| عفوا الشباب المصرى غير متاح حاليا, من فضلك اعد المحاوله فيما بعد.. | |
|
كاتب الموضوع | رسالة |
---|
guevara
المشاركات : 8 العمر : 37 تاريخ التسجيل : 24/09/2010
| موضوع: عفوا الشباب المصرى غير متاح حاليا, من فضلك اعد المحاوله فيما بعد.. الإثنين سبتمبر 27, 2010 8:02 pm | |
| عفوا الشباب المصرى غير متاح حاليا, [ندعوك للتسجيل في المنتدى أو التعريف بنفسك لمعاينة هذه الصورة] من فضلك اعد المحاوله فيما بعد[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم ورحمه الله وبركاته
انا بصراحه ياجماعه بقى لى فتره متردد انزل الموضوع ده
بس يلا كده نقول (بسم الله الرحمن الرحيم) ونقراه مع بعض
هل أنت لاقدر الله مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة و الكافتريا
واللف مع صحابك ع الكورنيش ؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
يا ترى بتدخل ع النت ليه؟؟ عشان تتثقف؟؟
إذا كانت معظم إجاباتك هى ( لا )لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!
- يعني احنا شباب تمام .... في العصر التمام -
طيب بصوا كده الدراسات دى بتشير لايه!!
80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت
وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -
أما في الصحافة
]الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..
ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -
و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -
وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من
الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب
الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) ( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات
فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم
وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. ) طب تعالوا نشوف ازاى الشباب المصرى بيستفيد من الانترنت
فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع
الشات..والمواقع والمنتديات الاباحيه والعياذ بالله ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!
فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. ) فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟
طب و بعدين ايه اللى حصل اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام
الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..
فنزلوا للجامعة ( جامعه جنوب الوادى ) وعملوااستطلاع لعينة عشوائية من طلاب الجامعه
( 20 طالب ) وكانت النتيجة ان معظم الطلاب 17طالب يستخدمون النت للشات
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة )
طبعاً مش لازم تبقى محمد حسين هيكل..ولا لازم تكون فهمي ]لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟
لأن فعلاً جهلنا في كل شئ خلانا أمة نايمة مش بتفكر ولا عايزة تفكر
دماغنا فاضية .. مفيهاش أي حاجة .. ولا أي قضية .. ولا عايشين لهدف
وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين
.. فحين إن العالم كل بيتقدم بسرعة جنونية .. واحنا لسه محلك سر !!
يا ترى الفكرة وصلت؟؟ولا لسة؟؟
وملحوظه بسيطه بقى نسيت اقولها تبع الاحصائيات دى برضه
هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر بعدها تيجى سلسله كتب تفسير الاحلام و حظك اليوم و الابراج
يعنى بصراحه انا عارف ان اسلوبى هجومى شويه
بس ده واقع وممكن مايعجبش كتير وممكن الردود ماتبقاش كتيره
بس برده نزلته يعنى المعرفة بالشئ ولا الجهل بيه
وانا بعتذر على الاطاله
وجزاكم الله كل خير
|
|
| |
kariuki
المشاركات : 88182 تاريخ التسجيل : 18/10/2008
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الإثنين سبتمبر 27, 2010 8:23 pm | |
| اولا انا بشكرك على التوبك الرائع والمناقشه الجميله بس اعتقد انه القراءه حاليا بقت الناس كلها مخنوقه منها بسبب الدراسه للاسف يمكن لو تلاحظ اى حد تقوله تقرء كتاب رده هيقولك ياعم انا لسه مخلص امتحان هرجع اقرء تانى او فى الدراسه بيكون مش فاضى للقراءه دا بالاضافه بقي للبرمج التلفزيونيه والنت عمتا زى مانت وضحت بس عمتا حلها ف ايد الحكومه للاسف وكلمه للاسف لانهم مش هيعملوا حاجه انه يخففوا المناهج شويه حرام ماهو لو فيه وقت متاح اكيد الناس هتتجه للقراءه وانا معاك انه الناس بتقرء غلط بردوا عشان عدم وجود توعيه يا جيفارا يمكن الناس ماتعرفش دا مناسب والا لا يمكن انت جيبت سيرة كتاب هارى بورتر عشان الناس شافت الفلم ولولا الفلم ماكنش حد تعب نفسه فى قصته سؤال بقي للاعلام ليه مايعملوش زى زمان يختارو قصه معين لكاتب معين ويتعمل عليه فيلم هتلاقى الناس اتجهت عايزه تعرف القصه الحقيقه الموضوع كبير جدا ومحتاج كلام كتير منى فاسمحنى على الاطاله انا حاولت الم نقاط بسطيه بس مش هينفع فيه كلام بسيط |
|
| |
rodyqueen
المشاركات : 2565 العمر : 37 تاريخ التسجيل : 16/01/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الإثنين سبتمبر 27, 2010 10:41 pm | |
| ميرسى ليك |
|
| |
سارة محمد
المشاركات : 2518 العمر : 31 تاريخ التسجيل : 27/06/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الثلاثاء سبتمبر 28, 2010 12:40 pm | |
| |
|
| |
V.I.P
المشاركات : 14670 العمر : 28 تاريخ التسجيل : 01/07/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الثلاثاء سبتمبر 28, 2010 3:49 pm | |
| شكراااااااااااااا جداااااااااااااااااااااا ليك |
|
| |
???? زائر
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الأربعاء سبتمبر 29, 2010 2:14 pm | |
| توبيك رائع ومناقشه رائعه
ومرسى ليك كتير |
|
| |
جانا
المشاركات : 715 العمر : 28 تاريخ التسجيل : 29/05/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الثلاثاء أكتوبر 05, 2010 1:57 pm | |
| ميرسي علي التوبيك كلامك صح والله يا اشرف |
|
| |
سارة محمد
المشاركات : 2518 العمر : 31 تاريخ التسجيل : 27/06/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الخميس أكتوبر 28, 2010 12:48 am | |
| |
|
| |
ميكي
المشاركات : 264 العمر : 34 تاريخ التسجيل : 17/10/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الخميس نوفمبر 04, 2010 7:22 pm | |
| |
|
| |
coco2009
المشاركات : 124 العمر : 47 تاريخ التسجيل : 20/11/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الأحد نوفمبر 21, 2010 10:27 am | |
| توبيك رائع |
|
| |
سارة محمد
المشاركات : 2518 العمر : 31 تاريخ التسجيل : 27/06/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الثلاثاء نوفمبر 30, 2010 3:51 pm | |
| |
|
| |
V.I.P
المشاركات : 14670 العمر : 28 تاريخ التسجيل : 01/07/2010
| موضوع: رد: عفوا الشباب المصرى غير متاح حاليا, من فضلك اعد المحاوله فيما بعد.. الخميس ديسمبر 02, 2010 5:09 pm | |
| |
|
| |
| عفوا الشباب المصرى غير متاح حاليا, من فضلك اعد المحاوله فيما بعد.. | |
|