عجينة التوست ما في اسهل منها لكن الشطاره تكون في طريقة العجن .. طريفة اللف .. ومدة العجينه بالفرن والحراره المناسبه .

انا لقيت الطريقه والصور هذي وانشالله تضبط معاكم مثل ما ضبطت معاي


المقادير:

3 الى 4 أكواب طحين
1 ونص ملعقه كبيره خميره
1ونص الى كوبين ماء دافيء
2 ملعقه سكر
1 ملعقه صغيره ملح
3 ملاعق زيت
أعشاب أو زعتر حسب الرغبه ( تتم اضافتهم أثناء عملية العجن)


الطريقة:


تخلطين الماء مع الخميرة والسكر والملح


[ندعوك للتسجيل في المنتدى أو التعريف بنفسك لمعاينة هذه الصورة]

وبعدها تضيفين الطحين وتعجنين .. شوي شوي تضيفين الطحين الى ان تحصلين على عجينه متماسكه


[ندعوك للتسجيل في المنتدى أو التعريف بنفسك لمعاينة هذه الصورة]

اهم شي انك تاخذين وقت كفايه بالعجن مثل ما هو مبين بالصوره لانك كل ما عجنتي اكثر كل ما صارت العجينه هشه بالأكل .. وطريقة العجن في انك تضغطين العجينه الى جدام كأنك تفردينها وبعدين تلفينها وهكذا


[ندعوك للتسجيل في المنتدى أو التعريف بنفسك لمعاينة هذه الصورة]

تتركينها ترتاح مدة ساعه الى ساعتين - حسب الجو في مكان وتكونين مغطيتها طبعا


بعدها تفردينها وتلفينها مثل ما هو واضح وتنقلينها للقالب المدهون و تتركينها ترتاح مدة 15 - 20 دقيقه


[ندعوك للتسجيل في المنتدى أو التعريف بنفسك لمعاينة هذه الصورة]

تمسحين الوجه اما بالماء اذا كنتي تحبين السطح ناشف او الزبده او البيض اذا كنتي تحبين السطح رطب ولين
لكن وانتي تمسحين حطي بالك لا تضغطين حيل على العجينه حتى ما تهبط


[ندعوك للتسجيل في المنتدى أو التعريف بنفسك لمعاينة هذه الصورة]

وتدخلينها الفرن حراره متوسط الى حار - تقريبا 180 درجة لمدة 20 - 30 دقيقه وبعدها تشعلينها من فوق عشان يتحمر ... تتركينها تبرد تماما وبعدين تقطعينها بالسكين المنشاريه


[ندعوك للتسجيل في المنتدى أو التعريف بنفسك لمعاينة هذه الصورة]




وبالعافيه

تسلم ايدك ياروزيتا علي الطريقه الهائله دي

تسلم الايادى يا روزيتا على الموضوع الجميل
يسلمووووووووووووووووو