بحث في غاية الغرابة .. تعالوا نقرأ مع بعض كده

كلمات وعبارات لا تقال إلا في مصر .. وعلي سبيل المثال
...
عمرنا ما كنا نسمع حد بيهدد عياله < بالبعبع > .. غير عندنا ف مصر

أو أم نازله ضرب ف أبنها وتقول له ( كخ ) غير عندنا ف مصر

ويقال أن هذا الكلام أصله هيروغليفى .. فكلمه بعبع .. أصلها كلمه <.... بوبو ....> وهو أسم عفريت مصرى قديم ..كانو قدماء المصريين يستخدموه لتخويف العيال .. وبالطبع كنوع من الخرافات

أما كلمه<.... كخه .....> فهى كلمه هيروغليفيه معناها
القذاره ... ؟؟

وأيضا الأطفال يتكلمون الهيرو غليفىة .. الطفل لما يجوع يقول<..... مم ....> وأصلها .. أو نم ... بمعنى .. أكل

ولما يعطش يقول <... أمبو ...> وأصلها .. <.. أمبموا ..> يعنى أشرب

والطفل المصري لما يبدأ يتعلم المشى يقولوا له .. تاتا خطى العتبه .. تاتا .. حبه حبه

وتاتا كلمه هيروغيليفيه ومعناها .. < أمشى> ؟؟

ولما الدنيا تمطر في الشتا والكل يغنى ويقول
يامطره .. رخى .. رخى .. علي قرعة بنت أختى< رخى >أصلها : رخ .. ومعناها .. نزل

وفى الصيف لما نتشوى من الحر .. نقول الدنيا
بقت .. صهد .. وصهد بالهيروغليفى معناها .. نار

ولا مانع من استخدام الهيروغليفى في أكلنا .. فالفول لما يستوى
نقول عليه .. مدمس .. وأصلها .. متمس .. عند قدماء المصريين ومعناها .. تسويه الفول

أما كلمه .. بصاره .. فأصلها .. بيصورو .. ومعناها
الفول المطبوخ

للتنويه : البحث قامت بيه طالبة في كلية الآثار .. وبسبب غرابته حبينا ننقله .. علشان نقدر نوصل لمصادر للكلام ده .. لأن بصراحة البحث ده في غاية الغرابة .. نتمني من كل حبايبنا .. اللي يقدر يجيب لنا مصادر للكلام ده .. ياريت يمدنا بيها .. لأن الموضوع فعلا غريب جدا .. ويستحق البحث

معلومات روعه يا سنو وانا اعرف منهم شويه من عالم اثار اسمه بسام الشماع

تسلم ايدك يا قمر