيح .


كده اتفقنا إن صلاة الفجر مهمة ماشي ..


محمد:ماشي ياسيدي كمل باقي المحاضرة أما اشوف آخرتها معاك

عبد الرحمن:بص بئي أنت قبل ماتنام لازم تكون متوضي وتقول أذكار النوم بكرة إن شاء الله هجيبلك كتاب حصن المسلم
وتكون مخلص إنك عايز تقوم بجد تصلي ولازم تكون عارف إن صلاه الفجر دي ترمومتر علي صدقك شوف بئي أنت صادق ولا .....
خلاص اتفقنا يامحمد هرن عليك وهستناك تكنسل



محمد:خلاص خلصت المحاضرة يلا بئي قولي إيه اللي غيرك كده

عبدالرحمن :هو أنا ههرب منك ماحنا مع بعض أهو يابني إن شاء الله هحكيلك تعالي بس نروح الجامع لأن الظهر قرب يأذن وبعد الصلاة إن شاء الله هحكيلك

وفي الجامع عبد الرحمن يقوم يصلي السنة

عبد الرحمن:أنت مش هتصلي السنة

محمد:دا كويس إني بصلي الفرض يابني

عبدالرحمن :ماشي ياسيدي بس الرسول صلي الله عليه وسلم بيقول من صلي اثنا عشر ركعة في اليوم والليلة بني الله له بيتا في الجنة

محمد :ماشي ماشي صلي أنت بس وخليني اقعدلي شوية بئي عشان تحكيلي بين الاذان والإقامة

محمد :يراقب عبد الرحمن وهو بيصلي ايه دا الواد اتغير 180 درجه هو إيه اللي حصله ماكنش بيتكلم كده أبداً الواد اتجنن وللا إيه أنا خايف عليه لاحول ولاقوة إلا بالله ايه ده وكمان بئي بيصلي كويس ماشاء الله إيه الخشوع والسكينة دي هو مستني نتيجه إمتحان تاني وللا إيه

ياتري ايه اللي حصله 3شهور يتقلب القلبة دي؟؟!!

الحلقة الثالثة




ينتهي محمد وعبد الرحمن من صلاة الظهر





محمد:يلا بقى احكيلي..

عبدالرحمن:ياعم اصبر حتي استني لما نختم الصلاة ونخرج من الجامع هحكيلك واحنا مروحين.

محمد:ماشي أنا صبرت عليك كتير

عبدالرحمن:معلش استحملني




ويخرج محمد وعبدالرحمن من الجامع ويعيشوا أزمة المواصلات
يركب محمد وعبد الرحمن أخيراً



محمد :يهزر مع عبد الرحمن مابلاش بخل يااخي وهات عربيتك معاك وارحمنا من الزحمة دي

عبد الرحمن :ماشي ماشي

محمد:يلا كلي آذان صاغية

عبدالرحمن:بص ياسيدي أنت عارف طبعا محمود ابن خالتي أنا وهو ومجموعة من أصحابنا نوينا بعد الثانوية العامة وقرفها أننا نسافر بعيد ونصيف بئي ونعيش حياتنا
وبالفعل سافرنا وقضينا أيام حلوة فسح بئي وسهر وأغاني وافلام وملاهي كانت ايام حلوة

محمد:إية دة وأنا ليه ماقولتليش

عبد الرحمن: ما تقطعنيش يامحمد
المهم واحنا راجعين كان السواق مشغل أغنية أنا وأصحابي كنا بنحبها أوي وكنا قاعدين نصقف
لقينا واحد مانعرفوش بيدي للسواق شريط ويقوله لوسمحت من فضلك خد شغل دة أحسن
طبعا كلنا اعترضنا وأولنا السواق المهم الشخص دة قعد يتكلم واحنا ودن من طين والتانية من عجين كلامه طبعاً زي قلته أنا تقريبا ماسمعتش كلمة منه


وفجأة

الأتوبيس كان هيعمل حادثة بس ربنا ستر
وكأن دي كانت رسالة من ربنا لينا بس احنا اللي مابنفهمش



محمد:يااااااسلام وده بئي اللي غيرك هو انت بقيت حساس أوي كده هههههههههههههههه

عبدالرحمن:شكلي مش هكملك الحكاية

محمد:صحيح أنا نسيت أسألك ع البت سها اللي كانت معانا في درس الكيميا البت دي اللي أنت كنت بتحبها صحيح هي دخلت معانا طب

عبدالرحمن:يارب صبرني اديك قعدت تقاطعني لحد مامحطتي جت أنا هنزل واكملك بكرة

محمد:بس استني طب تعالي اتغدى عندي وكملي القصة ماما عاملة فراخ هديك فرخة بحالها بس تعالي

عبدالرحمن:جزاك الله خيرا المهم أنا نسيت اقولك ابقى اظبط المنبه عشان صلاة الفجر وأنا برده هرن عليك

محمد:طب يلا انزل قبل ما السواق يرميك من الشباك




ويودع عبد الرحمن صاحبه محمد



ومحمد:يفضل قاعد وينزل المحطة اللي بعده أما نشوف آخرتها مع الواد عبده دي اية



ويدخل محمد البيت ماما أنا جعان أوي يلا فين الفراخ

والد محمد:يابني اصبر شوية احكيلي عملت إية انهاردة في الكلية

محمد:دا أنا عملت عمايل تخيل يابابا الواد عبد الرحمن بيصلي والله وقال إية هيرن عليه كل صلاة عشان يذكرني بيها وأنا قال إية أكنسل عليه وأقوم أصلي

والد محمد:وإية الغريب في كدة عقبالك يابني ربنا يهديك



وبعد أما ينتهوا من الغدا



محمد:صحيح أنا هدخل أنام وأسيب الموبايل وأما الواد عبد الرحمن يرن العصر والمغرب والعشاء والفجر تكنسلوا عليه وتقوموا تصلوا

ها مين هياخد الموبايل وللا بابا ياخده عصر ومغرب وماما تاخده عشا وفجر

والد محمد:وسيادتك هتعمل إية هتنام من دلوقتي لحد تاني يوم الكلية

محمد:الله اعلم أنا تعبت أوي انهاردة




ويدخل محمد ينام ويسيب الموبايل



ياتري عبد الرحمن هيعمل إية بكرة مع محمد إن شاء الله؟؟

الحلقة الرابعة



بالفعل عبد الرحمن يرن علي محمد في كل صلاة ومامته تكنسل

وتروح تصحي محمد وهو لا حياة لمن تنادي وبالقوة يصحي عشان يروح
الكلية



عبدالرحمن ومحمد يتقابلوا في المحاضرة ويقعدوا جنب
بعض


عبد الرحمن:ماشاء الله عليك يامحمد كنسلت عليه حتي في صلاة
الفجر شكل الكلام بيجيب معاك نتيجة

محمد:اه امال إية وفي سره ربنا يخليلي ماما
وبابا



وبعد
دقايق يدخل الدكتور وبعد مرور ربع ساعة من
المحاضرة




محمد:الحق ياعبد الرحمن البت سها أهي ، هي جاية متاخر لية ههههههه
مش تقولها تبئي تقعد جلسه الشروق عشان تيجي بدري
صحيح هو
أنت قلبتها وللا إية دي قرفتني في الاجازة أسئلة عليك لدرجة أننا افتكرناك مت هو
أنت صحيح كنت في السعودية بتعمل إية

عبدالرحمن :هو أنت مش هتبطل كلام

محمد:لا أنا عايز أعرف بقى إية اللي حصل
بينكم

عبدالرحمن:طب إية رأيك تستأذن من الدكتور ونطلع احكيلك برة
وللا علي إية هو هيطردنا دلوقتي

محمد:خلاص خلاص



وبعد شوية يتكلم


محمد تاني:هو احنا مش هنعمل صحوبيات

عبدالرحمن :لا إن شاء الله نعمل ربنا
ييسرالامور

محمد:طب الحمد لله

عبدالرحمن:لا مش اللي في دماغك




وبعد
انتهاء اليوم الدراسي



عبدالرحمن :يلا عشان نصلي الضهر ونروح وأحكيلك في
الطريق



وفي طريقهم للبيت



عبدالرحمن:أنا مش عايز سها تشوفنا ولو شافتنا نهرب منها بأي
طريقة

محمد:هو أنت يابني عامل عاملة وبعدين ماتشوفناش ازاي مش
هنحضر وللا هنلبس طقية لخفة وللا نبقى نقعد تحت البنش في المحاضرة
أحسن
أنت مالك بقيت غريب كدة لية




عبدالرحمن :اسمعني بس ربنا إن شاء الله هيصرف نظرها
عننا

محمد:طيب أما أشوف آخرتها

عبدالرحمن :بص ياسيدي

بإختصار الحكاية
....
محمد:لا أنا عايز تفصيل ممل

عبدالرحمن:ماشي ياسيدي
أنا وسها
تقريبا أهلنا اتنازلوا عن وظيفتهم الأساسية


محمد:اه أنا كده فهمت الحكاية وعشان كدة أنت شاحت الهدوم
اللي أنت لابسها ومش معاك فلوس حتي تحلق لاحول ولاقوة إلابالله وطبعاً مش معاك فلوس
عشان تخرج سها وتفسحها طب كنت اتصل بية أسلفك

عبدالرحمن :تسلفني إية أنت
مابتفهمش !!!!!

محمد: لية الغلط دة بس
خلاص كنت
هخلي بابا يشوف لوالدك شغلانة جديدة

عبدالرحمن:بص أنت تروح تتغدى عشان شكلك جعان عشان كدة مش
فاهم وبكرة هفهمك
وأحكيلك
علي كل حاجة

محمد:مااااااااشي

عبدالرحمن: السلام عليكم ورحمة الله
وبركاته

محمد:وعليكم السلام ورحمة الله وبركاته



وبعد ما عبد الرحمن يودع محمد



محمد:هو الواد دة بيتكلم كلام كبير أنا مش اده وللا أنا فعلاً
اللي جعان ومش فاهم حاجة؟؟!!!!

الحلقة الخامسة



وبعد انتهاء اليوم الدراسي كالعادة


عبدالرحمن:محمد أنت فهمت حاجة من اللي قلتها امبارح

محمد: بصراحة ومن غير ضرب لا


عبدالرحمن:طيب بص يامحمد أنا وسها تقريبا عايشين نفس الظروف عايشين غربة في وسط أقرب الناس لينا
عايشين غربة يشكيها البيت بجدرانه فكيف بمن تحويه الجدران
أهلي أنا وهي اتنازلوا عن وظيفتهم الاساسية وهي التربية والإحتواء
لا وياريت المأساة وقفت عند كدة لا كمان كانوا موافقين على علاقتنا أنا وسها وكأنهم شالوا حمل تقيل من علي أكتافهم وظنوا أنهم بكدة استريحوا مننا
معرفة أهلنا بعلاقتنا وموافقتهم عليها كان معناها عندنا إن خلاص الأمر المحرم بئي مباح لا دا ممكن كمان نقول عليه حلال مادام أهلنا عارفين إيه تاني هيهمنا


ربنا يغفرلنا ذلاتنا وتقصيرنا

المهم لما نتيجة الثانوية العامة ظهرت أنا وسها تقريبا كان مجموعنا واحد وقلنا إن شاء الله ندخل طب سوا وهنقضي 6 سنين مع بعض ومفيش حاجة هتفرقنا وقعدنا نحلم كتير أوي

وفي نفس يوم النتيجة

محمود إبن خالتي اتصل بية وقالي أنا عازمك أنت وسها بمناسبة نجاحكم علي حفلة المطرب(.........)الحفلة دي هتبقي جميلة أوي والمطرب هيكسر الدنيا هستناكوا تفوتوا علية متتأخروش بئي
وبالفعل اتصلت بسها وحددت معها ميعاد وقابلنا محمود وروحنا الحفلة سوا ووقت ماكنا في الحفلة كنا فرحانين ومبسوطين أوي


لكن فجأة في نص الحفله محمود قالي

أنا مش قادر اخد نفسي حاسس إن مفيش ذرة هوا
أنا قلقت عليه جداً وقررت أنقله المستشفي وقلت لسها روحي أنت عشان متتأخريش وأنا هطمنك إن شاء الله
وفي طريقنا للمستشفي اتصلت بخالتي وقلتلها احنا في طريقنا دلوقتي للمستشفى لأن محمود تعبان شوية



ولما وصلنا للمستشفي حاله محمود كانت بتسوء
وجه دكتور أول ماشاف محمود قاله قول لا إله الا الله
قول لا اله الا الله والدكتور يكررها كتير وفي كل مرة الدكتور يقولها محمود يقوله أنا فرطت كتير......

انا فرطت كتير أوي


والدكتور مازال يردد قول لاإله الا الله ومحمود مابيقولش إلا أنا فرطت كتير وأنا مش مستوعب اللي بيحصل

قلت لمحمود أنت فرطت في إية فرطت في إية يامحمود قولي

وقبل مايجاوبني لقيت الدكتور بيقول

(إنا لله وإنا اليه راجعون)

قلت للدكتور يعني إيه يعني إيه رد عليه




الدكتور:إنا لله وإنا اليه راجعون




يعني محمود مات خلاص ......

ازاي دا كان لسة معايا في الحفلة ازاي مات ازاي دا لسة صغير ومكانش تعبان مات ازاي
دامكانش عارف أنه هيموت................... وفرط كتير أوي في إيه ياريت قالي

يتبع إن شاء الله

الحلقة السادسة



محمد:بص ياعبد الرحمن من أولها كده احنا مش هنخرج من الكلية انهاردة إلا لما تحكيلي كل اللي حصلك

عبدالرحمن:ماشي ياعم محمد
أنت عارف أنا كل ماأفتكر يوم وفاة محمود أحس أوي بمعني الآية

(أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ )122الأنعام


الحمد لله رب العالمين أنا كنت ميت وربنا أحياني فله الحمد سبحان من يحيي ويميت
أنا بعد ماسمعت الدكتور وهو بيقول إنا لله وإنا إليه راجعون خرجت من المستشفى
من غير ماستنى خالتي ولا أي حد أنا كنت شبه فاقد للوعي خرجت ومكنتش عارف


أروح فين ومعرفش مشيت أد إية


وطول ماأنا ماشي في الطريق شوية أضحك وشوية أعيط كنت بكلم نفسي ساعات
بصوت عالي وساعات بيني وبين نفسي

محمود مات لا أنا مش مصدق أنا أكيد بحلم

محمود مات ازاي ممكن كان تعبان وأنا معرفش
محمود مات دا كان لسة قاعد معايا في الحفلة كان لسة بيكلمني مات ازاي


محمود مات يعني مش هشوفه تاني


طب وفرط في إية
فرط في إية فرط في إية كتير وخلاص مات ومش هيعرف يعوضه؟!!!!
مات لاااااا ازاي دا لسة صغير
يعني خلاص مش هيرجع بيته تاني ولا هيكون مع أهله
محمود هينام لوحده انهاردة
مفيش حد هيبقى معاه
بس ازاي دا القبر ضلمة أوي
محدش هيرضى يكون معاه يونسه
لا محمود مامتش أنا أكيد بحلم دا لسة كان بيعزمني علي الحفلة في ثواني كدة مات
ممكن يكون الدكتور غلطان أه ممكن....... ممكن خالتي لما تروح المستشفي تلقيه
عايش أه ممكن
أكيد هيكلمني دلوقتي



وهسأله فرط في إية
طب هو فرط في إية حد يفهمني فرط في إية
لا ااااااااا هو أكيد مات الدكتور هيهزر معايا في الحاجات دي
خلاص ياعبد الرحمن هو أكيد مات


طب.........
فجأة كدة مات ممكن ......كنت أنا اللي ابئي مكانه
طب مااحنا الاتنين زي بعض
مقضيين حياتنا أغاني وأفلام وبنات ووووووووووو
إية بقى اللي مفرطين فيه



كان نفسي أوي يامحمد حد يسمعني كان نفسي أشكي حالي لحد
كان نفسي أبويا أو أمي حد فيهم يفهمني كان نفسي أترمي في حضن أي حد فيهم
أنا مش يتيم
لا أنا يتيم مش لاقي حد فيهم يحس بية وفي الوقت دة اللي حسيت فيه إني لوحدي في
الدنيا دي حسيت إني في غربة
حسيت إن محدش بيحبني ولاحد بيسمعني كنت تايه

ووقتها بطلت أضحك وبقيت مش قادر أوقف دموعي...........
وكأنها كانت محبوسة ومستنية حد يفرج عنها
هو أنا بعيط علي محمود وللا بعيط علي نفسي وللا بعيط علي إية بالظبط
طب هو محمود ارتاح كدة وسابني لوحدي تايه


أعمل إية.... أعمل إية بس حد يقولي حد يعبرني أنا برده إنسان أنا مش يتيم.......

وفي وسط الحيرة دي

لقيت سها بتتصل بية....　
أرد عليها جايز ألاقي عندها جواب وللا بلاش أرد أحسن

ياتري عبد الرحمن هيرد علي سها وللا.......؟!!!!!



يتبع إن شاء الله

الحلقة السابعة




محمد: وعملت إية رديت عليها وللا لا

عبدالرحمن: قلت لاااااااا أنا مش هرد عليها بس لقيتها بتتصل
تاني وتالت قلت خلاص أما أرد عليها أنا كدة كدة ضايع

ومش لاقي حد يسمعني مهياش فارقة كتير




سها:ها ياعبد الرحمن عملتوا إية

عبدالرحمن:محمود مات ياسها

سها: بلاش هزار.....أنت فين دلوقتي

عبدالرحمن: بقولك محمود مات ياسها

سها: مات ازاي

عبدالرحمن: دة السؤال اللي عايز أعرفه

سها: أكيد كان تعبان

عبدالرحمن:لا

سها: هو لازم يعني يقولك أنا تعبان مجايز مخبي عليك

عبدالرحمن: بقولك مكانش تعبان دا كان بيقول أنه فرط كتير.....فرط أوي .....ياتري فرط في إية

سها:هههههههه هتلاقيه كان عايز يعزمني علي حاجة في الحفلة وفرط في حقنا

عبدالرحمن: أنا مبهزرش دلوقتي بجد محمود ماااااااااات


سها: خلاص ياسيدي إنا لله وإنا إليه راجعون علي العموم ابقى اديني رقم خالتك عشان أعزيها واجب برضه وللا أنت إية رأيك

عبدالرحمن: أنا كنت مصدوم من ردها أنا تايه وخايف وعايز أعرف محمود فرط في إية وألاقيها بتهزر
فقولتلها خلاص ياسها عايزة حاجة تانية



سها: أه شوفت نسيتني كنت هقولك إية أنت عارف طبعاً الأجازة قربت تخلص وندخل الكلية بقى والمذاكرة وكدة فقولت لبابا إننا نروح مصيف وقلتله إن أنت تبقى معانا
فوافق فقلت اتصل بيك
افرحك.......... ها إية رأيك؟!!!


عبدالرحمن: تفرحيني بإية بقولك محمود مات مات


سها: وأنا كنت قلتك يعني إنه مامتش ماشي ياسيدي خلاص مكلنا هنموت عايزني أعمل إية تاني قولي؟!!! أنت بقيت غريب أوي علي العموم أنا مستنية ردك بس متتأخرش علية يلا سلام


عبدالرحمن : أنا قفلت معاها وأنا مصدوم وزادت حيرتي أكتر............ ممكن محمود فعلا كان تعبان طب فرط في إية ياتري إية الصح وإية الغلط ......وإية رد سها دي كمان هو اللي بعمله إنا وهي صح ومن حقنا



محمد: سؤال يعني؟ هي البت دي معندهاش دم


عبدالرحمن: أنا وهي معندناش دم بس الفرق أنا شوفت محمود وهي ماشفتوش أنا حسيت بحرقة كلامه وندمه علي التفريط وهي ماحسيتش بحاجة.... بص أنا والله مشفق عليها جدااااا ربنا
يهديها هي عاملة زي الي بتدور علي حد يحسسها بوجودها زي بالظبط عايشة في غربة تايهة في دنيا غريبة عايشة في بيتها زيي .......ممكن أهلنا يحسوا إن أثاث البيت اتغير بس
مايحسوش بوجودنا ولا بحالنا ............الحمد لله رب العالمين



محمد: طب وأنت لية ماتحاولش معاها


عبدالرحمن: هقولك بعدين إجابة السؤال ده عشان مانخرجش برة الحكاية وترجع تزعل وتقولي أنت كل يوم بتعلقني
بعد مكالمة سها اكتشفت إن الساعة بقت 30/3 الصبح اتفزعت جداً وقلت إية دة أنا كل ده بلف في الشارع وقررت إني أروح
ولما وصلت البيت لقيتهم في إنتظاري وكأني عملت جريمة



وبابا سألني بصوت شديد وأنا اصلاً مكنتش مستحمل أي كلام ومكنتش عايز أكلم أي حد


سياده البية ممكن يقولي كان فين ومحضرش جنازة إبن خالته


اسماء اختي ترد بكل سخرية: أكيد كان مع البت بتاعته مهو معدش في دم اليومين دول


أنا ماردتش عليهم يظهر أن حتي دموعي معادتش بتتشاف ودخلت أوضتي وقفلت عليا الباب طبعا بابا قعد يزعق بس أنا خلاص معادش يفرق معايا

وأنا في أوضتي رجعت تاني للحيرة اللي كنت فيها وهمي زاد أكتر من مقابلة أبويا وإستهزاء أسماء

هما بيعملوا فيه كدة لية حد يجاوبني....وقعدت أعيط كتير....... وأقول لنفسي هو أنا اللي مكبر الموضوع وللا الموضوع فعلا كبير



محمود مات وفرط كتير .....



وسها تقولي أنا عايزاك تسافر معانا..... وأبويا يزعقلي ......وأختي أسماء دي كمان نقصاها الحكاية
وافتكرت يوم حادثه الاتوبيس واحنا راجعين من الرحلة يوم مالشاب قعد يتكلم واحنا

مانتبهناش لكلامه وكان الأتوبيس هيعمل حادثة....... ده كمان كان إية..... ومحمود مات وأنا ....ممكن كنت أبقى مكانه


ياااااااااااااارب أعمل إية .........


حسيت إني أول مرة أقول يارب من قلبي واستغربت نفسي وأنا بقول كدة

ومن كتر العياط حسيت إني مصدع وغلبني النوم


وانا نايم حلمت ........


محمد:حلمت بإية


عبدالرحمن : حلمت بمحمود ......قعدت أنادي عليه لقيته بيقولي ألحق نفسك ياعبدالرحمن
قبل فوات الاوان
ألحق نفسي.....ألحق نفسي ازاي.......... طب قولي أنت فرطت في إية.......ها يا محمود فرطت في إية قولي


وسمعت صوت بيناديني بيقولي البداية من هنا وشاور علي جامع



أنا مانتبهتش للصوت وقعدت أنادي علي محمود انت فرطت في إية قولي .......ومحمود كان للأسف ساكت قعدت أنادي عليه كتير وبصوت عالي وهو ساكت


محمد: سؤال محرج يعني هو أنا كنت فين من كل دة؟


عبدالرحمن: أنت كنت الجزء اللي لازم يتقطع

محمد: يتقطع............ يعني إية؟؟؟


يتبع إن شاء الله

الحلقة الثامنة




محمد: يعني إيه الجزء السليم اللي لازم يتقطع هو احنا مش أصحاب

عبدالرحمن: لا

محمد: أزاي

عبدالرحمن: أنت أخويا يامحمد عشان كدة كنت لازم أقطعك

محمد: أنت كلامك متناقض ازاي بتقول أخوك ودلوقتي تقولي كان لازم أقطعك

عبدالرحمن: هتفهم كل حاجة في وقتها ماتستعجلش

محمد: ماشي مع إني زعلان وفي حاجة كمان أنت نسيت تقولي أنت ماحاولتش مع سها لية إنها تلتزم زيك

عبدالرحمن: اصبر بس أنا فاكر مانسيتش





أنا بعد ماحلمت الحلم قمت من النوم مفزوع بصيت في الساعة لقيتها 5الصبح قولت دة الميعاد اللي كنت بصلي فيه الفجر في الجامع وافتكرت الصوت اللي كان بيقولي في الحلم الطريق من هنا قلت خلاص أنا أنزل أصلي الفجر وأشوف


قمت اتوضيت وفتحت الباب عشان أنزل لقيت أبويا بيقولي ودة إختراع جديد سيادتك بقيت بتخرج كمان في الوقت دة

فقلت له :لا يا بابا أنا


نازل أصلي الفجر

طبعاً هو مصدقنيش وقالي انزل روح زي ماأنت عايز واعمل اللي تعمله
أنا نزلت الجامع وأنا حزين جداً من رد أبويا بس قلت أنا هزعل علي إية وللا إية

محمد: ها وبعدين

عبدالرحمن: لما روحت الجامع كان فاضل على الفجر تقريباً دقايق لقيت راجل هناك وشه كله نور ولحيته بيضة أنا كنت بشوفه أيام الثانوية العامة بس انهاردة حسيت إني أول مرة أشوفه بصلي كدة وابتسم وكأنه بيقولي أهلاً بيك كنت حاسس أنه عايز يكلمني ويقولي مالك يابني السؤال اللي كان نفسي أبويا يسألهولي
ولما أقيمت الصلاة أنا مش عارف هو كان قاصد أنه يقف جمبي فعلا ولا إية.....
المهم
الإمام كان بيقرأ بالآيات دي وكأني أسمعها الآن

يوم سمعتها منه كانت كأنها طرقات

قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ53
وَأَنِيبُوا إِلَى رَبِّكُمْ وَأَسْلِمُوا لَهُ مِنْ قَبْلِ أَنْ يَأْتِيَكُمْ الْعَذَابُ ثُمَّ لا تُنْصَرُونَ54
وَاتَّبِعُوا أَحْسَنَ مَا أُنْزِلَ إِلَيْكُمْ مِنْ رَبِّكُمْ مِنْ قَبْلِ أَنْ يَأْتِيَكُمْ العَذَابُ بَغْتَةً وَأَنْتُمْ لا تَشْعُرُونَ55
أَنْ تَقُولَ نَفْسٌ يَا حَسْرَتَا عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنْ السَّاخِرِينَ56
أَوْ تَقُولَ لَوْ أَنَّ اللَّهَ هَدَانِي لَكُنْتُ مِنْ الْمُتَّقِينَ57
أَوْ تَقُولَ حِينَ تَرَى الْعَذَابَ لَوْ أَنَّ لِي كَرَّةً فَأَكُونَ مِنْ الْمُحْسِنِينَ 58
بَلَى قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنْتَ مِنْ الْكَافِرِينَ59
وَيَوْمَ الْقِيَامَةِ تَرَى الَّذِينَ كَذَبُوا عَلَى اللَّهِ وُجُوهُهُمْ مُسْوَدَّةٌ أَلَيْسَ فِي جَهَنَّمَ مَثْوًى لِلْمُتَكَبِّرِينَ 60
وَيُنَجِّي اللَّهُ الَّذِينَ اتَّقَوا بِمَفَازَتِهِمْ لا يَمَسُّهُمْ السُّوءُ وَلا هُمْ يَحْزَنُونَ (61
اللَّهُ خَالِقُ كُلِّ شَيْءٍ وَهُوَ عَلَى كُلِّ شَيْءٍ وَكِيلٌ (62
لَهُ مَقَالِيدُ السَّمَوَاتِ وَالأَرْضِ وَالَّذِينَ كَفَرُوا بِآيَاتِ اللَّهِ أُوْلَئِكَ هُمْ الْخَاسِرُونَ (63

الإمام قرأ بالآيات دي في الركعة الأولى وأنا في ذهول هو التفريط كان في جنب الله التفريط كان في جنب الله وأنا ساجد قولت يارب أنا ازاي فرطت في جنبك وبكيت كتير ازاي فرطت

كنت حاسس وأنا ساجد إن الراجل اللي جه وقف جنبي ده كان سامعني بس أنا مكنتش قادر أملك نفسي من البكاء
وفي الركعة التانية أكمل الإمام باقي سورة الزمر وكانت دي طرقا تانيا علي دماغي


قُلْ أَفَغَيْرَ اللَّهِ تَأْمُرُونَنِي أَعْبُدُ أَيُّهَا الْجَاهِلُونَ (64
وَلَقَدْ أُوحِيَ إِلَيْكَ وَإِلَى الَّذِينَ مِنْ قَبْلِكَ لَئِنْ أَشْرَكْتَ لَيَحْبَطَنَّ عَمَلُكَ وَلَتَكُونَنَّ مِنْ الْخَاسِرِينَ (65
بَلْ اللَّهَ فَاعْبُدْ وَكُنْ مِنْ الشَّاكِرِينَ (66
وَمَا قَدَرُوا اللَّهَ حَقَّ قَدْرِهِ وَالأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّموَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ (67

وأكمل الإمام القراءة إلى نهاية السورة وبعد مانتهينا من الصلاة
زادت حيرتي هو أنا ممكن أكون بعبد حاجة تانية غير ربنا؟ازاي دة
هو أنا مش مقدر ربنا حق قدره وازاي أقدره حق قدره؟!!!
يارب أنا ازاي فرطت في حقك؟؟؟
في الحلم قال البداية من هنا طب هي فين البداية دي؟؟؟
فين حد يجاوبني علي الاسئلة دي
أنا ازاي فرطت وأشركت مع ربنا وازاي مقدرتش ربنا حق قدره ازاي ....ازاي...... فين الإجابة


لقيت الراجل اللي جنبي بيقولي: ازيك يابني أنت كنت فين؟ وحشتني

وأنا في سري :وحشتك إية هو أنت تعرفني سيبني في اللي أنا فيه وماردتش عليه


لقيته بيقولي: بص يابني أنا اسمي الحاج حسين أنا معنديش أولاد ويشرفني أنك تبقي إبني وأنا يسعدني أنك تعتبرني زي أبوك


أنا كل دة ساكت ومستغرب قلت هو يعرفني منين عشان يقولي الكلام دة وبعدين زي أبويا إية أنا خلاص مش عايز أكلم حد ومبصدقش حد مفيش حد في الدنيا دي فاهمني ولا بيحبني دا أبويا حتى قالي روح زي ما أنت عايز .........


لقيته بيقولي :علي العموم يابني أنا هنا وقت كل صلاة لو احتاجت أي حاجة وقام وسابني وراح قعد في ركن من أركان الجامع

أنا قمت عشان أروح وانا في طريقي للبيت


قعدت أسأل نفسي يمكن تكون عند الراجل دة الإجابة ولا إية
بس أنا كنت تعبان قوي مكنتش حتي قادر أفكر وكأن الآيات كانت ضربات على رأسي والراجل دة كمان قال إية عايز يعتبرني إبنه
إذا كان اللي عندهم عيال متبريين منهم دا بقى عايز يعتبرني إبنه دنيا عجب والله


ولما روحت البيت لقيت سها بعتالي رسالة بتقولي أكيد أنت طبعاً دلوقتي أعصابك ارتاحت ونسيت اللي حصل أنا واثقة ومنتظرة ردك بالموافقة علي السفر

محمد: طب وعملت إية بعد كل دة ربنا يكون في عونك

يتبع ان شاء الله

الحلقة التاسعة




عبدالرحمن : أنا بعد ماروحت من الجامع زادت حيرتي ياترى الراجل دة هو اللي عنده الحل اللي أنا حلمت بية
وياتري هو كان قاصد يقف جنبي في الصلاة وللا إية وللا سها كمان هي مش حاسة بية ليه تقولي أنا واثقة إنك
أعصابك استريحت وهتوافق تسافر معانا هو انا اتجننت وللا إية........ إنا إية اللي حصلي
والآيات اللي أنا سمعتها بردة دي كمان إية أنا مابقيتش عارف حاجة
هو أنا ليه ماردتش على الحاج حسين مش كتر خيره قالي هعتبرك إبني مجايز ألاقي عنده الإجابة أنا يعني لاقي حد
يسمعني
......


أنا خلاص دماغي هتنفجر وأبويا يقولي روح زي ماأنت عايز أروح فين بس
وأعمل إية بس ومن كتر التعب والتفكير وأنا أصلاً مكنتش نمت إلا حوالي ساعة فنمت من غيرما أحس


محمد: وبعدين إية اللي حصل


عبدالرحمن: ماصحيتش إلا على صوت أختي أسماء وهي بتقولي قوم ياسعادة البية الهانم عايزاك
أنا صحيت ومكنتش قادر ومكنتش مستوعب قولتلها هانم مين



أسماء: هو في هانم غيرها الست سها عايزاك علي التليفون


محمد: وكلمتها


عبدالرحمن: أنا كنت متردد بس مقدرتش مكلمهاش





سها: ازيك ياعبدالرحمن إية أخبارك دلوقتي
أنا رنيت علي الموبايل كتير أنت كنت فين

عبدالرحمن: أنا كنت نايم ومسمعتش الموبايل

سها: نايم كل دة دا الساعة 30/2

عبدالرحمن: 30/2 يااااااااااه أصلي مانمتش من امبارح

سها:لية بتفكر فية

عبدالرحمن: لا بفكر في اللي حصل لمحمود

سها: أنت لسة فاكر يابني مكلنا هنموت هي حاجة غريبة ........أنت عارف اإية الغريب في الموضوع

عبدالرحمن:إية؟؟؟

سها: أنت .......أنا مش عارف إية اللي حصلك كنت بعقلك

عبدالرحمن: أنا برده اللي غريب ماعلينا وكنت بعقلي هو أنا اتجننت

سها: المهم احنا هنسافر بعد بكرة إن شاء الله اكيد طبعا هتيجي معانا


عبدالرحمن:بصراحة أنا لسة مش عارف


سها: وسيادتك هتعرف امتى دي تالت مرة أكلمك في الموضوع دة ....أنا مش هتحايل عليك كتير أنت حر سلام






محمد:إية دة قفلت في وشك السكة هههههههه أكيد أنت طبعاً زعلت وقررت تبعد عنها

عبدالرحمن: زعلت إية أنا أصلاً كنت مستغرب أفعالها
وبعد المكالمة قولت هو فيه إية أنا اللي مكبر الموضوع ومستغرب أفعالها وللا أنا زي ماهي بتقول بقيت غريب واتجننت

وفي وسط الأسئلة دي افتكرت الحاج حسين لما قالي أنا هنا في الجامع كل صلاة
قلت خلاص جايز ألاقي عنده إجابة
الساعه 30/2يعني العصر قرب يأذن طب والظهر مش هصليه

إية دة............ هو أنا أصلاً محافظ على الصلاة أنا ضيعت كتير


محمد:ها وبعدين


عبدالرحمن:صليت الظهر ونزلت الجامع لقيت الحاج حسن فرحت أوي لما شوفته وحسيت إني هلاقي الإجابة عنده

وبعد انتهاء الصلاة


لقيته بيقولي ازيك يابني إية إخبارك إنت مجيتش لية في صلاة الظهر

عبدالرحمن: في سري هو إنت يعني كنت بتشوفني كل يوم في كل صلاة ........وبعدين قلتله إصلي راحت عليه نومة

الحاج حسين: إن شاء الله هتعوض اللي فاتك خير....إنا كنت واثق إنك هتيجي انهاردة

عبدالرحمن: لية الثقة دي

الحاج حسين: أنا حاسس إنك محتار وعايز تتكلم مع حد

محمد:إية دة وهو عرف منين

عبدالرحمن: هو ماشاء الله عنده بصيرة هو على فكرة طبيب قلوب

محمد: عندنا هنا في الكلية

عبدالرحمن: لا هو مش طبيب بشري .......هو طبيب رباني وروحي

محمد: ماعلينا ........هو إنا يعني كنت فهت اللي قبل كده كمل يابني كمل أما اشوف أنا هفهم امتي.........

يتبع ان شاء الله

الحلقة العاشرة





محمد: المهم الحاج حسين ولا الدكتور حسين دة قالك اية


عبدالرحمن: قالي مالك يابني محتار لية كدة....... ربنا يهديك للخير

محمد: وحكيتله

عبدالرحمن: هو قالي اعتبرني زي أبوك والكلام اللي هتقوله دة سر بينا أنت عارف على الرغم إنه كبير في السن إلا إني كنت حاسس إني بكلم واحد صاحبي وحسيت براحة في كلامه وقررت إني أحكيله اللي حصل كله لحد مكالمة سها الاخيرة بس وأنا بحكيله على سها مش عارف لية كنت مكسوف أوي منه وكنت محرج

محمد: يمكن عشان قفلت السكة في وشك في آخر مرة

عبدالرحمن: ماشاء الله عليك يامحمد أنا طول عمري بقول عليك ذكي

محمد: أيوة يابني طبعاً بس أول مرة يعني أقولك حاجة وتقولي صح



عبدالرحمن: صح إية..... هو إية اللي أنت بتقوله دة.... أنا كنت مكسوف عشان قفلت السكة في وشي........ هي دي حاجة تكسف.......
أنا كنت مكسوف أصلاً وأنا بقوله على العلاقة اللي بيني وبينها.....هو إية أصلاً اللي يربط بينا عشان أتكلم عنها

يعني هي بالنسبة لي إية يعني ......لما ابتديت أحكيله عنها قلتله أنا أعرف واحدة إسمها سها ........مكنتش عارف أكمل ازاي وللا أقدمهاله على إنها إية هو طبعاً كان
فاهم......وطول ماأنا بحكيله كان مبتسم
أنا بصراحة كنت مستغرب وقلت في نفسي دة اللي هلاقي عنده الإجابة ربنا يستر بس بعد ماخلصت

لقيته بيقولي

الحاج حسين: ها يابني خلصت حكايتك

عبدالرحمن: أه

الحاج حسين: بص يابني أنا قبل ماأجاوبك وأخرجك من حيرتك اسمع الحديث دة بس مش بودانك العادية

عبدالرحمن: هي في ودان غير عادية

الحاج حسين: أيوة يابني أنا عايزك تسمعه بأذن قلبك ماشي اسمع معايا كدة




عن أبى سعيد الخدرى أن نبى الله صلى الله علية وسلم قال ( إن رجلا قتل تسعة وتسعين نفسا ، ثم عرضت له التوبة ، فسأل عن أعلم أهل الأرض ؟ فدل على راهب ، فأتاه ، فقال : إنه قتل تسعة وتسعين نفسا ، فهل له من توبة ؟ فقال : لا ، فقتله ، فكمل به مائة ، ثم سأل عن أعلم أهل الأرض ؟ فدل على رجل عالم ، فقال : إنه قتل مائة نفس ، فهل له من توبة ؟ قال : نعم ، ومن يحول بينه وبين التوبة ؟ انطلق إلى أرض كذا وكذا ، فإن بها أناسا يعبدون الله ، فاعبد الله معهم ، ولا ترجع إلى أرضك ، فإنها أرض سوء ، فانطلق حتى إذا نصف الطريق أتاه الموت ، فاختصمت فيه ملائكة الرحمة ، وملائكة العذاب ،


فقالت ملائكة الرحمة : جاء تائبا مقبلا بقلبه إلى الله تعالى ،

وقالت ملائكة العذاب : إنه لم يعمل خيرا قط ،

فأتاهم ملك في صورة آدمي ، فجعلوه بينهم ، فقال : قيسوا بين الأرضين ، فإلى أيتهما كان أدنى فهو لها ، فقاسوا ، فوجدوه أدنى إلى الأرض التي أراد ، فقبضته ملائكة الرحمة 0 صحيح الجامع





قال قتادة : فقال الحسن : ذكر لنا أنه لما أتاه الموت نأى بصدره )


الحاج حسين: ها إية رأيك


عبدالرحمن:يااااااه قتل مائة نفس وربنا تاب عليه

الحاج حسين: أيوة يابني ربنا غفور رحيم

عبدالرحمن:سبحان الله

الحاج حسين: عشان ماتقنطش من رحمة ربنا مهما بلغت ذنوبك وأنت كمان سمعت انهاردة في الفجر الآية


قُلْ يَا عِبَادِي الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ (53)





الحاج حسين : ها إية رأيك


عبدالرحمن: رحمة ربنا واسعة كدة....... سبحان الله

الحاج حسين: أيوة يابني نرجع بقى لحيرتك وأسئلتك

بالنسبه للي حصل لكم في الأتوبيس وانتم راجعين من سفركم دي كانت رسالة من ربنا بتقولكم فوقوا انتوا بتعملوا إية..... بس للأسف كان جهاز الإستقبال عندكم مش شغال بيستقبل بس مابيترجمش وسبحان الله عصيتوا ربنا بنفس المعصية ورحتوا تحضروا حفلة أغاني وووو

وموت ابن خالتك محمود فجأة دي رسالة تانية بس المرة دي كانت ليك لواحدك لأن محمود خلاص زي ماقالك في الحلم فات الأوان ممكن كنت أنت اللي تبقى مكانه

وتفريطك أنت ومحمود كان في جنب الله



عبدالرحمن: طب احنا فرطنا في جنب الله ازاي

الحاج حسين: فرطتم في جنب الله بالمعصية بترك الصلاة والأغاني والأفلام وضياع الأوقات والحب المحرم كل دة تفريط في جنب الله

عبدالرحمن: طب الصلاة و الأغاني والأفلام وتضيع الوقت وعرفته الحب المحرم دة إية؟

الحاج حسين: الحب المحرم دة اللي بينك وبين سها يعني أنت وأنت معاها عارف إن ربنا شايفكم

عبدالرحمن: اة طبعاً

الحاج حسين: أنت بقى قدرت نظر ربنا ليك وأنت معاها...... لما أنت عارف إنه مطلع عليكم أنت كدة بتخون ربنا وبتنتهك حرماته

عبدالرحمن: بنتهك حرماته بس احنا مابنعملش حاجة من ورا أهلنا هما عارفين وموافقين على كدة

الحاج حسين: مش معنى إن أهلكم موافقين على كدة خلاص الأمر بقى مباح ومستحب يابني أنت سألتني في الايات اللي سمعتها أنا ممكن اكون بعبد حاجة تانية غير ربنا؟

عارف الحاجة اللي أنت بتعبدها غير ربنا دي إية هي؟ حبك لسها أنت متبع لهواك





عبدالرحمن: متبع لهوايا ازاي

الحاج حسين: أنت يابني عرفت دلوقتي طبعاً إن اللي بينك وبين سها دة حرام ماشي وربنا مايرضاش بكدة وأنت بكدة مش مقدر ربنا حق قدره اتبعت هواك وتركت أوامر الله يعني

أنت دلوقتي تقدر تسيبها؟ بعد ماعرفت إنه حرام

عبدالرحمن: بصراحة لا مقدرش

الحاج حسين: يبقى أنت متبع لهواك هو اللي بيأمرك وينهاك...... دلوقتي عرفت إنه حرام بس مازلت مصر عليه وعصيت أمر ربنا

عبدالرحمن: أنت ماتتخيلش هي بالنسبة لي إية أنا أقدر أسيب الأغاني والأفلام وكل المعاصي اللي بعملها والتزم بالصلاة بس هي لاااااا مقدرش

الحاج حسين :طب جاوبني بكل صراحة أنت ترضى بالأمر دة لأختك ؟

عبدالرحمن:بس احنا أهلنا عارفين

الحاج حسين :أنا بقولك ترضاه لأختك جاوبني

عبدالرحمن: بصراحة لا





الحاج حسين:طب بص يابني أنا عايزك بقى بعد ماعرفت إن رحمة ربنا واسعة اوي عايزك تنفذ اللي الراجل عمله في الحديث اللي سمعته

عبدالرحمن: ازاااااااااااااااااااااي أقتل مائة نفس وبعدين أتوب!!!!!

الحاج حسين :لا طبعا أنا مقولتش كدة أنا عايزك تنفذ اللي هو عمله على قدر استطاعتك يعني تحاول بقدر الإمكان تبعد عن مكان المعصية أنا عايزك تقبل على ربنا بقلبك وشوف هو هيعملك إية......

عبدالرحمن: يعني أعمل إية أسافر

الحاج حسين : والله إذا أمكن لك السفر سافر

عبدالرحمن:أروح فين يعني

الحاج حسين: تقدر تسافر السعودية تعمل عمرة هناك

عبدالرحمن: السعودية............طب وسها هبعد عنها






الحاج حسين: بص يابني أنت تسافر دلوقتي..... ربنا إن شاء الله ييسرلك السفر..... وماتقولش لسها إن أنت مسافر يعني مثلا ماتروحش تتصل بيها وتقولها أنا بودعك لأني مسافر أو أنا عايز أشوفك احنا عايزين نبدأ أول خطوات العلاج ماشي ولما ترجع من السفر إن شاء الله هنشوف موضوع سها سيبه دلوقتي على جنب

أنا عارف إنك هتلتزم بالصلاة وهتبطل تسمع أغاني وافلام وغيره أنا واثق منك أنت هتقدر إن شاء الله






محمد: يعني طلع دكتور أهو.......

عبدالرحمن: هو طبيب قلوب مش دكتور بشري قولتلك ........أنت غلبتني معاك شكلي مش هكملك
الحكاية.....

محمد: خلاص خلاص حقك علية كمل






عبدالرحمن: قلتله بس سها...........أنت ماتتصورش هي بالنسبة لي إية هسيبها ازاي

الحاج حسين: ماشي يابني أنت بس سافر دلوقتي وأما ترجع هنشوف موضوع سها المهم إنك ماتكلمهاش لحد ماتسافر اتفقنا ده وعد وماتكلمهاش وأنت هناك اتفقنا

عبدالرحمن: وعد....!!!!!

الحاج حسين: أيوة وربنا شهيد على كلامنا

محمد: طب وأنت عملت إية كلمتها وأخلفت الوعد وللا .......

يتبع إن شاء الله

الحلقة الحادية عشر





عبدالرحمن: أنا لما رجعت البيت لقيت بابا بيقولي أهلاً أهلاً......... وسيادتك ماشاء الله بقيت بتصلي إية دة كله

طبعاً مش معقول تكون الست سها اللي قالتلك التزم بالصلاة

قولتله : بابا أنا عايز عمي يبعتلي دعوة عشان أسافر السعودية

والد عبدالرحمن: ماشاء الله وأنت والست سها طالعين تعملوا عمرة سوا هههههههههههههه عشنا وشوفنا..... دة بقى اللي كانت بتتصل بيك عشانه

عبدالرحمن: لا أنا هطلع لوحدي

والد عبدالرحمن: اه وهي هتقابلك هناك يعني

عبدالرحمن: لا أنا هسافر لوحدي ومش هقابلها هناك أنا هعمل عمرة لوحدي صدقني

والد عبدالرحمن: أصدقك ........ياسلام علي أساس إن كلامك ثقة يعني

عبدالرحمن:يابابا صدقني المرة دي أنا بجد عايز أتغير صدقني

والد عبدالرحمن: خلينا مع الكداب لحد بابا الدار بس مش عارف لية أنا حاسس إنك فعلا متغيير مالك ....سها زعلتك في حاجة؟

عبدالرحمن: لا أنا عايز أسافر أعمل عمرة

والد عبدالرحمن :خلاص أنا هكلم عمك يبعتلك دعوة عشان تسافر في أقرب وقت وأخلص منك بقى

عبدالرحمن: تخلص مني يابابا .......طيب أنا هدخل أوضتي حضرتك مش عايز حاجة

والد عبدالرحمن: لا ياأخويا سلامتك أنا هعوز منك إية يعني






عبدالرحمن:أنا دخلت أوضتي ومش عارف لية المره دي كلام أبويا مش مأثر معايا أنا كل همي كان في كلام الحاج حسين أنا كنت فرحان أوي وأنا معاه حسيت بجد إنه أبويا وزادت فرحتي لما عرفت إن المغرب قرب يأذن وهروح أشوفه تاني





محمد: إية ياعم هو سها وللا إية

عبدالرحمن: محمد بلاش هزار أنت أصلاً لو شوفته كنت عرفت

محمد: ماشي ياسيدي الحبيب كمل

عبدالرحمن: أنا لما روحت الجامع لقيته بيقولي ازيك ياحبيبي عامل إية وحشتني وأنا طبعا مستغرب وحشتك إية أنا كنت لسة معاك لحقت أوحشك

الحاج حسين: ها عملت إية في السفر ؟؟؟

عبدالرحمن: أنا خلاص إن شاء الله هخلي عمي يبعتلي دعوة وإن شاء الله أسافر في أقرب فرصة

الحاج حسين: أنا واثق إنك هتبقي كويس وهتقعد في يوم من الأيام مكاني هنا

عبدالرحمن: لا بلاش الخيال الواسع أوي دة أنا ممكن أتغير أة بس أبقى مكانك واسعة أوي دي




محمد: ليه يابني واسعة ماأنت دخلت طب أهو

عبدالرحمن: أشد في شعري ارحمني

محمد: لا شد في لحيتك

عبدالرحمن: أنت كلت إية انهاردة ؟

محمد: لا عادي يعني ماكلتش بدنجان ولا حاجة

عبدالرحمن: لا أنت أصلاً مش محتاج تاكله

محمد: قصدك إية





عبدالرحمن:لا ولا حاجة......... المهم بعد صلاة المغرب لقيت الحاج حسين بيقولي خليك معايا هنا لحد العشاء
عايز أقولك كلام مهم

أنت عارف الوقت اللي بين المغرب والعشا قصير جداً وناس كتير بتغفل عنه فأنا عايزك تقضيه في طاعة ربنا وفي كلام مهم عايز أكلمك فيه بس ركز معايا

الحاج حسين: عارف ياعبد الرحمن أنت لية لازم تتوب من المعاصي اللي قولتلك عليها

عبدالرحمن: لية ؟؟؟

الحاج حسين: عشان رجوعك للطريق المستقيم وتوبتك طاعة لربنا وربنا بيأمر بكدة
اسمع معايا الآية دي كدة اسمع ربنا بيقول إية


وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ (31)


الحاج حسين: فهمت أنا قصدي إية ؟؟

عبدالرحمن:بصراحة لا

محمد: ههههههههههه ماأنت مابتفهمش زيي أهو

عبدالرحمن: اقعد ساكت شوية واسمع

المهم الحاج حسين قالي : بص يابني الآية دي مدنية يعني ربنا بيخاطب فيها أهل الايمان .... يعني ربنا ماقالش في الآية وتوبوا الي الله أيها العاصون أو المذنبون وربنا قال كمان إن الفلاح هيجي بالتوبة رزقني الله واياك الفلاح في الدنيا والاخرة قول آمين

عبدالرحمن: آمين

الحاج حسين: يعني لما أقولك توب ماتقوليش هو أنا بعصي ربنا........ التوبة دي هتبقي مستمرة معاك لحد ماتموت يعني بعد ماتلتزم ماتقولش خلاص أنا كد كويس لااااااا أنت لازم تجدد توبتك بإستمرار ماشي

عبدالرحمن: ماشي

الحاج حسين: وكمان أنت لما تتوب حتحس بسعاده محستش بيها قبل كدة

عبدالرحمن: بس أنا سعيد في حياتي ......قبل وفاة محمود كنت بعمل كل اللي أنا عايزه في الوقت اللي أنا عايزه

الحاج حسين : بص يابني دي سعادة وهمية هتحس بالفرق بعدين وهتقول عم حسين قالي
وبعدين أنت لو قاعد في مكان دبغ الجلود طبعاً عارف الريحة أد إية كريهة

أنت بقى مش هتعرف إن الريحة دي كريهة إلا لما تخرج منها لأنك وأنت فيها متعود عليها وكأنها شئ طبيعي أنت اتعودت علي المعصية وكأنها أصبحت عادة وحبيتها ووهمت نفسك إن دي السعادة أبداً والله عارف السعادة الحقيقية فين

عبدالرحمن: فين ؟؟؟

الحاج حسين :في طاعة ربنا يابني والله والقرب منه

بص أنا عايزك تفر لربنا من كل حاجة تفر لربنا من هواك والمعاصي وكل ذنوبك من كل حاجة تبعدك عن ربنا
أنت عارف لما تحقق اللي قولتلك عليه مين هيفرح بتوبتك أوي

عبدالرحمن: أكيد حضرتك طبعاً لأنك اللي دلتني علي الطريق

الحاج حسين: أكيد إن شاء الله هفرح بتوبتك....... بس
الله هو اللي هيفرح بيك أوي
اسمع معايا الحديث دة كدة

عبدالرحمن:أيوة بأذن قلبي صح

الحاج حسين :أيوة اسمع كدة


سمعت رسول الله صلى الله عليه وسلم يقول لله أشد فرحا بتوبة عبده المؤمن من رجل في أرض دورية مهلكة معه راحلته عليها طعامه وشرابه فنام فاستيقظ وقد ذهبت فطلبها حتى أدركه العطش ثم قال أرجع إلى مكاني الذي كنت فيه فأنام حتى أموت فوضع رأسه على ساعده ليموت فاستيقظ وعنده راحلته وعليها زاده وطعامه وشرابه فالله أشد فرحا بتوبة العبد المؤمن من هذا براحلته وزاده

تخيل فرحة الرجل أد إية لما كان خلاص استسلم للموت بعد ماضاع منه كل حاجة وفجأة رجعتله متخيل معايا فرحته أد إية !!!

الله الملك

فرحته بيك وأنت راجعله وتقولي أنا جيتلك يارب تائب إليك فاقبلني فرحته بيك أكتر من فرحة الرجل برجوع دابته إليه

حسيت أد إية ربنا كريم

طب اسمع كمان الحديث دة

يقول النبي صلى الله عليه وسلم فيما يرويه عن ربه عز وجل، قال: ((إذا تقرب العبد إلي شبراً تقربت إليه ذراعاً، وإذا تقرب إلي ذراعاً تقربت منه باعاً، وإذا أتاني يمشي أتيته هرولة)) رواه البخاري

يعني تخيل أنت لما ترجع من العمرة إن شاء الله هتكون واحشني ازاي وأول ماأشوفك هفرح بيك اوي ولله المثل الاعلي

سامع ومن اتاني يمشي اتيته هروله سبحان الذي يتودد إلي عباده وهو غني عنهم

أنت بس أقبل علي ربنا بقلبك.... أنا هستناك الفجر وإن شاء الله دي هتكون أول جلسة شروق تقعدها معايا اتفقنا

أنا عايزك لما تروح تفكر في الكلام اللي قولتهولك وتطبقه مش تسمع وخلاص والفجر إن شاء الله نتقابل وأنت علي وعدك معايا بالنسبة لسها

عبدالرحمن:احنا مش قلنا سها علي جنب دلوقتي

الحاج حسين: اه علي جنب يعني مالكش دعوة بيها عبدالرحمن...... الله شهيد علينا وعلي فكرة الحل دة مؤقت لأن البنت دي مش هتسيبك الحل النهائي لما ترجع إن شاء الله من العمرة

عبدالرحمن: طب براحة عليه واحدة واحدة كل دة ومؤقت امال لو كان نهائي كنت هتقولي أموتها

الحاج حسين: تموتها إيه...... أنا عارف إنك صعب إن أنت تسيها عشان ماتقوليش إني مش حاسس بيك...... بس البنت دي هتفضل عقبة في طريقك لو مالتزمتش باللي قولته مالكش دعوة بيها لحد ماتسافر

عبدالرحمن: ربنا يسهل

الحاج حسين: اصدق الله يصدقك

عبدالرحمن: يعني إية ؟؟؟

الحاج حسين: يعني لو ربنا اطلع علي قلبك وشاف فيه صدق علي عزمك إنك تسيها هيعينك إنوي بس أنت وأصدق الله

عبدالرحمن: أصدق الله ازاي ؟؟؟

الحاج حسين: قوم في التلت الأخير بين يدي الملك وقوله ياااااارب أنا عايز اسيبها بس مش قادر بس أنت تقدر وألح في الدعاء بس تكون صادق

عبدالرحمن: هحاول

الحاج حسين: لا هتنفذ مش هتحاول

محمد: وأنت عملت إية .......

يتبع إن شاء الله

الحلقة الثانية عشر





عبدالرحمن: أنا لما رجعت البيت كنت في صراع طويل بيني وبين نفسي

نفسي تقولي ماهو ربنا غفور رحيم وإية يعني لما تسافر معاها وترجع علي وقت العمرة ..........الحاج حسين مش متخيل إني مقدرش أبعد عنها

ماهو ربنا تاب علي قاتل مائة نفس زي ماهوا قالي ......... وأنا مش هقتل حد

بس محمود مات فجأة......ممكن أموت وأنا معاها هناك ......طب وكمان أنا عرفت أنا فرطت في إية ....وممكن أعوضه

بس أنا بحبها.....أعمل إية بس

والتلت الأخير هيجي امتي

وللا هي كمان زعلت مني ومش هتتصل بية تاني دي خلاص هتسافر بعد بكرة يعني المفروض أرد عليها دلوقتي

طب مالحاج حسين قالي خليها علي جنب يعني إية علي جنب ....

وماليش دعوة بيها ازاي؟

أنا عرفت إنها معصية بس ....

بس إية........ هو مش الحاج حسين قالك أنت كدة مش مقدر ربنا حق قدره ومتبع لهواك وهو اللي بيأمرك وينهاك

طب مانا ممكن أخليها تلتزم بالصلاة وتبطل سماع أغاني وأفلام وغيره حتي أكون كسبت ثواب فيها وللا إية؟

بس الحاج حسين قالي سيبها علي جنب وقال إية دا حل مؤقت !!!

أنا أحسن حاجة أقوم أنام وأريح دماغي من الصداع دة

أه صحيح أما أقول لماما تصحيني

ماما ماما لوسمحتي صحيني قبل الفجر بربع ساعة








والده عبدالرحمن: ليه وراك إية مش خلصت مذاكرة وللاأنت هتذاكر لطب من دلوقتي

عبدالرحمن: لا صحيني بس..... هقوم أصلي ركعتين

والده عبدالرحمن: ماشاء الله لاقوة الابالله إية دة

عبدالرحمن: ماتنسيش ياماما الموضوع مهم جداااااااا

والده عبدالرحمن: ماشي يابني

وبالفعل والدة عبدالرحمن تصحيه لكنه يقولها صحيني علي الفجر أنا عايز أنام

والده عبدالرحمن: أنت مش قولت الموضوع مهم جدااا قوم يلا

عبدالرحمن: لا أنا عايز أنام

والده عبدالرحمن: أنت حر يابني ......
الله يهديك








عبدالرحمن:
الله..... اه الحاج حسين قالي الحل عند ربنا أنا مقدرش بس ربنا يقدر

وقام عبد الرحمن بسرعة واتوضي وهو بيصلي ويقرأ بفاتحة الكتاب.....فجأة النور قطع في المكان ولكنه أضاء في قلب عبد الرحمن

ففزع عبدالرحمن: إية الضلمة دي أنا مش شايف حاجة خالص..... وافتكر محمود

هو محمود في ضلمة كدة لوحده .....القبر ضلمة كدة ....باباه ومامته اللي بيحبوه سابوه ومشوا .........سابوه لوحده

سابوه لوحده في ضلمة.....

وأنا اللي عصيت ربنا كتير عصيته كتير أوي

عصيته مع سها واتبعت هوايا ومقدرتش ربنا حق قدره لو مت دلوقتي سها هترضي تقعد معايا في قبري لو ثانية واحدة

طب إية اللي يستاهل.....إية اللي يستاهل إني أعصي ربنا وأفرط في جنبه

يعني ربنا كريم وأمهلني وأعطاني فرصة تانية وأنا أقول أسافر مع سها وإية يعني........







ويسجد عبدالرحمن: ويبكي بكاءاً طويلاً لم يبكيه من قبل ......ولم يذق طعمه من قبل
........
ياااااااااااارب أنا مقدرش أسيب المعاصي بس أنت تقدر تبعدني عنها
...................................
ياااااااااااارب أنا بحبك أوي وجيتلك تايب من ذنوب كتير أنت اعلم بها مني
...............................................
يارب أنت سترتني كتير وأمهلتني كتير وأنا برضه كنت عايز أعصيك يارب توب علية
................................................
يارب أنا فرطت في حقك كتير





وعصيتك كتير وبعتلي رسايل كتير وأنا برضه كنت عايز أعصيك

ويسمع عبدالرحمن آذان الفجر فيقوم يصلي تاني ركعة وينزل الجامع



وبعد إنتهاء صلاة الفجر



الحاج حسين: ازيك يابني أنا حاسس إنك اتغيرت ماشاء الله لاقوة إلابالله صليت في التلت الأخير صح

عبدالرحمن: الحمد لله رب العالمين

الحاج حسين: طيب يلا عشان تقعد معانا جلسة الشروق احنا كل يوم بنقرأ جزء قرءان يلا عشان تقرأ معانا

وبعد إنتهاء جلسة الشرق









الحاج حسين: أخدت بالك من الآية دي


بسم الله الرحمن الرحيم


قُلْ أَنَدْعُو مِنْ دُونِ اللَّهِ مَا لا يَنفَعُنَا وَلا يَضُرُّنَا وَنُرَدُّ عَلَى أَعْقَابِنَا بَعْدَ إِذْ هَدَانَا اللَّهُ كَالَّذِي اسْتَهْوَتْهُ الشَّيَاطِينُ فِي الأَرْضِ حَيْرَانَ لَهُ أَصْحَابٌ يَدْعُونَهُ إِلَى الْهُدَى ائْتِنَا قُلْ إِنَّ هُدَى اللَّهِ هُوَ الْهُدَى وَأُمِرْنَا لِنُسْلِمَ لِرَبِّ الْعَالَمِينَ (71
)
عبدالرحمن: يعني إية؟؟؟

الحاج حسين:بص أنا حاسس إنك اتغيرت

بس أنا عايز أطلب منك طلب وماتعتبرهوش أمر انت بتعتبرني زي أبوك صح

عبدالرحمن:اه طبعاً

الحاج حسين:طيب يابني أنا عايزك تجيبلي كل حاجة في البيت بتفكرك بسها حتي خط الموبايل وشرايط الأغاني كل حاجة بتفكرك بالمعاصي القديمة

عبدالرحمن :لية

الحاج حسين:لأنك دلوقتي جيت الجامع وبدأت صلاة وعرفت إن الطريق من هنا......... صح

عبدالرحمن:أيوة صح

الحاج حسين:الحاجات اللي بطلبها منك دي لو سبتها عندك هتوقعك تاني وماتقولش لا....... وهتبقي دايماً محتار عارف إن الطريق من هنا ودة الطريق اللي هيوصل للجنة إن شاء الله بس الحاجات اللي عندك دي هتفكرك بالمعصية وهتستهويك ليها تاني

وممكن في يوم من الأيام تقول إية العقد دي....... والإلتزام دة ........مانا كنت عايش حياتي وكنت كويس كان مالي أنا ومال الطريق دة .....هو دة هترد علي عقبك بعد ماربنا هداك لأن في حاجة بتستهويك وبتفكرك بالمعاصي.....أنا مش عايزك تبقي محتار أنا عايزك تبقي وجهتك واحدة وهي لله وطريقك واحد وهو الطريق وراء الرسول صلي الله عليه وسلم وهدفك واحد وهو الجنة

أنا عايزك تجيب الحاجات دي في أقرب فرصة اتفقنا







عبدالرحمن:بس أنا عايز أسأل سؤال هو أنا لية محاولش مع سها إنها تلتزم زيي أنا خلاص مش هكلم معاها في كلام فاضي زي زمان أنا خلاص اتأكدت إن دة حرام انا هكلمها عن الإلتزام......وبس



الحاج حسين:لما تجيب الحاجات اللي قولتلك عليها وتيجي إن شاء الله هجاوبك علي السؤال دة




محمد: طب وأنت عملت إية؟؟؟


يتبع إن شاء الله

الحلقة الثالثة عشر




محمد: طب وأنت عملت إية اديته الحاجات اللي طلبها

عبدالرحمن:أنا بعد ماوصلت البيت سألت نفسي هو هيعمل بالحاجات دي إية وهيرجعهالي تاني وللا إية دي غالية عندي أوي

بس أنا ازاي أفرط فيها كدة بسهولة

شرايط الأغاني عادي مش مشكلة حتي لو حنيت لسماع الأغاني ممكن أشتري تاني

بس حاجات سها والهدايا كل حاجة منها.......كل حاجة بتفكرني بذكري حلوة معاها لو الحاج حسين أخدها هيديهاني تاني ..........




طب أدية شوية منهم واحتفظ بالباقي .....هو يعني عارف إية اللي عندي

بس هو قالي إنها دايماً هتبقي عقبة في طريق إلتزامي وهتخليني أقع تاني

أعمل إية ؟؟؟؟؟؟.......



بس هو أكيد عارف إن دة الحل
وانا فعلاً كل ماأحس إني بقرب من ربنا لما بفتكر سها بحس إني ببعد

أكيد هو دة الحل




بس ازاي هو مش متخيل....... هو لو مكاني هيعمل كدة يعني

سها خلاص هتسافر بكرة.....أنا حتي مااتصلتش اعتذرلها .....زمانها زعلانة دلوقتي ....





وكمان عايز خط الموبايل يعني مفيش فرصة إني أتصل بيها أو تتصل بية ولا رسايل ولا أي حاجة كدة

هو بيقفل كل حاجة تربطني بيها وعايز الحاجات في أقرب فرصة

هو أنا هفضل لحد امتي محتار كدة وماليش وجهة

ااااااااااااه ماهو الحاج حسين قالي فعلاً كدة



طب ماانا ممكن أحتفظ بالحاجات بعيد عن عيني ........ صح فكرة برضه

بس اكيد في يوم هضعف وأطلعها تاني وتستهويني تاني زي مالحاج حسين قال

وبعدين هو قالي أنا زي أبوك ودة مش أمر دة طلب وهو بيحبني



ممكن لما يلاقيني استجبت بسرعة يرجعهم لية تاني في أقرب فرصة زي ماأنا عملت .......اه صح برضه




خلاص ماشي هنفذ طلبه وامري لله


بس أنا ممكن لو أتأخرت للظهر أرجع في كلامي تاني خلاص أنا هحضر الحاجات كلها دلوقتي وحتى أشيل الخط من الموبايل قبل ماسها تتصل بية تاني



وبالفعل جمعت الحاجات كلها في شنطة كبيرة


بس كان الموضوع صعب أوي قعدت أقول لنفسي بسهولة كدة هتفرط في سها طب لو عرفت اللي أنا عملته دة هتعمل إية.....دا أكيد مش هتعرفني تاني



أفرط في سها ........طب ماأنا فرطت في حق ربنا كتير........



لا خلاص مش هينفع كده لازم وقفة أنا هفضل كدة لحد امتي ماينفعش كدة


أنا أنام دلوقتي وأظبط المنبه علي الظهر عشان أصحي أدي الحاجات للحاج حسين



محمد: وفرطت فيها فعلاً واتنازلت كدة عنها بسهولة

عبدالرحمن: بصراحة وأنا شايل الشنطة ورايح الجامع كنت متردد بس قلت كفاية كدة أنا مش هفضل كدة كتير

محمد: وبعدين إية اللي حصل ؟؟؟

عبدالرحمن: أول مالحاج حسين شافني قالي أنا كنت واثق إنك هتيجي وقبل آذان الظهر كمان

محمد: هو الراجل دة ماله !!!

عبدالرحمن: الراجل دة ماشاء الله عليه بيزرع فيك الارادة والثقة بالنفس وقبلها الثقة في الله وكأنه بيقولك هتقدر رغم كل الصعوبات وهتوصل وتتخطي كل العقبات





المهم بعد الصلاة

الحاج حسين: بص يابني أنت دلوقتي حطيت رجلك على بداية الطريق

ودلوقتي أنت بقيت فاضي

عبدالرحمن: ماأنا فاضي من زمان

الحاج حسين: لا أنا قصدي فاضي من المعاصي لازم تشغل وقتك بالطاعات عشان مايكونش عندك وقت تفكر في المعاصي

عبدالرحمن: يعني أعمل إية......صحيح حضرتك ماقولتليش أنا لية محاولش مع سها إنها تلتزم

الحاج حسين: بص يابني الأول أنت لازم تعرف إن الذنب اللي بتعمله وتستصغره أو تصر عليه بكدة بيصبح كبيرة من الكبائر يعني ماتقولش إن ربنا تاب على قاتل مائة نفس وأنا ماعملتش كدة.......... أنت كدة هتتجرأ على الله يعني مثلاً أنت لما تسمع أغاني تقول أنا أحسن من اللي بيغني مابعصيش ربنا زيه........... ولما تكلم سها تقول دا أنا احسن من اللي بيعمل كذا وكذا






وحط في دماغك دايماً إن النية الصالحة لاتصلح العمل الفاسد والنية الفاسدة تفسد العمل الصالح


عبدالرحمن: يعني إية ؟؟؟

الحاج حسين: يعني لما مثلاً تقوم تصلي ركعتين الصلاة دي عمل صالح صح

عبدالرحمن: صح

الحاج حسين: أنت بقى لما تكون نيتك إنك بتصلي عشان الناس تقول ماشاء الله عليه

يبقى كدة نيتك الفاسدة أفسدت العمل الصالح






وبالنسبة للنية الصالحة التي لاتصلح العمل الفاسد

دة بقى اللي أنت عايز تعمله


عبدالرحمن: يعني إية ؟؟؟

االحاج حسين: أنت دلوقتي نيتك إن سها ربنا يهديها وتلتزم زيك

عبدالرحمن: أيوة

الحاج حسين: لكن عشان تعمل كدة لازم طبعا هتتكلم معاها وتقف معاها وحوارات وكلام ووووووو ودة طبعاً حرام عمل فاسد يعني

فنيتك الصالحة إن أنت تهديها مش هتصلح العمل الفاسد أصلاً وهو الكلام معاها
فهمت يابني

عبدالرحمن: فهمت

الحاج حسين: دا بالإضافة إلى أنك بعد كدة إن شاء الله هتبقى قدوة وأي حد ميعرفش الحلال من الحرام ممكن يقتدي بيك في العمل دة وتبقى سنيت سنة سيئة




محمد: طب وقالك هتعمل إية يافاضي ؟؟؟

عبدالرحمن: هقولك بكرة إن شاء الله ...

الحلقة الرابعة عشر






محمد: ها وأنت عملت إية يافاضي ؟؟؟



عبدالرحمن: هقولك أهو

الحاج حسين: بص يابني أنت دلوقتي سيبت المعاصي صح

عبدالرحمن: الحمد لله رب العالمين

الحاج حسين: المعاصي بئي مش هتسيبك في حالك وياريت كدة وبس أنت هتبدأ حرب

عبدالرحمن: حرب !!!

الحاج حسين: أيوة حرب........... بس لازم قبل كل دة تعرف أنت مشكلتك الأساسية في إية........ وإية اللي بيوقعك

بص يابني انت مشكلتك اللي

لازم تحط ايديك عليها عشان تعالج نفسك صح ......انت بتدور

علي الحب بس للأسف في مكان غلط دة مش حب دة وهم والله يابني

عبدالرحمن: طب وأعمل إية ؟؟؟

الحاج حسين: أنت لازم تدور علي حب جديد

عبدالرحمن: طب ومالها سها انا لسه هدور علي واحدة تانية

الحاج حسين: لا سها ولا واحدة تانية أنا عايزك تحب
الله وتعلق قلبك بيه هو وبس
وبعدين انا عايز أسالك سؤال ......هي لو سها عرفت إنك بتحب واحدة تانية معاها هتعمل فيك إية


عبدالرحمن: هتعمل إية........هتعمل كتير أوي أكيد هتشاكل معايا ومش بعيد توقع بيني وبين التانية وتعملي مشاكل كتير لا أنت مش متخيل هي بتحبني أد إية

الحاج حسين: خلاص يابني

بص بئي ربنا مايرضاش إنك تشرك في حبه حد تاني لازم ربنا وبس اللي يبئي علي عرش قلبك

فاهم يابني

عبدالرحمن: طب ماأنا بحب ربنا


الحاج حسين: الحب يابني مش كلام الحب فعل

يعني أنت عملت إية عشان تعرف سها إنك بتحبها

عبدالرحمن: يااااااااااه

الحاج حسين: بص بئي انا عايزك تحب ربنا بجد تحبه من كل قلبك وهو دة الحب الحقيقي اللي هيغنيك عن كل حب بتدور عليه

وعايزك من دلوقتي تدخل

الحضَّانة

عبدالرحمن: لية هو أنا لسة نموي ماكتملش وللا إية !!!

الحاج حسين: أيوة أنت.....

مش هينفع تواجه الحياة دلوقتي قبل مايكتمل نموك



محمد: هههههههههههه وإن شاء الله دخلت أي مستشفي

عبدالرحمن: المهم

محمد: إية دة هو انت مش هترد عليه

عبدالرحمن: لا ماليش مزاج المهم



الحاج حسين: بص يابني أنت هتبدأ من دلوقتي دروس الثبات لأن سها مش هتسيبك في حالك وربنا يسهل وتسافر في أقرب وقت

أنت دلوقتي لازم تلزم المسجد والقرءان

صحيح أنت حافظ كام جزء قرءان

عبدالرحمن: بلاش أسئلة محرجة

الحاج حسين:ماشي يابني أنت هتبدأ إن شاء الله حفظ من دلوقتي هنبدأ بجزءعم هو سهل وإن شاء الله تتم حفظه في أقرب فرصة

عبدالرحمن: ومين اللي هيحفظني

الحاج حسين: إن شاء الله أنا يلا نبدأ بأول سورة في الجزء وعارف لو مجيتش حافظ ......لا أنا عارف إنك ان شاء الله هتحفظ وهتختم في أقرب وقت

عبدالرحمن: ماشي هسمع بعد بكرة

الحاج حسين:اتفقنا




وبعد الإنتهاء من السورة

الحاج حسين: أنا عايز لما تروح تسمع السورة وتفهم تفسيرها عشان كل سورة تبقي في قلبك وتمشي في عروقك ودمك ماشي

وانهاردة بالذات عايزك تسمع سورة ق

عبدالرحمن: لية

الحاج حسين: اسمع بس الكلام اسمعها مثلا للقارئ(...........)

عبدالرحمن: المشكلة مش في القارئ

الحاج حسين: امال في إية ؟؟؟

عبدالرحمن: أنا اصلاً مش عندي قرءان علي الكمبيوتر ولا شرايط

الحاج حسين: لاحول ولاقوة الابالله خلاص تعالي معايا البيت أنقلك كل القراءن علي فلاشة والتفسير كمان

عبدالرحمن: ماشي اتفقنا



الحاج حسين:أنت لسة عند وعدك

عبدالرحمن: خلاص إن شاء الله إول ماأروح هسمعها

الحاج حسين: لا أنا عارف إنك هتعمل كدة وياريت تسمعها كتير

وتقرأ تفسيرها .......... أنا قصدي سها

عبدالرحمن: سها ربنا يسهل



محمد: وبعدين عملت إية ؟؟؟

عبدالرحمن: أنا أخدت الفلاشة وروحت البيت وأول مادخلت شغلت سورة ق بصراحة أنا في الاول ماكنتش حاسس بحاجة ومش فاهم لية هو اختار سوره ق بالذات

شغلتها تاني وقلت أما أقرأ التفسير

بس فجأة سمعت


صوت سها برة


إية دة هي جية لية أعمل إية دلوقتي ؟؟؟؟؟؟؟؟؟؟؟




أسماء: ازيك ياسها فينك

سها: الحمد لله ازيك ياأسماء إية اخبارك ؟؟؟

امال عبدالرحمن فين

أسماء :في اوضته

سها: هو قافل الموبايل لية أنا قلقت عليه أوي

أسماء: مش عارفة هو أصلاً أتغير كتير أنا مش عارفة إية اللي حصله تخيل بئي بيصلي

سها: اه .....دة بئي غريب أوي

أنا كنت جاية عشان أخده ونروح نعزي خالتك مش واجب برضه وللا إية ...

أسماء: اه طبعاً

سها: طب ممكن تقوليله

اسماء: ماشي

وتنادي اسماء عليه وأنا طبعاً كأني مش سامع

سها: ممكن يكون نايم

عبدالرحمن: وانا في أوضتى وهى بتقول .......ممكن برضه أمشي بئي


أسماء: لا دا لسة داخل من شوية مالحقش ينام يعني

عبدالرحمن: ماشي ياأسماء لما اشوفك

سها: طب ممكن تدخلي تشوفيه


أسماء: ماشي........




أسماء: سها عايزاك برة.....أنت مابتردش لية كل دة مش سامع

عبدالرحمن: لا سامع

اسماء :طب وبعدين يعني هتسيبها واقفة برة كدة

محمد: اه دي حتي قلة ذوق

عبدالرحمن: أعمل إية.....هتزعل لو مانزلتش معاها طب حتي أخرج اعتذر لها وخلاص......طب والوعد دا لسة مأكد عليه انهاردة وكأنه عارف إنها هتيجي

أنا لو أخلفت الوعد مش هقدر ابص في عينه تاني ولو ماطلعتش لسها هتزعل

طب والسورة اللي أنا سمعتها دلوقتي والتفسير




بسم الله الرحمن الرحيم


وَلَقَدْ خَلَقْنَا الإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ (16)



الحاج حسين مش شايفني بس ربنا شايفني


إِذْ يَتَلَقَّى الْمُتَلَقِّيَانِ عَنْ الْيَمِينِ وَعَنْ الشِّمَالِ قَعِيدٌ (17)مَا يَلْفِظُ مِنْ قَوْلٍ إِلاَّ لَدَيْهِ رَقِيبٌ عَتِيدٌ (18)


وأي كلام هقوله لسها هيسجله الملكين.......أي ملك هيسجله !!!


وَجَاءَتْ سَكْرَةُ الْمَوْتِ بِالْحَقِّ ذَلِكَ مَا كُنْتَ مِنْهُ تَحِيدُ (19) وَنُفِخَ فِي الصُّورِ ذَلِكَ يَوْمُ الْوَعِيدِ (20)

　

طب برضه ممكن وأنا بكلمها أموت ماهو محمود مات فجأة هقول لربنا إية ساعتها مكنتش عايز أزعلها هي دي حجة ؟؟؟


وَجَاءَتْ كُلُّ نَفْسٍ مَعَهَا سَائِقٌ وَشَهِيدٌ (21) لَقَدْ كُنْتَ فِي غَفْلَةٍ مِنْ هَذَا فَكَشَفْنَا عَنْكَ غِطَاءَكَ فَبَصَرُكَ الْيَوْمَ حَدِيدٌ (22) وَقَالَ قَرِينُهُ هَذَا مَا لَدَيَّ عَتِيدٌ (23)



ويوم القيامة هيكون في سائق وشهيد

سائق لارض المحشر وشاهد علي اعمالي

أيوة يارب دا عمل كذا وكذا وعصاك في كذا وكذا وهيشهد بكل اللي عملته مع سها دا أنا عملت بلاوي كتير أوي


أَلْقِيَا فِي جَهَنَّمَ كُلَّ كَفَّارٍ عَنِيدٍ (24) مَنَّاعٍ لِلْخَيْرِ مُعْتَدٍ مُرِيبٍ (25) الَّذِي جَعَلَ مَعَ اللَّهِ إِلَهاً آخَرَ فَأَلْقِيَاهُ فِي الْعَذَابِ الشَّدِيدِ (26)


ممكن ربنا يلقيني في النار ولا يبالي


قَالَ قَرِينُهُ رَبَّنَا مَا أَطْغَيْتُهُ وَلَكِنْ كَانَ فِي ضَلالٍ بَعِيدٍ (27)



والشيطان يتبرأ مني ويقول أنا يارب ماضليتوش هو اللي كان ضال


طب ما أنا في غني عن كل دة دي الجنة






وَأُزْلِفَتْ الْجَنَّةُ لِلْمُتَّقِينَ غَيْرَ بَعِيدٍ (31)هَذَا مَا تُوعَدُونَ لِكُلِّ أَوَّابٍ حَفِيظٍ (32) مَنْ خَشِيَ الرَّحْمَنَ بِالْغَيْبِ وَجَاءَ بِقَلْبٍ مُنِيبٍ (33)ادْخُلُوهَا بِسَلامٍ ذَلِكَ يَوْمُ الْخُلُودِ (34)لَهُمْ مَا يَشَاءُونَ فِيهَا وَلَدَيْنَا مَزِيدٌ (35)


طب وإية اللي يستاهل إني أضيع الجنة عشانه دي الجنة




يارب خلاص أنا تبت إليك أنا مش هقدر أعصيك تاني لا مقدرش

أنا مقدرش علي نار الدنيا .......طب ونار الآخرة

لا أنا خلاص مش هخلف وعدي مع الحاج حسين.......مش هخلف وعدي مع ربنا



أسماء: عبدالرحمن أنت روحت فين .......ماترد عليه أنت بقيت مابتسمعش

عبدالرحمن: إية ياأسماء مالك ؟؟؟

اسماء : مالي إية أنا قاعدة انادي عليك وأنت إية كل دة مش سامع يلا اطلع رد علي سها

عبدالرحمن: سها........لا قوليلها أنا مش رايح في حتة وخلاص قوليلها تنسي في يوم من الايام إنها عرفت واحد إسمه عبد الرحمن

محمد:إية دة بالسهولة دي تكسر قلبها طب وهي عملت إية ؟؟؟




يتبع إن شاء الله.....

الحلقة الخامسة عشر





محمد: طب وإية اللي حصل ؟؟؟





عبدالرحمن: أسماء أختي اتنرفزت علية وقالتلي

أسماء: أنت اتجننت يابني خلي عندك ذوق واطلع كلمها

عبدالرحمن: بصي هو دة اللي عندي أنا مش هكلمها قوليلها تشيلني من دماغها

أسماء: أنت بقيت غريب مالك؟!! أنا مش هطلع أقولها الكلام دة

عبدالرحمن: هي أصلاً زمانها سمعت صوتنا العالي مش محتاجة تسمعه تاني منك





وتخرج أسماء تشوف سها


أسماء: معلش ياسها اعذريه أكيد وفاة محمود مأثرة عليه هدي نفسك بس

سها وهي منهاره ومش قادره تتكلم: لا هو خلاص مش موضوع وفاة محمود ولا حاجة
أنا عارفة هو ماله

أسماء: طب ياريت تعرفيني عشان أرتاح وهدي نفسك بس يابنتي ليحصلك حاجة

سها: هيكون أخوكي هو السبب........

أسماء: طب بس استني قوليلي .....استني بس سها ماتنزليش وأنت كدة.....استني يابنتي

سها: سيبيني ياأسماء





وتدخل أسماء تنادي علي عبدالرحمن


أسماء: مش هتنزل ورا سها البنت منهارة حرام عليك انزل وراها ممكن تعمل حاجة في نفسها

عبدالرحمن: وأنا مالي أنا كنت قولتلها تيجي

أسماء: ماشي لما أرجعلك

عبدالرحمن: ياشيخة روحي





وتنزل أسماء ورا سها بسرعة





أسماء: استني بس ياسها ماتعمليش في نفسك كدة أنت عارفة عبدالرحمن بيحبك أد إية ومش هيقدر يستغني عنك هتلاقيه بس اتجنن في عقله يومين ويرجعلك أعذريه أنت بس

سها: لا يا أسماء الموضوع مش موضوع جنان ولا حاجة أنا عارفة إية اللي حصله هو أكيد بيحب واحدة تانية

أسماء: تانية مين.....هو هيلاقي أحسن منك فين

سها: صدقيني هو أكيد بيحب واحدة تانية بس مسيري أعرفها ومش هسيبهم في حالهم

أسماء: بتقولي إية بس ياسها عبدالرحمن مابيحبش حد إلا أنت

سها: أنت مش عارفة حاجة ياأسماء .......أنا عايزاكي بس تقوليله إني مش هسيبه في حاله ومش هسيبهم يتهنوا ببعض أنا مش هبلة
أنا مش ههدي إلا لما أعرف هي مين

مايفكرش إني هسافر كدة وأسيبه في حاله لاااااااااا......... أنا هسافر أه بس هعرف أخباره وأنا هناك بمعرفتي يلا سلام






ولما ترجع أسماء البيت



أسماء: أنت يابية هتفضل كدة لحد امتي

عبدالرحمن: يعني إية ؟؟؟

أسماء: أنا عايزاك تعرض نفسك علي دكتور أمراض نفسية وربنا يستر

عبدالرحمن: قصدك إية ؟؟؟

أسماء:قصدي إن أنت خلاص اتجننت ...

عبدالرحمن: أنت مش ملاحظة أني أخوكي الكبير والمفروض تتكلمي معايا بأدب عن كدة

أسماء: ياسيدي لا أدب ولا قلة أدب أنا مش عايزة أتكلم معاك خالص أنا بس عايزة أقولك .......

عبدالرحمن: مش عايز أسمع منك حاجة كفاية كدة

أسماء: اسمع بس سها بتقولك إنها مش هتسيبكوا تتهنوا مع بعض

عبدالرحمن: مين دول اللي يتهنوا مع بعض

أسماء: هي بتقول إنك حبيت واحدة تانية

عبدالرحمن: في سره مش لما أبقى أخلص من الأولي الأول

بصي ياأسماء لا تانية ولا تالتة سيبيني لوحدي دلوقتي

أسماء: يعني أنا عايزة أقعد معاك أصلاً ممكن يكون اللي عندك دة معدي

عبدالرحمن: أسمااااااااااء امشي دلوقتي من وشي






وبعد ماتخرج أسماء




عبدالرحمن: هو إية اللي أنا عملته دة ؟؟؟

أنا كدة خلاص ضيعتها من إيدي



أنا أحب واحدة تانية ازاي دة........ طب وسها
هو اللي أنا عملته دة صح



مااحنا كنا هنتخطب قريب




طب لية مقولتش كدة للحاج حسين ممكن كان وافق وكنت أبقى في غنى عن المشاكل دي
أنا حاسس إني قلبي متقطع ميت حتة أنا مبقيتش عارف حاجة



لاااااااااااا أنا مقدرش أبعد عنها أبداً



الحاج حسين مجربش عشان يعرف هو بيقولي كلام نظري وبس لكن التطبيق صعب........ وصعب أوي

ماأنا كنت كويس إية اللي جرالي كنت عايش حياتي ميت فلة وعشرة أنا إية اللي حصلي


وإية تأنيب الضمير دة اللي بقيت عايش فيه


الأول كنت ماشي في السكة دي ومكنتش أعرف إنها حرام كنت مقضيها مع سها والأغاني والأفلام مكانش

حد بيقول دة حرام وللا حلال كنت مستريح كتير

بس............دلوقتي عرفت إنه حرااااااام.....هي دي المشكلة



عرفت إنه حرام بس مش قادر أسيبه


إية الحيرة دي بس !!!


أنا أروح الجامع وأسمع الآيات والأحاديث وكلام الحاج حسين بس أجي أطبق ألاقي التطبيق صعب أوي دي سها.........

اعمل إية بس !!!




الله اكبر .........الله اكبر


إية دة العصر


ياتري هلاقي الحل عند الحاج حسين ......لاااااااااا هو مش حاسس بية وبعدين إية الحرب اللي قالي عليها دي هي في حرب أكتر من اللي أنا فيها




وفي الجامع

الحاج حسين: ازيك ياحبيبي مبارك عليك

عبدالرحمن:هو فيه إية ؟؟؟

الحاج حسين: أنا حاسس إنك حطيت رجلك علي بداية الطريق

عبدالرحمن:طريق إية أنا منفعش أنا مقدرش أكمل معاك بالطريقة دي

الحاج حسين: بص أنا مش عايز أسمع كلما مقدرش دي أبداً منك فاهمني يابني

أنت ثمرة عنيه ’نا مش هسمحلك ترجع ولو مللي واحد لورا فاهم

عبدالرحمن: صدقني صعب

الحاج حسين: وأنا مقولتش إنه سهل وقولتلك من البداية إنها حرب فاكر

عبدالرحمن: فاكر بس أنا مش أد حرب ولا غيره وبعدين احنا كنا هنتخطب قريب

الحاج حسين: بجد

عبدالرحمن: اه والله






الحاج حسين: وان شاء الله هتفضلوا مخطوبين ست سنين إية طوله البال دي وبعدين أنت عارف أصلاً إن حتي لو اتخطبتوا هي برضه أجنبية عنك يعني الكلام معاها في حدود الضرورة مفيش حاجه إسمها رنات ولا رسايل ولا أي حاجة وماينفعش تقعد معاها إلا في وجود محرم وبالتالي ماينفعش تتفسحوا سوا في الكلية فاهمني

عبدالرحمن: كل دة لية ؟؟؟

الحاج حسين: هو دة الدين أنا مبجبش حاجة من عندي يعني الخطوبة اللي في دماغك ..........برضه لا وماتقولش إني بشدد عليك هو دة الدين

أنت تقدر تتجوزها دلوقتي؟!!!!

عبدالرحمن: لا طبعاً




الحاج حسين :طب خلاص سيبنا من موضوع الخطوبة والجواز دلوقتي

أنا عايز أصارحك بحاجة مهمة أنت ياعبدالرحمن للأسف عندك ورم خبيث ومش هينفع نعالج أعراض الورم ونسيب الورم ذات نفسه

عبدالرحمن: ورم !!!! ......... امتي وازاي وفين الورم دة وعرفت منين



محمد: عرف منين .......شكله يابني دكتور ودكتور شاطر جداً بس أنت اللي مش مصدق


يتبع إن شاء الله

الحلقة السادسة عشر







عبدالرحمن: أنا نفسي يامحمد أقولك حاجة من أول مابدأت أحكيلك القصة

محمد: خير

عبدالرحمن:بصراحة يامحمد أنت اللي دخلك طب ظلمك وظلم الناس اللي هتقع تحت إيدك ربنا يكون في عونهم

محمد: لية كدة بس ياعبد الرحمن أنا عملت إية ؟؟؟

عبدالرحمن: كل دة وماعملتش امال لو عملت هتقول إية أكتر من كدة !!!

محمد:إية ياعبده والله أنا بحبك أوي ونفسي بجد نبقي أصحاب طول العمر وعايز أطلب منك طلب

عبدالرحمن: طلب إية ؟؟؟

محمد: مش هتضربني

عبدالرحمن: أما أشوف قول بس يارب صبرني

محمد: أنا كنت عايز يعني إننا نبقي نسايب

عبدالرحمن:نعم بتقول إية............... نسايب يعني إية ؟؟؟

محمد: هو أنت عندك أخوات تانية غير أسماء ؟؟؟

عبدالرحمن:أسماء ..........تعرف إني مش طايقكوا أنتوا الإتنين بس بصراحة أنة خايف علي البشرية من نسلكم ..........لا كفاية كدة أوي
سيبك من موضوع أسماء دلوقتي

وبعدين هي البت هتعنس جنبك أنت لسالك كتير أوي

يابني ........... وبعدين يعني أنت لما تشتغل هتاخد إية يعني يابني اسكت وخليني أكمل حكايتي أنت لسة في سنة أولي


محمد: استني بس

عبدالرحمن: اعقل يامحمد الله يهديك لما تكبر وتعقل نبقي نتكلم في الموضوع دة

محمد: اعقل لية هو أنا مجنون

عبدالرحمن :لا أبداً أنا اللي مجنون اسمعني بقى

محمد: كمل ياسيدي









عبدالرحمن: أنا لما روحت الجامع وكلمت الحاج حسين وقلتله أنا مقدرش علي الطريق دة صدقني

الحاج حسين : بص يابني ياحبيبي أنا مش عايز أسمع منك كلمة مقدرش دي أبداً عايز أسمعها منك في حالة واحدة بس


عبدالرحمن: حالة إية ؟؟؟

الحاج حسين: عايزك تقول مقدرش ......مقدرش يارب أعصيك أبداً مش هسمحلك تقولها إلافي الحالة دي بس أنا عايز يبقي شعار حياتك دايماً

بسم الله الرحمن الرحيم
(إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ 15))


ماشي ياعبدالرحمن أنا عايزك تسمعني كويس فاكر الحرب اللي قولتلك عليها


عبدالرحمن: أيوة فاكر ...

الحاج حسين: الحرب دي بقى هتكون بينك وبين نفسك والشيطان والمعاصي والناس كمان كل دول مش هسيبوك في حالك بعد ماتتوب

عبدالرحمن: حرب أنا .......

الحاج حسين: ماتقولش مقدرش........هتقدر إن شاء الله

عبدالرحمن: طب وأعمل إية ؟؟؟

الحاج حسين: أنت تركت المعاصي وبعدت عنها اه لكن المعاصي دي لسة في قلبك
يعني مهمتنا دلوقتي قلبك ......قلبك ياعبدالرحمن الورم الخبيث دة في قلبك













عبدالرحمن: أنا عندي ورم خبيث امتي دة ؟؟؟

الحاج حسين: أيوة ورم المعاصي والذنوب اللي لو ماقضيتش
عليها هي اللي هتقضي عليك وتموت قلبك وتموتك

أنت لما تدخل طب إن شاء الله هتعرف إن الورم الخبيث في أي مكان في الجسم الدكتور الشاطر لما يجي يعالجه لازم يقطع الورم ويشيله تماماً وياخد جزء سليم من جنب الورم ويقطعه كمان عشان يقلل نسبه رجوع المرض مرة تانية

أنت لازم تعمل العملية دي وحالاً
قلبك لازم ينضف عشان يصلح لحب الرحمن
خليك معايا واحدة واحدة كدة وماتملش أبداً.....ماشي


هسألك شوية أسئلة ورد علية ...


الحاج حسين: أنا لو بعتك في مهمة مدتها ساعة واحدة بس ومقابل المهمة دي هديك قدر من المال ولو مانفذتش المهمة هحرمك من المال دة وهزعل منك هتعمل إية في الساعة دي ؟؟؟

عبدالرحمن: أكيد طبعاً هركز عشان ألحق أخلص اللي طلبته مني قبل مالوقت يخلص

الحاج حسين: طب في الساعة دي هتدي لسها ميعاد أو هتتسلي بسماع أغنية أو فيلم اووو اي حاجة تشغلك عن المهمة ؟؟؟

عبدالرحمن: لا طبعاً أنا مقدرش علي زعلك والله

الحاج حسين: طب كويس
طب أنت ترضي تقعد في بيت خراب ؟؟؟

عبدالرحمن: لا طبعاً

الحاج حسين: كويس أوي
طب أنت لو معاك إسفنجة مليانة مية مش نضيفة هتعمل فيها إية ؟؟؟

عبدالرحمن:هعصرها عشان تنزل اللي فيها وبعد كدة أغسلها

الحاج حسين: كويس أوي يابني
سؤال كمان أنت لو نويت تبني عمارة وخلاص رميت الأساس وبدأت تبني فيها لو حد جة يهدها هتسيبه

عبدالرحمن: لا طبعاً بعد التعب دة كله أسيبه ازاي

الحاج حسين : ماشي اتفقنا

عبدالرحمن: اتفقنا عليه إية ؟؟؟.....

الحاج حسين: علي الكلام اللي قولتهولك









عبدالرحمن: يعني إية أنا مش فاهم أي حاجة ؟؟؟

الحاج حسين: هفهمك يابني ركز أنت بس معايا امشي معايا واحدة واحدة كدة لحد الآخر
عارف المهمة اللي سألتك عليها دي إية دي مهمتك في الدنيا عارف أنت مهمتك في الدنيا إنك تعبد ربنا وتجمع حسنات عشان تدخل بيها الجنة
والساعة اللي قولتلك عليها دي عمرك بس للأسف أنت مش عارف هو هيخلص امتي فاكر محمود رحمه الله ......

عارف أنت لو مانفذتش المهمة ....مش هتتحرم من مالأاو جاه لااااااااا دانتا هتتحرم من الجنة...الجنة ياعبدالرحمن

وعارف أنا لو زعلت منك عادي أنا لاأساوي شئ في ملك الرحمن لكن لو ربنا غضب عليك بتفريطك في المهمة اللي خلقك عشانها هتعمل إية وقتها يوم لا ينفع مال ولا بنون


وعارف البيت الخراب اللي أنت ماترضاش تقعد فيه إية هو ؟؟؟


عبدالرحمن: إية ؟؟؟

الحاج حسين: دة قلبك اللي خربته بالمعاصي وزي ماأنت ماترضاش تقعد في بيت خراب ولله المثل الأعلي ربنا مايرضاش بقلبك دة أبداً يعني زي ماقولتلك مهمتنا قلبك

عبدالرحمن: طب والاسفنجة دي إية ؟؟؟

الحاج حسين: برضه قلبك

عبدالرحمن: برضه قلبي إية حكاية قلبي ؟؟؟

الحاج حسين: أيوة قلبك دة حكاية اسمع كدة ...

يقول الرسول الكريم صلي الله عليه وسلم (ألا إن في الجسد مضغة إذا صلحت صلح الجسد كله، وإذا فسدت فسد الجسد كله ألا وهي القلب) رواه[البخاري ومسلم)


يعني لازم قلبك اللي يتصلح الأول لأن صلاحه هيصلح باقي الجسد

يعني قلبك دة عامل زي الأمير وباقي الأعضاء والجوارح خدم عنده
يعني قلبك دة هو اللي بيؤمر وينهي

عبدالرحمن: طب وأنا هعصر قلبي زي الإسفنجة ازاي دة

الحاج حسين: أيوة لازم قلبك يتعصر عشان ينزل كل المعاصي اللي فيه وينضف عشان يصلح لحب الرحمن

عبدالرحمن: قلبي هيتعصر

الحاج حسين:أة العصرة دي بتدل أصلا علي حياة قلبك

عبدالرحمن: يعني إية أصلاً قلبي يتعصر ؟؟؟







محمد:ههههههههههههه هيعمل عصير قلب حلوة حلوة هههههههههههههههه ابقى اديني شوية عصير قلب واتوصي والله ياواد ياعبد الرحمن دمك خفيف
عصير قلوب قال عصير قال ممكن برضه تضيف عليه حبة كلاوي يبقى كوكتيل إية ماقولكش

عبدالرحمن: وعايز نبقى نسايب لا كفاية نبقى أصحاب كفاية أوي

محمد: ليه كدة بس دا أنا بحبك هات حبة عصير بقى

عبدالرحمن: عصير في عينك امشي من وشي والله ماأنا مكملك انهاردة باقي القصة

محمد: استني بس

عبدالرحمن: أنا لو فضلت كمان شوية معاك هينقلوني المستشفي اوعي سيبني أنا ماشي


محمد:استني بس ياعم هديك حساب العصير استني بس صحيح امتي عملت العملية ااااااااااه أنت سافرت السعودية عشان تعملها هناك .....ماترد عليه ياعبد الرحمن مش هقاطعك تاني



يتبع إن شاء الله

الحلقة السابعة عشر






عبدالرحمن: ازيك يامحمد إية أخبارك ؟؟؟

محمد: والله بجد.......... بعد مامشيت وسبتني امبارح لااااااااااااا ولك عين ترن علية كل صلاة لا بجد كتر خيرك

عبدالرحمن:إية يامحمد ماأنت اللي بتنرفزني بكلامك وعلي العموم ياسيدي حقك عليك خلاص بقى

محمد: خلاص ياسيدي سماح المرة دي ها هتكملي الحكاية امتي

عبدالرحمن: بعد المحاضرات ........ماشي اتفقنا

محمد: ماشي ياسيدي





وبعد إنتهاء المحاضرات ...






عبدالرحمن: احنا وقفنا لحد فين امبارح

محمد: مابلاش أقول أحسن ماهو دة اللي زعلك

عبدالرحمن: ااااااااااه لحد العصير

محمد: أيوة كمل بقى ...

عبدالرحمن: ماشي








الحاج حسين: قلبك يابني لازم يتعصر أنت صحيح سبت المعاصي وبعدت عنها بجسدك لكن المعاصي دي لسة ساكنة بقلبك

يعني أنت خلاص مش هتسمع أغاني ولا هتشوف أفلام ولا هتتكلم مع سها وأنا واثق من دة بس الحاجات دي لسة صوتها وصورتها في قلبك

العصرة اللي هتحصل في قلبك دي نتيجة لتوبتك

فأنت لما تتوب هتفقد حاجات كنت بتحبها ومعاصي أتعودت عليها

قلبك بقى هيتعصر نفسك وشيطانك هيقولولك واحنا كان مالنا بس ماكنا كويسين مش كنت تتوب لما تعيش حياتك شوية وتتمتع بيها وهيقولولك دايماً
أنت ماتنفعش للطريق دة

وسوسة الشيطان دي يابني ليك هتدل علي حياة قلبك.....قلبك فيه خير واالشيطان هيحاول ينزعه منك

فاصبر علي العصرة دي شوية وإن شاء الله تنطلق بعدها
والحرب اللي قلتلك عليها خلاص بدأت من أول انهاردة

عبدالرحمن: استني بس علية أنا مش مستوعب

الحاج حسين: اصبر بس يابني وماتقولش صعب وماأقدرش

شوية صبر بس أنت لازم كمان تندم علي ذنوبك وتفريطك في حق الملك
أنت عارف أنت هتتعرض لفتن بعد توبتك بس لازم تثبت

يعني أهلك هيقولوا مالك يابني ماأنت كنت كويس أنت هتبقي إرهابي ولاإية ؟؟؟

وسها مش حرام عليك كدة كسرت قلبها

طب وكمان الأفلام والأغاني حرام كل حاجة عندك بقت حرام ووووو

وأصحاب زمان طبعاً هيحاولوا يرجعوك لورا تاني هيقولوا فين أيامك كان مالك أنت اتجننت في عقلك ولا إية عشان كدة حاول تبعد عنهم دلوقتي لحد ماتثبت

والناس دول بقى موال تاني لأنهم مش هيعجبهم أي حال ......دلوقتي هيقولوا خلاص الواد هيعملنا فيها شيخ وهيقولنا بقى حلال وحرام
كل الحرب دي عشان تتميز

عبداالرحمن: اتميز في إية ؟؟؟

الحاج حسين: تتميز في توبتك توبتك دي كانت صادقة ولا أي كلام ...

أنا مش عايزك طبعاً تبقى أي كلام

أنت هتتغربل










عبدالرحمن:أتغربل وللا أتميز !!!

الحاج حسين: الإتنين

عبدالرحمن : يعني أعمل إية ؟؟؟

الحاج حسين: بص يابني الحرب والفتن دي هي اللي هتميزك وتغربلك أنت صادق وللا كذاب
اسمع الآية دي ...

بسم الله الرحمن الرحيم
الم (1)أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لا يُفْتَنُونَ (2

　
وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3)

فهمت الفتن دي لية والحرب اللي هتقابلك دي لية ...

أنا عايزك دايماً تدعي ربنا زي مالرسول عليه الصلاة والسلام بيدعي ربنا

وتقول (يامقلب القلوب ثبت قلبي علي دينك)

أنت معايا ياعبدالرحمن











عبدالرحمن: أيوة أيوة مع حضرتك بس أنا هثبت ازاي علي الطريق دة وأنا لسة مش عارف أي حاجة فيه خالص وكمان فيه عصرة وحرب وفتن هقدر

الحاج حسين:أيوة هتقدر استعن بالله ولاتعجز ...

الأول العملية اللي كلمتك عليها لازم تتعمل الاول

عبدالرحمن: عملية إية ؟؟؟؟

بيضرب علي قلبي بقبضة إيده

الحاج حسين :هنا العملية هنا الورم هنا لازم نستأصله

المعاصي كلها لازم تتقطع وتتشال من قلبك مش هينفع تعيش والورم دة جواك لأنه أكيد هيأثر علي باقي أعضاءك

عبدالرحمن: طب والجزء السليم دة إية ؟؟؟

الحاج حسين: دي الحاجة اللي في حياتك اللي ممكن المعاصي توصلك من خلالها وأهم حاجة طبعاً أنا خايف عليك منها هي سها
قولي هو مين أقرب أصحابك ليك اللي ممكن سها توصلك من خلاله








عبدالرحمن: محمد

محمد: إية دة هو هيعمل فية إية معلش يعني دة بيسأل علية !!!!!!!!!

عبدالرحمن: هيقطعك وياريته قطعك للأبد هههههه

محمد: هيقطعني لية أنا عملت إية حرام عليكوا ........

عبد الرحمن : طبعاً يامحمد أنت أقرب أصحابي لية وزي ماأنت قلتلي إن سها طول الأجازة كانت مزهقاك أسئلة علية فعشان كدة كان لازم أقطع صلتي بيك أنت كمان لأن أنت كنت الحبل اللي هيوصلني ليها ويوقعني تاني بعد ماوقفت علي رجلي كنتوا هتكعبلوني هههههه

محمد: كعبلة إية احنا هنلعب









عبدالرحمن: لا هنعمل العملية

الحاج حسين : خلاص هو محمد ده لازم تنساه دلوقتي لحد ماتخرج من العناية المركزة

محمد: إية دة أنت دخلت المستشفي أنت لية ماتصلتش بية عشان أزورك أنا زعلان منك جداً أنت غلطت في حقي كتير أوي
قطعتني وكمان ماقولتليش علي ميعاد العملية عشان حتي أزورك وأعمل الواجب معاك

عبدالرحمن:أنت عملت الواجب وزيادة

محمد:طب وأنت قعدت أد إية في العناية المركزة وعملت فيها إية ؟؟؟؟؟؟؟

عبدالرحمن: هقولك بكرة إن شاء الله ...



يتبع ان شاء الله

الحلقة الثامنة عشر







عبدالرحمن: يامحمد ياحبيبي العناية المركز دي كانت في المسجد مش في المستشفي


محمد: المسجد طب وعملت إية ؟؟؟؟؟؟؟


عبدالرحمن: هقولك









الحاج حسين: أنت يابني بعد ماعملت العملية وقطعنا الورم من قلبك وقطعنا من حواليه جزء سليم لازم تدخل العناية المركزة بعد العملية ضروري أحسن يحصل تدهور في حالتك


عبدالرحمن: تدهور


الحاج حسين : أيوة لازم تدخل العناية المركزة ضروري


عبدالرحمن : يعني أروح فين


الحاج حسين: هتلزم المسجد وأنا هتابع حالتك يوم بيوم لااااااااا ثانية بثانية


عبدالرحمن: للدرجة دي


الحاج حسين: أيوة والله يابني بكرة هتعرف إن أمراض القلوب أشد وأقوي بكتير من أمراض الأبدان


عبدالرحمن: طب وهنعمل إية في العناية المركزة دي ؟؟؟؟؟؟


الحاج حسين: بص أولاً زي مانت عارف مريض العناية المركزة ممنوع من الزيارات


عبداالرحمن: أيوة


الحاج حسين: الزيارات اللي أنت ممنوع منها دي هي مخالطة أي حد هيرجعك لورا ولو ملي واحد أكيد طبعاً أنت أدري بيهم مني اتفقنا علي الشرط الأول وأهم واحد ممنوع من الزيارة هو محمد


عبدالرحمن: اتفقنا







محمد: محمد محمد هو أنا عملت إية بس !!!


عبدالرحمن: كفاية إنك غلباوي اسمه بئي .....

　





الحاج حسين: ثانيا مش هينفع تاكل أي حاجة أنت مريض لازم يكون لك أكل مخصص لحالتك المرضية عشان تشفي بإذن الله

　

عبداالرحمن: يعني اكل إية ؟؟؟؟؟؟؟؟

　

الحاج حسين: علاجك في الفترة دي هيكون القرآن هو غذاء قلبك في الفترة دي


عبدالرحمن: مش فاهم


الحاج حسين: بص يابني أنا عايزك تعيش قرءان........يعني مش تسمع أو تحفظ أو تقرأ وخلاص لااااااااا أنا عايزك تعيش جوة الآيات وتمررها علي قلبك عايزك تحس كل اللي بتقرأه وتسمعه واللي بتحفظه

صحيح بخصوص الحفظ احنا ميعادنا بكرة ولا نسيت

　

عبدالرحمن: لا طبعاً فاكر وكمان هحفظ سورة ق أنا حبيتها أوي


الحاج حسين: تبارك الله....... إن شاء الله أسمعلك بكرة


عبدالرحمن: اتفقنا







الحاج حسين: ماشي نكمل باقي العلاج


ثالثا
الأدوية لازم تتاخد بإنتظام وبمتابعة متكررة


عبدالرحمن: أدوية !!!!


الحاج حسين: الأدوية دي هتكون الذكر والصيام وقيام الليل


عبدالرحمن: كل دي أدوية......... كتير أوي


الحاج حسين: لا مش كتير واحدة واحدة......... أنت هتاخد جرعة صغيرة في الأول وبعد كدة الجرعة هتزيد تدريجياً إن شاء الله


عبدالرحمن: طب إية فايدة كل دوا من دول ؟؟؟؟؟؟؟


الحاج حسين: ياااااااااااااه فايدة قول فوايد بص أنا هقولك بعضها وأنت إن شاء الله هتحس بباقي الفوايد لما تاخد الدوا


عبدالرحمن: طيب إية فايدة الذكر ؟؟؟؟


الحاج حسين: بص من فوايد الذكر

أن الله عز وجل يباهي بالذاكرين ملائكته
.


أن الملائكة تستغفر للذاكر كما تستغفر للتائب
. تخيل الملائكة تستغفر لك


أن دور الجنة تبني بالذكر، فإذا أمسك الذاكر عن الذكر، أمسكت الملائكة عن البناء

أن في القلب قسوة لا يذيبها إلا ذكر الله تعالى
.

أنه أيسر العبادات، وهو من أجلها وأفضلها
.


متخيل ياعبدالرحمن كل دة من فوايد الذكر وطبعاً هي كتير
دور علي الباقي لأني مش هلحق أقولهم دلوقتي



عبدالرحمن: طب إية فوايد الصيام أنا هصوم كمان ........



الحاج حسين: دة الصيام بئي دة مهم جداً لحالتك

....فقد ثبت عن النبي صلى الله عليه وآله وسلم أنه قال يا معشر الشباب من استطاع منكم الباءة فليتزوج ومن لم يستطع فعليه بالصوم فإنه له وجاء

عبدالرحمن: يعني إية ؟؟؟؟؟



الحاج حسين: يعني دلوقتي أنت زي ماقولتلي أنت مش هتقدر تتجوز سها دلوقتي صح ........وأنت في الفترة دي لازم هتبعد عنها ولازم تتغلب علي كدة بالصوم وبعدين الرسول صلي الله عليه وسلم كان بيصوم يوم الإثنين والخميس لأن الأعمال ترفع إلي الله في اليومين دول عشان كدة الرسول صلي الله عليه وسلم كان بيصومهم لأنه قال صلي الله عليه وسلم أحب أن يعرض عملي وأنا صائم


خلاص اتفقنا هنثبت إثنين وخميس



عبدالرحمن: الله المستعان طب وإية فايدة القيام ؟؟؟؟؟



الحاج حسين: هي كدة بس فوايد الصيام دا كمان الصايمين يوم القيامة بيدخلوا من باب الريان


عبدالرحمن: خلاص إن شاء الله أصوم الإثنين والخميس وإية فوايد القيام إنا كمان هقوم الليل!!!


الحاج حسين: إن شاء الله دة قيام الليل دة علامة علي حبك لربنا اسمع كدة


قال تعالى:

{ تَتَجَافَى جُنُوبُهُمْ عَنِ الْمَضَاجِعِ} [السجدة:16].ربنا بيقصد بكدة قيام الليل

　
وقال تعالى: {أَمَّنْ هُوَ قَانِتٌ آنَاء اللَّيْلِ سَاجِداً وَقَائِماً يَحْذَرُ الْآخِرَةَ وَيَرْجُو رَحْمَةَ رَبِّهِ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ إِنَّمَا يَتَذَكَّرُ أُوْلُوا الْأَلْبَابِ} [الزمر:9].

أي: هل يستوي من هذة صفته مع من نام ليله وضيّع نفسه، غير عالم بوعد ربه ولا بوعيده؟!

　
　
　
ها إية رأيك ؟؟؟؟؟؟؟
وكمان

　
حث النبي على قيام الليل ورغّب فيه، فقال عليه الصلاة والسلام:.


{عليكم بقيام الليل فإنه دأب الصالحين قبلكم، وقربة إلى الله تعالى، ومكفرة للسيئات، ومنهاة عن الإثم،ومطردة للداء عن الجسد } [رواه أحمد والترمذي وصححه الألباني(


　
طبعاً من غير كلام خلاص هتقيم الليل من اول انهاردة


عبدالرحمن: طب لما أعمل كدة إية اللي هيحصل ؟؟؟؟؟


الحاج حسين :
هتخرج من العناية المركزة وأنت نبضك حب الله ونفسك ذكر الله
وقرة عينك القرب من الله وهيبقي عندك مناعة ايمانية



عبدالرحمن: مناعة إيمانية إية دي!!!




الله أكبر الله أكبر

　
الحاج حسين : هقولك بعد أذان المغرب إن شاء الله .......


　
يتبع إن شاء الله.....

الحلقة التاسعة عشر







محمد:إية المناعة الإيمانية دي كمان ؟؟؟؟



عبدالرحمن:هقولك يامحمد



وبعد انتهاء صلاة المغرب



الحاج حسين:بص يابني أنت هتخرج من العناية المركزة



بمناعة إيمانية



والمناعة الايمانية دي هتستمر معاك طول العمر بإذن الله



عبدالرحمن: ولزمتها إية المناعة الإيمانية دي وهي إية أصلاً ؟؟؟؟؟؟



الحاج حسين:بص أي إنسان ربنا خلقه عنده مناعة ضد



الأمراض ، المناعة دي عملة زي حرس الحدود تتعرف علي أي



ميكروب دخل الجسم وتهاجمه



ونتيجة الهجوم دي بتتوقف علي قوة المناعة والمرض والغلبة



طبعاً للأقوي



فالقوي في الهجوم دة هو اللي بيكسب المعركة في الآخر



تعرف سبحان الله كمان المناعة دي بتعمل أجسام مضادة ضد



الميكروب دة وعند الاصابة بية مرة تانية بيكون الجسم خلاص



في اجسام مضادة للميكروب دة وبالتالي



الجسم لايصاب بنفس الميكروب سبحان الخلاق



والله تعرف يابني المناعة دي بتفكرني بكلام الرسول صلي الله

عليه وسلم عن أبي هريرة رضي الله عنه قال: قال رسول الله صلى الله عليه وسلم: "لا يُلْدَغ المؤمن من جُحْرٍ واحدٍ مرتين" متفق عليه.








عبدالرحمن: سبحان الله



الحاج حسين: إن شاء الله لماتدخل طب هتعرف الكلام دة



بالتفصيل وهتعرف عظمة الملك



عبدالرحمن: طب دي المناعة الطبيعية في جسم الانسان


إية المناعة الإيمانية بئي ؟؟؟؟؟؟



الحاج حسين:المناعة الإيمانية دي زي المناعة الطبيعية في



جسم الإنسان بالظبط



بس المناعة دي إن شاء الله هتتكون عندك بالطاعات زي



مااتفقنا اللي هتعمله في العناية المركزة



عبدالرحمن: طب ولزمتها إية ؟؟؟؟؟؟



الحاج حسين: لزمتها يابني أنت ماتقدرش تعيش من غيرها أصلاً



عبدالرحمن: للدرجة دي ؟؟؟؟؟



الحاج حسين: أيوة يابني أنا مش قولتلك إن أمراض القلوب أشد



وأصعب بكتير من أمراض الأبدان



وممكن كمان تكون مريض بقلبك والمصيبة الكبيرة إنك تكون



مش حاسس



قلبك بيقولك ارحمني أنا تعبان.....تعبت من حب المعاصي ومن



الحب المحرم قلبك يصرخ جواك يقولك أنا ماتخلقتش لكدة وأنت



ولاأنت هنا








عبدالرحمن: هو قلبي اتخلق لية ؟؟؟؟؟؟؟؟؟؟



الحاج حسين: عشان حب ربنا حب الملك الله عزوجل



المناعة الإيمانية بئي دي مهمتها اكتشاف أي ميكروب معاصي



والقضاء عليه في الحال



وطبعاً زي ماقولتلك إن هي بالظبط زي المناعة الطبيعية في



جسمك يعني الغلبة فيها للأقوي



يعني أي ميكروب معصية يدخلك وظيفة المناعة دي التعرف



عليه والقضاء عليه في الحال



لا وكمان لازم تعمل أجسام مضادة عشان ماتقعش في المعصية



دي مرة تانية لأن أنت تعبت أوي في القضاء عليها في المرة الأولي



عبدالرحمن: طب المناعة دي لو مقدرتش علي ميكروبات



المعاصي إية اللي يحصل ؟؟؟؟؟؟



الحاج حسين:إية اللي يحصل.........



زي مالمناعة الطبيعية في جسمك بالظبط لو ماقدرتش تواجه



الميكروب وتقضي عليه



الميكروب ده ممكن يقضي علي العضو اللي هو موجود فيه



لا وكمان في بعض الميكروبات ربنا يعافينا بتتخفي وتوهم



الجسم أنها منه وتدمر جهاز المناعة بالكلية تخيل



يعني جهاز المناعة اللي ربنا خلقه عشان يحمي الانسان



الميكروبات دي تدمره قولي بئي



ازاي الانسان يعيش ربنا يعافينا



المناعة الإيمانية دي بئي اللي عندك لو ماتعرفتش علي



الميكروب أول مايدخل جسمك ممكن يدمر الجزء اللي أصابه



الميكروب وبمرور الوقت هيقضي علي المناعة الإيمانية اللي



تعبنا فيها عما اتبنت





عشان كدة أنا مش هسمحلك أبداااااااااااااااااااااا أنت ثمرة قلبي



وعنية مش هسمحلك تدمر المناعة دي










عبدالرحمن: طب ......



الحاج حسين: بص أنا هوضحلك بأمثلة



مثلاً يعني أنت لما تكون ملتزم بفضل الله في الصلاة ومحافظ عليها في أوقاتها



لو أصابك ميكروب التهاون في الصلاة مش من أول يوم يعني



هتترك الصلاة بالكلية



يعني في بداية الأمر والمناعة الإيمانية طبعاً نايمة في الوقت دة



هتبدأ تفرط في مواعيدها



اه بتصلي بس مش في وقت الصلاة وبعد كدة تترك النوافل وتبدأ



بالتفريط في بعض الفروض



حتي ينتهي الامر بالتفريط في الصلاة بالكلية وفي الوقت دة



تكون المناعة أصلاً اضربت



لكن لو المناعة تعرفت علي ميكرب التهاون في الصلاة في بداية



الأمر مكانش حصل كل دة يعني المناعة الإيمانية دي لازم تكون



صاحية عندك طول الوقت



فهمت قصدي إية ........



وده بينطبق علي كل المعاصي يعني برضه اطلاق البصر



أنت في بداية الأمر مش حاسس أصلاً إن عندك مشكلة تبص هنا



وتبص هناك في الشارع والتليفزيون والنت وغيره



مش حاسس إن عينيك باظت أصلاً



لحد مالمناعة تدمر وتقع في حب محرم وغيره من المشاكل الكتير



واحنا في غني عن كل المشاكل دي فالوقاية خير من العلاج



أنا عايزك يابني تحفظ نفسك وتعتصم بالله دايماً









هو أنت هتسافر امتي؟



عبدالرحمن:إن شاء الله علي الأسبوع الجاي



الحاج حسين: الله المستعان أنت عارف أنا نسيت أقولك إن سيدنا



يوسف فضل أنه يتسجن علي أنه يعصي ربنا لا وكمان في



السجن بئي داعية إلى الله تخيل



السجن اللي هو مكان المجرمين سيدنا يوسف كان فيه داعية



إلي الله أنا عايزك بقي تقلده تكون عفيف عن المعاصي وتعتصم بالله



عبدالرحمن: وأدخل السجن .......سجن إية ؟؟؟؟؟



الحاج حسين: مش سجن بالمعني المفهوم لكن أنا عايزك تلزم



الطاعة لأن الطاعات دي هتكون دايماً حاجز بينك وبين



المعاصي وكل ماجدار الطاعة كان قوي المعاصي ماتقدرش



تخترقه



أنا عايزك قبل ماتسافر السعودية يبقي عندك مناعة قوية جداً



وحواجر وجدر منيعة ضد المعاصي



عشان إن شاء الله لماترجع من السفر هنبتدي بداية تانية



عبدالرحمن: أنا هقدر!!!



الحاج حسين: بحول الله وقوته هتقدر ماتستصعبش أنت بس الأمور ولما ترجع من السفر لينا كلام تاني



عبدالرحمن: كلام تاني!!!!!












وبالفعل يسافر عبدالرحمن



وهو علي وعده مع الحاج حسين إنه خلاص مش هيكلم سها



وكان في فترة وجوده هناك بالسعودية كان علي اتصال دائم بالحاج حسين



وفي كل اتصال يطمن الحاج حسين عن حالته الإيمانية



وبعد رجوع عبدالرحمن من السفر أول واحد يروح يسلم عليه



الحاج حسين ويلاقيه كالعادة في الجامع



وأول مالحاج حسين يشوف ابنه عبدالرحمن يقوم ياخده



بالحضن ويقوله أهلاً ابني الغالي









الحاج حسين: وحشتني أوي يابني أنا فرحان بيك أوي



عبدالرحمن: والله وحضرتك كمان وحشتني



وبعد مالحاج حسين يطمن علي عبدالرحمن وعبد الرحمن:يحكيله هو عمل إية هناك



عبدالرحمن: أنا خلاص قررت إني مادخلش طب!!









محمد: امال أنت بتعمل إية معايا دلوقتي أوعي تقول إنك جاي



تقضي معايا يومين وتسيبني بس أنت بتحضر محاضرات



وملتزم بالمواعيد وللاأنت لسه مابدأتش دراسة في كليتك وقولت



تيجي تقعد معايا وتسمع حبة طب هههههههه أنت فاضي يابني



يتبع إن شاء الله ......

الحلقة العشرون







محمد: هو أنت بجد في كلية إيا أنت جاي تسمع الكلام اللي الحاج حسين كان بيقولك علية!!!

طب كنت قولي وماتتعبش نفسك وأنا ياسيدي أسجلهالك وأجيبهالك لحد البيت


عبدالرحمن: علي فكرة يامحمد أنت غلبتني معاك هو أنت لية مش بتسمعني لحد الآخر دة برضه عيب من عيوبك

محمد: هو أنت هتقعد تعد عيوبي وللا إية ؟؟؟؟؟

عبدالرحمن: أيوة أنت مش عايز تخطب أسماء ماأنا لازم برضه أعمل عليك حما

محمد: إية دة أنت وافقت ياعمي ؟؟؟؟؟؟

عبدالرحمن: هههههههه احنا مع بعض 6 سنين هقيمك فيهم وهنشوف
اسمع بقى ومش كل حاجة تعلق عليها ارحمني شوية

محمد: خلاص ياعمي كمل








عبدالرحمن: ماشي ياسيدي أنا اول ماقولت للحاج حسين أنا قررت إني مادخلش طب....... لقيت

وشه اتغير وكأنه اتصدم صدمة كبيرة أوي

الحاج حسين: أنت بتقول إية!!!!

عبدالرحمن: أنا مش عايز أدخل طب أنا هدخل صيدلة إن شاء الله

الحاج حسين:بص يابني أنت تروح دلوقتي تسلم علي أهلك وترتاح شوية ونتكلم بعدين

عبدالرحمن: لية كدة........

الحاج حسين: اسمع بس يابني الكلام .........أنا مستنيك ماتقلقش يلا أنت بس عشان أهلك يطمنوا عليك












عبد الرحمن : أنا لما روحت البيت
أهلي أول ماشافوني حسوا إني اتغيرت وكلهم كانوا مستغربين وحاسين إني مش عبدالرحمن اللي كانوا يعرفوه قبل كدة

محمد: لية يعني ؟؟؟؟؟

عبدالرحمن: أصلي أول مرة أدخل عليهم وأقبل إديهم وأقولوهم بجد وحشتوني كلكوا

حسوا إني

أول مرة أكلمهم بحب

كلهم طبعاً كانوا مستغربين هو حصله إية خد أدوية بر والدين وحسن أخلاق هناك وللا إية ؟؟؟؟

محمد: هي الحاجات دي بتتاخد ازاي حقن وللا شراب وللا أقراص ..........قولي جايز الدوا دة ينفع معايا

عبدالرحمن: لا يامحمد مش أدوية

أنا لما كنت في السعودية

كنت بمرر القرءان اللي بسمعه وأقرأه علي قلبي زي ماالحاج حسين قالي

أنا حسيت إني أول مرة أسمع قرءان وأحس قرءان

محمد: يعني هو دا الدوا










عبدالرحمن: بص يامحمد ياحبيبي

القرءان ياحبيبي دة كله شفاء وهدي

بسم الله الرحمن الرحيم

يَا أَيُّهَا النَّاسُ قَدْ جَاءَتْكُمْ مَوْعِظَةٌ مِنْ رَبِّكُمْ وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ (57)سورة يونس

محمد: سبحان الله

عبدالرحمن: أنا في السعودية حسيت إني كنت في غفلة أنا كنت فين من كل دة....... سبحان الملك

أنا كنت فين من القرءان

حسيت إني كنت بعيد أوي حسيت إن ربنا رحيم وكريم أوي معايا

والله يامحمد أنا حسيت إني أول مرة يكون عندي قلب وآذان

أنا مكنتش عايش عشان كدة زي ماقولتلك أنا بحس أوي بمعني الآية دي.......... أنا قولتلك عليها قبل كدة

محمد: لا مش فاكر بصراحة ......

عبدالرحمن: بسم الله الرحمن الرحيم

أَوَمَنْ كَانَ مَيْتاً فَأَحْيَيْنَاهُ وَجَعَلْنَا لَهُ نُوراً يَمْشِي بِهِ فِي النَّاسِ كَمَنْ مَثَلُهُ فِي الظُّلُمَاتِ لَيْسَ بِخَارِجٍ مِنْهَا كَذَلِكَ زُيِّنَ لِلْكَافِرِينَ مَا كَانُوا يَعْمَلُونَ (122)الأنعام

محمد: اه افتكرتها











عبدالرحمن: أنا بجد حاسس إني كنت ميت وربنا أحياني...سبحان
من يحيي الموتي

يعني أنت يامحمد عمرك ماتعرف قيمة النور وأهميته بجد إلا لما تتغير

زي ماتكون كدة قاعد في أوضة ضلمة وقافل على نفسك وتحس إن دة
طبيعي وكل الكون أصلاً منور من حواليك بس أنت اللي مش شايف لأنك
في ضلمة

ولما ربنا يأذن وتخرج للنور هتعرف أد إية الضلمة اللي أنت كنت
عايش فيها دي كانت وحشة أوي

وتعرف أهمية النور

يعني ربنا ينورلك طريقك عشان تعرف تمشي سبحان الله أنت تعرف

تمشي في الضلمة يامحمد












محمد: لا طبعاً ولو مشيت أكيد هقع

عبدالرحمن: سبحان الله أنا بقى كنت في ضلمة ووقعت كتير لحد ماربنا
طلعني منها فالله الحمد

والله يامحمد عمر ماالضلمة تتساوي بالنور

محمد: طب وأنت إية اللي خلاك تتغير مع أهلك مع إني أعرف إن كانت

علاقتك بيهم مش مظبطة أنا فاكر إنك كنت قولتلي قبل كدة إنك حاسس
إنك يتيم


يتبع إن شاء الله

الحلقة الحادية والعشرون



عبدالرحمن: هقولك يامحمد أنا كانت فيه فجوة كبيرة بيني وبين أهلي

لكني قررت إني أقرب منهم وأشيل أي فجوات بينا

وقلت هما اكيد بيحبوني دي فطرة ربنا فطرهم عليهم بس هما أكيد مش

عارفين يوصلولي إحساسهم يعني أنت ممكن تحس إن إنسان بيحبك بس

مش قادر يوصلك إحساسه


محمد: اه طبعاً زي ما أنت بتحبني كدة بالظبط

عبدالرحمن: والله يامحمد أنا بحبك في الله

محمد: اه....

عبدالرحمن: قولي أحبك الذي أحببتني فيه

محمد: ماشي ياسيدي أحبك الذي أحببتني فيه ........هو أنت معايا في طب
بقى وللا لا ؟؟؟؟؟

عبدالرحمن: محمد أنت هتنرفزني ولا إية مش اتفقنا مش هتقاطعني ......

ولوأنت طمعت لما قولتلك بحبك في الله

محمد: خلاص أنا آسف كمل








عبدالرحمن:قلت لية مافتحش معاهم صفحة جديدة أكتب أنا أول سطر فيها

أقولهم أنا بحبكم لأني ربنا أمرني بكدة وهبركم طاعة لربي








محمد:ممكن بعد إذنك سيادتك اسأل سؤال

عبدالرحمن:إية الأدب دة.... اتفضل
ياسيدي اسأل


محمد: هو أنت اتعلمت الحاجات دي وعرفتها فين



عبدالرحمن:من القرءان



محمد: من القرءان....... صحيح هو أنت كل شوية تذكرلي آية هو أنت



حفظت القرءان كله ولا إية...... لحقت في شهر تختمه مع الحاج حسين



عبدالرحمن:أنا بفضل الله المنان أكملت حفظ جزء عم وبدأت في تبارك

والله المستعان


محمد: يعني لسة ماخلصتش امال إية بقى


عبدالرحمن: مش شرط إني أكون حافظ القرءان كله يعني عشان الآيات

اللي ذكرتهالك قبل كدة أنا الآيات دي حسيتها وعشتها

يعني كأنها بقت جزء مني مش بقولك تحس قرءان يعني تخيل لو آية في

قلبك ساكنة فيه وقلبك بيضخ دم لجسمك طول الوقت أكيد الآية دي

هتمشي في دمك في جسمك كله سبحان الله








محمد: أيوة ......ياحاج حسين وبعدين.....


عبدالرحمن: وبعدين أقولك إية بس......



بص يامحمد أنت لو جيت تشوف آيات القرءان هتلاقي إن ربنا عزوجل



كلما أمر بعبادته تلاقي الأمر اللي بعده مباشره طاعة الوالدين



سبحان الله تخيل عبادة الله عزوجل وبعدها طاعة الوالدين



بسم الله الرحمن الرحيم



(وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً

)



وقال الله تعالي


بسم الله الرحمن الرحيم

(وَقَضَى رَبُّكَ أَلاَّ تَعْبُدُوا إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا فَلا تَقُلْ لَهُمَا أُفٍّ وَلا تَنْهَرْهُمَا وَقُلْ لَهُمَا قَوْلاً كَرِيماً )(23)الأسراء






محمد: سبحان الله

يااااااااة دا أنا كدة مفرط في حق أبويا وأمي أوي مع أنهم مش مخليني

محتاج حاجة





عبدالرحمن: أيوة ما أنت الحيلة بقى


محمد: اسكت والله أنت زعلتني........ أنا علي كدة فين من أوامر ربنا




عبدالرحمن: تعرف يامحمد






محمد: إية هتقولي تاني حاجة عن برالوالدين ما كفاية إحراج لحد كدة





عبدالرحمن : والله يامحمد احنا بعيد جداً عن البر خليني ساكت

أنت عارف الحاج حسين حكالي إن أحد التابعين وهو أويس القرني أدرك

النبي صلي الله عليه وسلم ولكنه لم يره لأنه كان بار بأمه ولم يتمكن من

رؤية النبي صلي الله عليه وسلم





تعرف النبي صلي الله عليه وسلم قال عنه إية ؟؟؟؟؟؟





محمد: إية ؟؟؟؟؟؟





عبدالرحمن: قال النبي محمد صلي الله عليه وسلم


يأتي عليكم أويس بن عامر مع أمداد أهل اليمن من مراد ثم من قرن كان به

برص فبرأ منه إلا موضع درهم له والدة هو بها بر لو أقسم على الله لأبره؛

فإن استطعت أن يستغفر لك فافعل (رواه مسلم،)






عبدالرحمن: وكان سيدنا عمر بن الخطاب إذا أتى عليه أمداد أهل اليمن

سألهم أفيكم أويس بن عامر حتى أتى على أويس فقال: أنت أويس بن

عامر؟ قال: نعم قال: من مراد ثم من قرن؟ قال: نعم قال: فكان بك برص

فبرأت منه إلا موضع درهم؟ قال: نعم قال: لك والدة؟ قال: نعم قال: سمعت

رسول الله صلى الله عليه وسلم يقول: يأتي عليكم أويس بن عامر مع أمداد

أهل اليمن من مراد ثم من قرن كان به برص فبرأ منه إلا موضع درهم له

والدة هو بها بر لو أقسم على الله لأبره؛ فإن استطعت أن يستغفر لك فافعل؛

فاستغفر لي فاستغفر له


محمد:سبحان الله


عبدالرحمن: شوفت فضل البر دا كمان في باب من أبواب الجنة الثمانية لبر الوالدين



محمد: خلاص ياعبدالرحمن أوعدك إني من أول انهاردة هتغير

قولي بقى أنت معايا في طب وللا لا









عبدالرحمن:اسكت دا أنا كل ما أفتكر اليوم دة اللي كلمت فيه الحاج حسين

عن الموضوع دة .........دا كان يوم





محمد: لية عمل فيك إية ؟؟؟؟؟





عبدالرحمن: قالي أنت ظهرت عليك أعراض خطيرة ربنا يستر






محمد: أعراض إية....... هو كل اللي أنت عملته دة مش عاجبه.........

دانا كنت شوية وهقولك ياشيخنا




يتبع إن شاء الله

الحلقة الثانية والعشرون



عبدالرحمن: أنا بعد ماقلت للحاج حسين إني قررت مادخلش طب خلاص


الحاج حسين: بتقول إية ؟!!!



عبدالرحمن: مش عايز أدخل طب لأني مش عايز أشوف سها هناك انا خايف.......... وبعدين حضرتك
قولتلي لازم أبعد عنها وأقطع أي حاجة تفكرني بيها


الحاج حسين: بص يابني اسمعني ........أنا عايز أنبهك لحاجة خطيرة جدااااااااا لأني خايف عليك أوي


عبدالرحمن: لية كل دة دا أنا افتكرت إن حضرتك الي هتنصحني إني مادخلش طب










الحاج حسين: اسمعني كويس أوي ......

بص الناس لما بتوصلهم رسايل من ربنا أقصد بيها أي رسايل زي موت أحد أقاربه أو أحبابه
أو مرضهم أو أي تذكرة من ربنا
أنا بلاقي في الوقت دة إن الناس بتتقسم ل 4 أقسام




أول فئة من الناس

ودول اللي بعتبرهم موتى أصلاً مش بيسمعوا أي حاجة ولاهما فاهمين أي حاجة من اللي بتدور حوليهم
النوع دة من الناس لما توصله رسالة من ربنا مفيش أي إستجابة وكأن أصلاً مفيش أي حاجة حصلت
ويكملوا حياتهم قصدي موتهم عادي عايشينها كدة وخلاص زي ماتيجي تيجي
وأنت بفضل الله مش من النوع دة ولا من النوع التاني



عبدالرحمن: هو إية النوع التاني ؟؟؟؟؟؟


الحاج حسين:

النوع التاني

دة لما بتحصله صدمة شديدة أوي من اللي حصل حواليه تلاقيه وقف فجأة
عن اللي كان بيعمله لاهو بيعصي ولاهو ملتزم وبعد كدة عادي يرجع للي كان بيعمله ويمكن حالته كمان
تسوء عن ماكان ودة يشبه كتير النوع الأول


عبدالرحمن: طب الحمد لله امال حضرتك خايف علية لية ؟؟؟؟؟






الحاج حسين: اسمع لسة في نوع برضه خطير وأنا خايف أوي إنك تكون منه



وتالت فئة من الناس

ركز معايا ويارب ماتكون منهم
النوع دة لما توصله رسالة من ربنا بس رسالة شديدة شوية زي اللي حصلتلك كدة
النوع دة بقى الصدمة تأثر عليه لدرجة إنه يدخل في غيبوبة




عبدالرحمن: غيبوبة إية أنا ماتعبتش ولا دخلت في غيبوبة الحمد لله أنا مش منهم

الحاج حسين: لااااااا مش الغيبوبة اللي في دماغك
أنا قصدي غيبوبة تانية خالص

عبدالرحمن: غيبوبة إية!!!

الحاج حسين: غيبوبة اسمها الإلتزام
بص بعد النوع اللي كلمتك عنه دة
أكيد ربنا بعتله رسايل قبل كدة زيك كدة بالظبط بس للأسف هو مش محتاج أي رسالة هو محتاج هزة
شديدة زلزال كدة يعني







عبدالرحمن: أنا مش فاهم حاجة صدمة إية وزلزال إية ؟؟؟؟؟؟

الحاج حسين : اصبر وهوضح لك كل حاجة ماتستعجلش أنا عايزك تفهم كل كلمة وكل حرف بقولهم
مريض الكبد مثلاً
قبل مايدخل في غيبوبة ......في حاجة طبعاً بتحصله قبل مايدخل في غيبوبة
يعني مثلاً مريض الكبد نسبة الامونيا تزيد في دمه فطبعا المخ مش هيستحمل النسبة دي فيدخل
المريض عافاني الله وإياك في غيبوبة

فالنوع دة بقي من الناس لما يحصله حاجة شديدة أوي في حياته وخلاص كأنه مريض كبد مش قادر
يستحمل نسبة الأمونيا
تلاقيه مايقدرش يتحمل ويدخل في غيبوبة وأنت طبعاً عارف أنه في الغيبوبة دي مش مدرك أي حاجة


عبدالرحمن: طب يعني إية غيبوبة الإلتزام ؟؟؟؟

الحاج حسين: أنت بعد وفاة محمود الرسالة دي كانت جامدة أوي عليك ماقدرتش تستحملها وكأنك

دخلت في غيبوبة
اه أنت جيت الجامع وصليت والتزمت بكلامي ودخلت العناية المركزة كل دة حلو أوي وجميل
بس.......

عبدالرحمن: بس إية...... ماحضرتك قلت حلو وجميل

الحاج حسين: بس اللي أنت ماتعرفوش إن بعد الغيبوبة دي زي ماقلتلك مش مدرك اللي بيحصل حواليك
الظاهر عليك إن الاعراض القديمة اختفت بفضل الله ثم العلاج
لكن بعد ماتفوق من الغيبوبة

هتقول إية دة إية اللي حصلي هو أنا لية كدة ولية بعمل كدة.................. لأنك اصلاً كنت في غيبوبة
وأنت مش عارف

زي المريض بالظبط يفوق من الغيبوبة يقول إية دة أنا لية هنا ولية بأخد المحاليل دي ولية بتدوني
الدوا دة ولية ولية ولية ........

أنت بقى اه أخدت الدوا والأعراض قصدي المعاصي اللي كنت بتعملها اختفت لكن زي ماقولت أنت
كنت في غيبوبة

وهتفوق منها بعد فترة وهتستغرب اللي كنت بتعمله قبل كدة وترجع تاني للي كنت عليه ممكن تخرج
من الغيبوبة دي بس بصورة











عبدالرحمن:صورة إية ؟؟؟؟؟


الحاج حسين: صورة الإلتزام
شكلك ملتزم اه لكنك من جوة خراب


عبدالرحمن: خراب !!!!!


الحاج حسين: اه خراب شكلك كل اللي يربطك بالإلتزام شكلك وبس وبعد فترة ممكن تتنازل عن الصورة دي
والله بالظبط زي مريض الكبد تلاقيه بعد الغيبوبة يقعد فترة ملتزم بتعليمات الدكتور ويبعد عن أي
حاجة تزود نسبة الأمونيا لكن النفس أمارة بالسوء تلاقيه ينسي تعليمات الدكتور بعد فترة ويهمل
العلاج مع أنه سمع والدكتور شدد عليه وقاله إن دة غلط وماينفعش
أنت بقى ممكن تكون دخلت في غيبوبة الإلتزام اه الحمد لله سبت المعاصي والتزمت سبت سها والأفلام
والأغاني والتزمت بالصلاة وحفظ القرءان وأديت العمرة
وعرفت خطورة المعاصي والذنوب

لكن بعد فترة لما تفوق تدريجياً هتقول إية دة وهتستغرب كل اللي بتعمله وترجع تاني للي كنت عليه
وتبدأ تفرط شوية بشوية لحد ماتفرط في كل حاجة وتهمل كل النصايح والتوجيهات
لأن زي ماقولتلك مش مدرك إية اللي بيحصلك لأنك في غيبوبة










عبدالرحمن: لا أنا مش في غيبوبة أنا مدرك اللي بيحصل وحسيت بحلاوة كل حاجة قولتهالي أنا مكنتش عايش قبل كدة
أنا بحمد ربنا أنه أحياني تاني

أنا مقدرش زي ماحضرتك قولتلي إني أعصي ربنا تاني .......مقدرش أبعد تاني اه أنا خايف أقع في
المعاصي اللي كنت بعملها قبل كدة وأرجعلها تاني بس أنا عارف إني وقتها كنت ميت زي ماحضرتك قولت كدة
ازاي بعد ماربنا أعطاني كل خير وبدلني بكل معصية كنت بعملها حلاوة تانية خالص لا مقدرش


بعد الأغاني والأفلام وتضييع الوقت التزمت بحفظ القرءان وعشت قرءان زي ماحضرتك قولتلي
والتزمت بالصيام والقيام والذكر
وبعد حبي لسها قصدي بعد ماكنت بعصي ربنا وبشرك مع حبه حب تاني ربنا مايرضاش بيه بقيت
خلاص زي ماحضرتك قلت ربنا بس اللي علي عرش قلبي
مفيش حب محرم في حياتي حب ربنا والقرب منه بئي كل حياتي
حتي الهدايا وخط الموبايل لما حضرتك طلبتهم




الحاج حسين: أنا عارف كل دة يابني وفرحان بيه أوي وأنت بكدة بقيت من النوع الرابع الحمد لله رب العالمين والله زي ماقلتك أنت ثمرة حياتي عشان كدة أنا خايف عليك خايف إنك تقع أو أي حد يقضي عليك
وبالذات انهاردة لما قلت إنك مش هتدخل طب أنا خفت أوي عليك



عبدالرحمن: ليه بس والله أنا فاكر إن حضرتك هتفرح وكنت حاسس إن حضرتك هتتطلب مني الطلب دة
ليه حضرتك زعلان اوي كدة وخايف علية ؟؟؟؟



يتبع إن شاء الله

الحلقة الثالثة والعشرون





الحاج حسين: أنت مش عايز تدخل طب لية ؟؟؟؟؟

عبدالرحمن: حضرتك عارف

الحاج حسين: عشان سها

عبدالرحمن: هو دة مش سبب كافي

الحاج حسين:هو سبب بس هو أنت هتدخل كلية مفهاش بنات يعني........... اه أنت منزلتش الجامعة قبل كدة
بس يابني فاكر العناية المركزة اللي كلمتك عليها

عبدالرحمن: ايوة فاكر

الحاج حسين: فاكر لما قولتلك إنك ممنوع من أي زيارات أنت بقي لازم تخرج من العناية دي وتستمر في الأدوية والمتابعة
أنت هتخرج للناس وهتتعامل معاهم بس...

عبدالرحمن: بس إية......

الحاج حسين: أنت لازم تخرج من العناية المركزة بجهاز إستقبال شغال 24 ساعة











عبدالرحمن: جهاز استقبال !!!!!



الحاج حسين: اه الجهاز دة شغال 24 ساعة ترجمة صحيحة لرسايل ربنا
كل حاجة تحصلك وكل رسالة توصلك لازم يبقي لها ترجمة صح ماشي
مايبقاش جهاز استقبال زي قلته

يعني مثلاً لما واحد تحصله مشكلة في حياته

مثلاً ضيق في الرزق أو فشل مثلاً في دراسته أو موت أحد أحبابه

تلاقيه قلبه اتحول للأسباب نسي أهم حاجة






يعني بدل مايدور علي السبب الأساسي تلاقيه مهتم بالفروع

يعني زي ماسها قالتلك عن وفاة محمود كدة هتلاقيه كان تعبان

وتنسي إن دي رسالة من ربنا بتقولها فوقي ممكن أنت اللي تبقي مكانه

وتلاقي اللي عنده ضيق رزق أو مشكلة في دراسته هو أصلاً عنده مشكلة في

حياته هي أصل المشكلة ممكن تلاقيه مثلاً مضيع الصلاة ومضيع حق ربنا

بس هو مهتم بالفرع شايف المشكلة وناسي أهم سبب للمشكلة

عشان كدة.......أنا عايزك تكون دكتور شاطر


عبداالرحمن: هو أنا هدخل طب

الحاج حسين: سيبك دلوقتي من موضوع طب

أنا قصدي دكتور قلب شاطر

عندك جهاز حساس لقياس أي ضعف ولو بسيط في الإلتزام

يعني أي تفريط لازم تكتشفه بدري وتعالجه



عبدالرحمن: تفريط في إية ؟؟؟؟؟


الحاج حسين: في أي حاجة






يعني مثلاً تلاقي واحد كان ملتزم بحضور الدروس والعلم وبعد فترة تلاقيه

يكسل ويقول خلاص أنا مش لاقي وقت أنا ممكن أسمع في البيت

وتلاقي الأخ من دول ملتحي ومقصر وبعد فترة يبدأ بالتفريط شوية بشوية

ماهو يعني الشيطان مش فجأة هيقوله احلق لحيتك وارجع للبسك القديم

الموضوع بيبتدي خطوة بخطوة زي ماربنا قال سبحان الله

بسم الله الرحمن الرحيم

يَا أَيُّهَا الَّذِينَ آمَنُوا لا تَتَّبِعُوا خُطُوَاتِ الشَّيْطَانِ وَمَنْ يَتَّبِعْ خُطُوَاتِ الشَّيْطَانِ فَإِنَّهُ يَأْمُرُ بِالْفَحْشَاءِ وَالْمُنْكَرِ وَلَوْلا فَضْلُ اللَّهِ عَلَيْكُمْ وَرَحْمَتُهُ مَا زَكَا مِنْكُمْ مِنْ أَحَدٍ أَبَداً وَلَكِنَّ اللَّهَ يُزَكِّي مَنْ يَشَاءُ وَاللَّهُ سَمِيعٌ عَلِيمٌ (21)





هيبدأ يفرط ويمشي ورا الشيطان خطوة بخطوة يقول أنا لبسي دة غريب بين أصحابي وشكلي غريب



مالها الهدوم الي كنت بلبسها قبل كدة خلاص أنا أرجع لهدومي القديمة بتاعت زمان حتي مايبقاش شكلي غريب وسط أصحابي وأقرب منهم وأدعيهم لربنا
أنا مش عارف بدعيهم لإية وهو بيفرط أصلا وبيقع خلاص


وبعد مايطول البنطلون

الشيطان طبعاً مش هيسيبه في حاله


هيبدأ يقول واللحية دي كمان لسة محسساك بالغربة قصرها شوية

وطبعاً هو أول مايحط ايده عليها خلاص انسى


هتلاقيه بعد كدة.....الله المستعان ربنا يثبتنا









وبنت تلاقيها بفضل الله لابسة الخمار والحجاب الشرعي


وبعد فترة تلاقيها تفرط في الحجاب شوية بشوية وتقولك الموضة بقي والكلية والناس ووو

بعد الخمار تلاقيها تلبس طرحة طويلة وتلفها وتقول دي أشيك من الخمار والمسكينة مش عارفة أنها خلاص فرطت وبعد فترة هتلاقيها لابسة طرحة عادية ولبس عادي


والأمور كلها تبقي عادي في عادي



عشان كدة أنا عايزك أول ماتحس بأي ذرة تفريط تلحق نفسك لأنك لو سبتها هتوقعك خالص وتجيبك الارض


وبرضة المعاصي بتاعت زمان تطلع عنده وتظهر شوية بشوية

الأغاني والتليفزيون والأفلام

يعني مثلاً فيلم أو أغنية كان بيحبها


تلاقيها لومرت بيه تفكره بأيام زمان وتلاقيه يقول ياااااااا هو أنا عملت في نفسي كدة لية وتلاقيه يبدأ يحن لأيام زمان


وتلاقيه يقول أنا هتفرج علي التلفزيون ولو جت أغنية أو أي منظر ماينفعش أشوفه هقوم أو أسكت الصوت عما المشهد أو الأغنية دي تخلص

فاهم ياعبد الرحمن







عبدالرحمن:فاهم

الحاج حسين: زي ماقلتلك لازم تكون عندك مناعة إيمانية وجهاز حساس لأي ضعف في الإلتزام أنا كل كلمة قولتهالك لازم تكون محفورة في قلبك وعقلك ماشي
لازم يبقي شعار حياتك سمعنا وأطعنا ماشي يابني
كل كلمة تسمعها مني لازم تنفذها
مش عايزك تمشي بمبدأ سمعنا وسمعنا وسمعنا
طب والتنفيذ والطاعة امتي

لان زي ماقولتلك قبل كدة الوقاية خير من العلاج
ولو حصل والأعراض ظهرت لازم تتعالج بدري
لأن كل مالعلاج كان بدري كانت المضاعفات والمخاطر أقل

عبدالرحمن: ممكن توضح أكتر أنا مش فاهم !!!!!!











محمد: كويس كويس

عبدالرحمن: هو إية اللي كويس ؟؟؟؟

محمد: إنك مش فاهم عشان مايبقاش حد أحسن من حد وتقعد تتريق علية

عبدالرحمن: الله يهديك يامحمد

محمد: بركاتك ياشيخ عبدالرحمن كمل كمل

عبدالرحمن: ماشي ياسيدي







الحاج حسين: بص ياحبيبي
الدكتور الشاطر اللي يحط إيده علي المرض الصح ويبدأ في العلاج بدري
يعني مثلاً مريض يجي للدكتور يشتيكيله عندي صداع وبسخن وبطني بتوجعني وووووو




تلاقي بقي الدكتور الخايب يقعد يعالج الأعراض يهمل أصل المرض ودة طبعا هيدخل المريض في مشاكل هو في غني عنها
يعني تلاقي أصلاً إن المريض عنده سرطان وهو مش حاسس هو حاسس بس بالأعراض والدكتور ماشي ورا المريض وناسي المصيبة دي
ودة طبعاً حالنا تلاقي قلبك بايظ وتعبان وبيشتكي بس أنت ولا أنت هنا






يعني قصدي أي مشكلة تحصلك في حياتك دور علي الأصل ماتهتمش بالمشكلة وتنسي السبب الأساسي للمشكلة
يبقي اتفقنا

عبدالرحمن: علي إية ؟؟؟؟



الحاج حسين: إنك تخرج من العناية المركزة بالحاجات دي والحاجات دي لازم لها شحن مستمر



أول حاجة


مناعة إيمانية قوية ضد المعاصي والذنوب


تاني حاجة



جهاز استقبال شغال 24 ساعة


تالت حاجة


جهاز حساس لقياس أي ضعف و لو بسيط في إلتزامك لأن الوقاية خير من العلاج

رابع حاجة



تكون دكتور شاطر تحط إيدك علي المرض الأصلي وتبدأ في العلاج بدري في أقرب فرصة


خامس حاجة


الستارة



عبدالرحمن: إية الستارة دي وازاي أشحنهم شحن مستمر





محمد: أنا مبقيتش فاهم حاجة ستارة إية وشحن إية وأنت في طب وللا لا وهو لية زعلان أوي كدة أنك مش عايز تدخل طب دا المفروض يفرح



يتبع إن شاء الله

الحلقة الرابعة والعشرون






عبدالرحمن: بص يامحمد عشان تستريح أنا معاك في طب


محمد: ياراجل أخيراً ريحتنني


بص أنت ياعبدالرحمن بصراحة كدة أنا أول يوم شوفتك فيه في الكلية وأنا حاسس إنك



مش عبدالرحمن اللي كنت أعرفه قبل كدة وقاعد تحكيلي في كلام .....



ومش عارف بصراحة هو الكلام اللي كبير وللا أنا اللي مبفهمش مش عارف...وصحيح


إيه بقي حكاية الستارة والشحن ؟؟؟؟؟




عبدالرحمن: بص يامحمد ياحبيبي أنت هتفهم وهتحس كل حاجة وهتعرف وتعيش كل كلمة قولتهالك المهم انهاردة يوم الخميس




محمد: رجعنا للألغاز تاني...... يعني إيه يعني انهاردة يوم الخميس .............اااااااه

فهمت قصدك يعني سهرة يوم الخميس بقي وفسح يوم الخميس والذي منه



عبدالرحمن: هو إيه ده الذي منه بص يامحمد الحاج حسين بيدي كل يوم خميس درس في الجامع بعد العصر وأنا عايز أعرفك عليه


محمد: بجد والله....... لا ياعم روح اسمع أنت وابقي تعالي قولي..... وبعدين هو مش قطعني قبل كدة لاحسن يضربني المرة دي... أنا انهاردة عايز أتفسح وأخرج من جو الكلية الكئيب دة...... روح أنت ياعم الله يهديك أنا خايف منه




عبدالرحمن: اسمعني بس دة هيحبك أوي والله




محمد: أسمع إيه...... أنا قولت اللي عندي




عبدالرحمن: داانا هعزمك علي الفطار مع أنك مش صايم بس مش مشكلة الإتنين الجاي تكون صايم


محمد: هو أنت هتعملي فيها الحاج حسين



عبدالرحمن: أنا .......طب ياريت أكون ربع وللا حتي تمن الحاج حسين




محمد: أيوة ياعم البقال المهم أنت هتفطرني إيه انهاردة




عبدالرحمن: أنا عارف أنك علي طول همك علي بطنك تعالي الأول الدرس وبعدين نشوف موضوع الأكل دة



محمد: لا نتفق علي الأكل الأول



عبدالرحمن: هههههههه ماشي ياسيدي عايز تاكل إيه ؟؟؟؟؟؟



محمد: اللي تحبه مش من أول مرة كدة هشرط




عبدالرحمن: ليه هو أنا هعزمك كل اتنين وخميس وللا إيه ؟؟؟؟؟


محمد: أهو كله بثوابه

عبدالرحمن: اه بس أنت كفاية علية في الكلية مش كمان اخدك البيت




محمد: ههههههههه لا ياعم وكمان هنبقي نسايب



عبدالرحمن: وماله مايضرش برضه..... المهم اتصل بيهم في البيت عشان هنروح الجامع بعد الكلية



محمد: هو إيه دة ؟؟؟؟؟



عبدالرحمن: هو أنت مابتفهمش وكمان بتنسي ومابتسمعش ......إيه ده ارحمني



محمد: يعني بلاش أهزر


عبدالرحمن: هزر بس ماتنرفزنيش


محمد: خلاص ياسيدي هاجي معاك خلاص ماتزعلش









وبعد الإنتهاء من الدرس







الحاج حسين: ازيك ياعبدالرحمن وحشتني أوي إيه أخبار الكلية...... ده صاحبك محمد


عبدالرحمن: الحمد لله رب العالمين أيوة دة محمد



الحاج حسين: أنت بقي محمد ....


محمد: في سره هو هيضربني وللا إيه ..... ربنا يستر...... ومحمد بصوت متقطع أيوه أنا محمد


الحاج حسين: ازيك ياحبيبي إيه أخبارك



ويحضن الحاج حسين محمد وكأنه ابنه التاني بعد عبد الرحمن


محمد: في سره حبيبك هو أنت بتحب كل الناس كدة....الحمد لله أنا كويس


الحاج حسين: الحمد لله يابني اتمني أشوفك هنا علي طول


محمد: كل خميس طب وووووو


الحاج حسين: ووو إيه ؟؟؟؟؟



محمد: لا ولا حاجة أبداً







ويؤذن المغرب






الله أكبر الله أكبر






ويقدم عبدالرحمن التمر للحاج حسين ومحمد





محمد: ياخد عبدالرحمن علي جنب هو دة الفطار لا أنا اضحك علية أنا مش هاجي تاني

عبدالرحمن: اصبر يامحمد السنة إنك تفطر علي تمر وبعد الصلاة هاخدك البيت وربنا يستر ومتاكلنيش في الطريق


محمد: لا مش للدرجة دي








وبعد انتهاء الصلاة




الحاج حسين: عبدالرحمن تعالي عايز أقولك حاجة


عبدالرحمن: أيوة ياحاج حسين


الحاج حسين: بكرة إن شاء الله هنروح مشوار مهم

عبدالرحمن: مشوار إيه !!!!!!!!


الحاج حسين: هتعرف بكرة إن شاء الله


عبدالرحمن: هعرف بكرة طب أجيب محمد معانا



الحاج حسين: لا بلاش محمد دلوقتي هستناك بكرة بعد صلاة الجمعة ماتنساش


عبدالرحمن: إن شاء الله









وبعد إنتهاء الصلاة وخروج محمد وعبدالرحمن من المسجد متجهين لبيت عبدالرحمن




محمد: هو الحاج حسين كان بيقولك إيه ؟؟؟؟؟؟


عبدالرحمن: كان بيقولي اننا بكرة هنروح مشوار مهم



محمد: مشوار إيه دة ؟؟؟؟؟؟



عبدالرحمن: ياريتني أعرف كنت قولتلك



محمد: اااااااااه تاهت ولقيناها


عبدالرحمن: هي إيه دي ؟؟؟؟؟؟


محمد: وبتقولي إني مابفهمش أكيد الحاج حسين هياخدك لسها


عبدالرحمن: هههههههههه سها مين انسي بقي



محمد: طب بكرة تقول محمد قالي مش بعيد كمان يجيبلك الشبكة هدية ماتاخدني معاك


عبدالرحمن: لا هو قالي بلاش محمد


محمد: أنا مش عارف الراجل دة ماله ومالي امال بيحبني إيه ؟؟؟؟


عبدالرحمن: هو أنت ماتعرفش تسكت شوية سيبني أفكر



محمد: تفكر إيه احنا وصلنا البيت أهو وللا أنت رجعت في كلامك



عبدالرحمن: لا ياعم ازاي











ويدخل عبدالرحمن ومحمد البيت وترحب والدة عبدالرحمن بمحمد



ويدخل عبدالرحمن ومحمد الأوضة






محمد: بص أنت الإتنين الجاي إن شاء الله تقولك لمامتك تعملي سمك أصلي بحبه أوي


عبدالرحمن: محمد ارحمني واسكت شوية أنا قلقان من مشوار بكرة دة



محمد: قلقان إيه ياعم دا أنا هتصل أباركلك بكرة .....بكرة تقول محمد قالي


المهم إيه موضوع الشحن والستارة مش هتقولي بقى !!!!!



عبدالرحمن: بص ياسيدي بالنسبة للشحن دة اللي كان انهاردة

محمد: إيه دة هو دة بقي الشحن

ههههههههه الشحن فراخ ياسلام والمرة الجاية سمك دمك خفيف ياعبد الرحمن










عبدالرحمن: محمد


محمد: نعم ياعبد الرحمن


عبدالرحمن: امشي اطلع برة وماتورنيش وشك تاني



محمد: طب مش هتعزمني حتي علي الخطوبة هجيبلك هدية والله وانا جاي


عبدالرحمن: امشي امشي من وشي جبتلي الضغط



أنا هتصل ببباك يعملك إختبار لنسبة الذكاء



محمد: هههههههه أيوه أيوه أنت عايز تطمن علي أولاد أختك


عبدالرحمن: ياااااااااارب ارحمني





يتبع إن شاء الله

الحلقة الخامسة والعشرون





يتقابل محمد وعبدالرحمن في الكلية




عبدالرحمن:السلام عليكم ورحمة الله وبركاته ازيك يامحمد إيه أخبارك ؟؟؟؟؟

محمد: وعليكم السلام ورحمة الله وبركاته أنا الحمد لله كويس أنت عامل إيه ؟؟؟؟؟

عبدالرحمن: الحمد لله رب العالمين......... صحيح أنا نسيت أسألك إيه رأيك في درس يوم الخميس هو دة بقي الشحن يابني

محمد: بجد هو دة الشحن اه....... ههههه وأنا اللي كنت فاكره السمك والفراخ

عبدالرحمن: هههههه اه شوفت بقي

محمد: اه المهم أنا عايزك تحكيلي الأول أنت عملت إيه مع الحاج حسين يوم الجمعة...... فين الدبلة ياعم

عبدالرحمن: دبلة إيه ياعم وبتاع إيه

محمد: أنت مش خطبت سها

عبدالرحمن: أنا لاخطبت سها ولاغير سها وحتي يابني أنا لوخطبت مش هلبس دبلة لأنها بدعة

محمد: بدعة

عبدالرحمن: بص ابقي دور علي الموضوع دة براحتك .......أنا اللي سمعته يوم الجمعة من الحاج حسين واللي شوفته

محمد: شوفت إيه وسمعت إيه...... شوفت اللي عمرك ماشوفته ههههههههههه

عبدالرحمن:أنت بتهزر والله فعلا شوفت اللي عمري ماشوفته

محمد: ليه انتوا روحتوا فين ؟؟؟؟؟

عبدالرحمن: روحنا المقابر

محمد: إيه........ المقابر ليه كدة ورحتوا تعملوا إيه ؟؟؟؟؟؟؟












عبدالرحمن: بعد ماصلاة الجمعة انتهت


الحاج حسين: ها مستعد

عبدالرحمن: مستعد لإيه ؟؟؟؟؟؟؟؟

الحاج حسين: احنا هنروح نزور حد عزيز عليك بس أنت فرطت في حقه

عبدالرحمن: حد عزيز وفرطت في حقه مين ده!!!

الحاج حسين: محمود

عبدالرحمن: محمود !!!!!!!!!!!!!!!!!

الحاج حسين: أيوه محمود ابن خالتك

عبدالرحمن: ليه ؟!!!! لازم يعني نروح

الحاج حسين: أيوه لازم نروح وهتعرف أهمية المشوار ده هناك

عبدالرحمن: طب مانقول الكلام اللي حضرتك عايز تقوله هنا لازم يعني نروح هناك

الحاج حسين: عبدالرحمن اسمع الكلام وماتجادلش كتير

عبدالرحمن: أصل

الحاج حسين: لا أصل ولا فصل خلاص احنا هنروح يعني هنروح يلا قوم

عبدالرحمن: خلاص ماشي ربنا يستر......بس أنا معرفش مكانها فين بالظبط

الحاج حسين: بسيطة اتصل بباك اسأله مهياش حجة يعني هنروح يعني هنروح حتي لو معرفناش نوصل لمقبرة محمود مش مشكلة

وبعد ما وصلنا للمقابر












انا مكنتش قادر أدخل وكنت متردد لدرجة إني كنت هرجع إلا أني لقيت الحاج حسين بيشدني وبيدخلني بالقوة









الحاج حسين: أنت رايح فين هتدخل يعني هتدخل مفيش مفر

عبدالرحمن: لا مقدرش مقدرش أدخل أنا عايز أروح

الحاج حسين: أنا قولتلك إيه ..........مش قولت

مش عايز اسمع مقدرش بس إلا في حالة واحدة بس أنت عارفها عايزك تقول دايماً مقدرش أعصي ربنا

يلا قول ورايا دعاء دخول المقابر




السلام علـيكـم أهل الديار من المؤمنين والمسلمين وإنا إن شاء الله بكـم لاحقون نـسأل الله لنا ولكم العافية".



وبعد ماوصلنا لمقبرة محمود




الحاج حسين: ها حاسس بإيه دلوقتي ؟؟؟؟؟؟؟



عبدالرحمن : حاسس بإيه....... أنا مش حاسس بحاجة



الحاج حسين: أول حاجة عايز أقولها لك إنك لازم تشكر نعمة ربنا أنه أمهلك الفترة دي ممكن تكون أنت اللي مكانه


عبدالرحمن:مكانه ...............




الحاج حسين: أيوة مكانه

شوف بقي كنت هتقابل ربنا ازاي .............ها مستعد


عبدالرحمن: مستعد لإيه ؟؟؟؟؟







محمد: هو ناوي يموتك ويدفنك جمب محمود ولا إيه ؟؟؟؟؟؟

عبدالرحمن: لا يامحمد هو أحياني بكلامه

محمد: إيه ده ازاي ؟؟؟؟؟؟؟
هو أنتوا عملتوا إيه هناك ؟؟؟؟؟؟؟



يتبع إن شاء الله