| اكتب هنا موقف مضحك موثر مريت بيه فى حياتك لو جرئ | |
|
|
كاتب الموضوع | رسالة |
---|
ندى الياسمين
المشاركات : 1574 تاريخ التسجيل : 19/10/2008
| موضوع: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 1:13 pm | |
|
| اهلا بيكم عاوزاكم بقى تكتبوا اى موقف حصللكم قصص حقيقيه صادقه حصلتلكم فى حياتكم ============================================ مع بنت مع رجل مع زبال مع بابا او ماما مع الجيران فى الشارع فى النادى فى مصيف فى المدرسه فى الجامعه ============================================ |
|
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 1:17 pm | |
| وعلشان انا جريئه هبدا بصوا واقفين انا واصحابى فى المعمل وشغالين معايرة بالسحاحه والحاجات دى وبعدين انا مندمجه اوى وافتكرت فيلم اللى بالى بالك وهو بيقول صوباعى جوه الباب افتح الباب وقمت قايله الكلام ده وبعدين ببص لقيت اصحابى ميتين من الضحك والمعيده واقفه مسخسخه عليا بس الحمد لله سابتنى ومشت بدون اى تعليق ويارب الاقى تفاعل فى الموضوع |
|
| |
shimo
المشاركات : 3314 العمر : 36 تاريخ التسجيل : 27/10/2008 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 1:30 pm | |
| ههههههههههههههههههههههههههههههههههههههههههههههههههههههه عسل ياندى صوابعك ايه فى المعمل بس ههههههههههههههههههه توبيك حلو والله المواقف كتير مش عارفه هاضحكم ولا ايه بس نبدا بموقف كده ع الماشى هو موقف لن انساه حصل فى الكليه
كنا فى سنه اولى وكنا خلصنا سكاشن ومروحين فصاحبتى قالتلى تعالى نروح المشرحه( ماتتخضوش كنا بناخد فيها سكاشن ) علشان نسيت حاجه وعايزة تجيبها وكان كل الناس مشيت فروحت معاها فدخلنا لقينا جثتين ع اليمين وجثه ع الشمال ههههههههههههههههههههه وباب المشرحه كان مفتوح ع الاخر لسه داخلين وبتدور على الحاجه بتاعتها الباب ااتقفل لوحده نفتح فيه مش عايز يتفتح ياعم ربنا يهديك مافيش فايده كأنه اتقفل بقفل هههههههههههههههههههههه نبص يمين نلاقى جثه نبص شمال نلاقى جثث هههههههههههههههههههههههه نخبط ع الباب ماحدش بيرد ننادى من الشبك ماحدش سمعنا ههههههههههههههههههههههههههه صاحبتى اتوترت جدددددددددا قلتلها شكلنا هنتحبس ولما يجى علينا الليل العفاريت هتتطلع ياعينى علينا لسه صغيرين ع الموت انا بهزر معاها وهى تصوت وياعينى كانت هتعيط المهم فضلنا كده 10 دقايق نخبط ع الباب ونادى ( كاننا فى مغاره ) وكل مايمر الوقت نتوتر اكتر وانا بهدى فى صاحبتى وانا اساساخايفه هههههههههههههههههههههههههههه المهم جه عامل المشرحه يفتح لنا الباب ويضحك ويقولنا انا سامعكم من بدرى بس قولت اسيبكم شويه ههههههههههههههههههههههههههههههه بذمتكم لو انتوا كده تعملوة ايه تمسكوه تضربوه صح انا من غير ماحس زعقت فيه وواقوله ياسلام على هزارك وصاحبتى ياعينى تقوله ازاى ومش عارفه ايه وهو يضحك ( من كتر قعدته مع الجثث مابقاش يحس هههههههههههههههههههههههههه ) تعرفوا صحبتى عملت ايه بعد كده تتوقعوا ايه ؟ حولت صيدله ههههههههههههههههههههههههههههههههههههههههههههههههه ايه رأيكم |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 9:03 pm | |
| هههههههههههههههههههههههه ياحرام انا اساسا لو الموقف ده حصلى كنت ممكن اموت فيها لان انا بخاف جدا جدا لما احس انى اتحبست فى مكان وشوفى انتى لو مع جثث كويس ان انتو طلعتو سلام مرسى ليكى ياقمر وياريت لو عندك مواقف تانيه تضيفيها |
|
| |
kariuki
المشاركات : 88182 تاريخ التسجيل : 18/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 9:53 pm | |
| ههههههههههههههههههههههههه مواقف جامده وميرسي ليكى يا ندى على الفكره الجميله والموضوع يستحق التثبيت وتم وانا بصراحه مش فاكر مواقف دلوقتى بس اكتر موقف فاكره دلوقتى انه انا كنت وواحد صاحبى راكبين ميكروباص ففى واحده كانت نازله والواد نضيف شويه هههههههههههه قعد عمال يمسح فى الكرسى وبتاع اللى كانت قاعد عليه وانا استنيت لما خلص تنضيف وبيلف نطيت انا على الكرسي وقعدت وفضلت طول الطريق اضحك عليه واتريق وبصراحه هو اتعذب فى الوقفه حبتين وميرسي ليكى تانى على الفكره الجميله |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 10:53 pm | |
| مرسى ليك ياباشا على التثبيت وعلى الموقف التحفه ده وياريت لما تفتكر تضحكنا معاك |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 10:57 pm | |
| احكيلكم موقف تانى مرة وانا فى الابتدائى انا وصاحبتى وللمعلومات انا بموت من الرعب من الكلاب واحنا مروحين البيت ومعدين على عمارة فيها ناس عندهم كلب والعمارة بعيده عن البيت كتير ومرة واحده الكلب هوهو بصوت عالى قعدنا نصوت واخدناها للبيت جرى والراجل صاحب الكلب عمال يقولنا الكلب فى البلكونه فى البلكونه ماتخافوش بس مين مافهمناش الا لما روحنا جرى كان شكلنا تحفه وقعدنا نضحك على نفسنا لما وصلنا |
|
| |
shimo
المشاركات : 3314 العمر : 36 تاريخ التسجيل : 27/10/2008 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 11:25 pm | |
| هههههههههههههههههههههههههههههههههههههههههههههههه حلوة اوى المواقف دى يااشرف تلاقى صاحبك كان عايز يخنقك اما ندى عسل ههههههههههههههههههههههههههههههههههههههه والله فكرتينى ياندى موقف بخصوص الكلب بردو كنت مرة انا وبنت خالو اللى قدى وبنت خالو اصغر منا بسنتين كنا رايحين مع بنت خالو الاولانيه نزور واحده فاحنا فى اول الشارع لقينا كلبين قلتلهم ماتخافوش الكلب لما بيحس بخوف اللى حواليه بيهجم عليه هههههههههههههههههههههههه المهم بنت خالو شافت الكلب فبتقوله امشى ياكلب لاجى اضربك الكلب زى مايكون فهم الكلام ههههههههههههههههههههههههههههههههه لقينه هوهو وبيستعد علشان يجرى ورانا واحنا بقى جرينا كل واحده ماتعرفش التانيه انا لقيت بيت ادامى روحت زقيت الباب ودخلت لقيت مدرس بيدى درس ههههههههههههههههههههههههههه وهما يقولولى فيه ايه فقلتلهم الكلب فضلوا يضحكوا وبنت خالو اللى قدى جريت بعيد المشكله بقى فى بنت خالو الاصغر مننا فضلت تجرى وتصوت وتقول الحقونا والكلب سابنا وجرى وراها هى ههههههههههههههههههههههههههههههههه كان منظرها يموت من الضحك المهم كان فى راجل راح مسك طوبه والكلب مشى وانا مش قادرة ميته على نفسى من الضحك على بنت خالو وطبععا اعتذرت للناس اللى اقتحمت بيتهم ههههههههههههههههههههههههههههههههه وطبعا مشينا ماكملناش المشوار وطول السكه نضحك على بنت خالو الغلبانه بجد كل مافتكر الموقف ده اموت من الضحك انا يمكن مش قادرة اوصله بالكلام بس بجد كان نكته هههههههههههههههههههههههههههههههههه |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الإثنين فبراير 02, 2009 11:43 pm | |
| لا تحفه ياشيمو والله انا مش قادرة ابطل ضحك مرسى ياجميل على الاضافه النحفه دى |
|
| |
zozza_tk
المشاركات : 155 العمر : 36 تاريخ التسجيل : 30/01/2009
| |
| |
shimo
المشاركات : 3314 العمر : 36 تاريخ التسجيل : 27/10/2008 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 4:01 pm | |
| هههههههههههههههههههههههههههههههههههههههههههههههههههه عسل ياzozzaوالله وساعات والله باتحط فى المواقف المحرجه دى يعنى ازيك شكرا ههههههههههههههههههههههههههه وفى حد يازوزا يقضى اوقات فراغه فى المشرحه ههههههههههههههههههههههههههههههه انا بحسدك لكن ماتخافيش روحى استمتعى بوقتك بس خدى معاكى اى حاجه تفتح الباب هههههههههههههههههههههههههههههههه |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 4:55 pm | |
| هههههههههههههههههه عسل يازوزو والله وانا بتحصل معايا نفس المواقف يعنى مثلا ابقى برد على التلفون وخلاص هنقفل اللى بيتكلم يقولى مش عايزة حاجه اقوله العفو ههههههههههههههههههه يلا معلشى بكرة نركز فى الكلام |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 5:04 pm | |
| اقولكم بقى على موقف كان ممكن اترفد بسببه بس الحمد لله ربنا بيسترها قاعده انا واصحابى فى الجامعه قبل امتحان العملى بنراجع بس طبعا مش فاكرين حاجه وانا متنرفزة ومتعصبه جدا جدا ومرة واحده قمت قايله ماهى الدكتورة بنت الهبله ماعملتش مراجعه ( اعذرونى فى اللفظ) ومرة واحده ببص قدامى ولقيت المعيده اللى شغاله مع الدكتورة فى وشى اعمل ايه قعدت اضحك انا واصحابى وهى كمان الظاهر مابتحبش الدكتورة هى كمان والحمد لله الموضوع عدى وفى نص الامتحان لقيتها بتبصلى وبتضحك كنت عايزة اقولها انتى هتستندلى ولا ايه بس الحمد لله عدى على خير |
|
| |
hend&trika
المشاركات : 6306 العمر : 29 تاريخ التسجيل : 21/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 6:13 pm | |
| هههههههههههههههههههههههههههه عسل يا ندى والله بجد كلكو زى العسل انتى وشيمو وزوزا انا حاليا معنديش مواقف بس فى موقف كدا افتكرته دلوقتى بصوا هو حصلى كتير بس مش اوى مرة وانا فى ابتدائى (6 ابتدائى بالتحديد) كنت داخله الفصل قمت وقعت ادام الفصل والفصل كله اعد يضحك عليا ومرة كنا بنلعب فى الفناء بتاع المدرسه وقعت بس كان شكلى وحش اوى والولاد كانو بيلعبو كورة واعدوا يضحكوا عليا بردو مش عرفه ايه حكايتى مع الموضوع ده والله لغايه دلوقتى زمايلى لسه فاكرين وبيضحكو بردو يلا حصل خييييييييييييييير ومرسى ليكى يا ندى يا عسوله عالفكرة الحلوة دى |
|
| |
shimo
المشاركات : 3314 العمر : 36 تاريخ التسجيل : 27/10/2008 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 7:30 pm | |
| ههههههههههههههههههههههههههههههههه ياندى انتى مواقفك تودى ورا الشمس ههههههههههههههههههههه ربنا يستر عليكى يابتنى فى الكليه وتخلصى على خير هههههههههههههههههههههههههههههههه وهنودة زى العسل ههههههههههههههههههههههههههههه معلشى ياهنودة مايقع الا الشاطر ياعسل وندى فكرتنى بموقف ( اظاهر احنا فينا جينات متقاربه ) انا بقى كنت فى اولى ثانوى وكنت ماشيه انا وصاحبتى رايحين للمدرسه فجت سيرة الكيمياء فبقولها اسكتى ده انا بيدينى مدرس ماعرفش ماله يابنتى مش فاهمه حاجه فى اى حاجه هو دة مدرس ولا بيدينا غلط وقعدت اهبل بالكلام ببص على يمينى لقيت مين المدرس شخصيا هههههههههههههههههههه ( يعنى ندى لقت المعيدة وربنا ستر ) انا بقى زى ماكون شفت عفريت برقت ووشى احمر وانا وصاحبتى خدنا ها جرى علشان نسبق المدرس وانا طول الطريق اقول خلاص ضمنت السقوط فى الكيمياء الحمد لله المهم دخلت الفصل ومن حظى السعيد عندنا حصه كيمياء ودخل الاستاذ سعيد هههههههههههههههههههههههه طول الحصه استخبى ورا صاحبتى احط وشى فى الارض انام ع الديسك شويه لكن على مين قال انا هالف عليكم بالدور اصحح الكررايس (يعنى كملت لامفر هههههههههههههههههههههههههه ) المهم جه دورى ( قولت ياحافظ يامنجى من المهالك يارب ) قولت اكيد هيهزئنى وشكلى هيبقى وحش لكن تصوروا عمل ايه قالى انتى اسمك ايه ( قولت اوبهههههههههه ضمنت السقوط ) قولتله شيماء قالى جايبه كام فى امتحان الكيميا فى التيرم الاول ( قولتله بثقه الدرجه النهائيه طبعا حضرتك بتشرحلنا كويس جدا والامتحان كله جه من شرحك هههههههههههههههههههههههههههههه ) ضحك وقالى شاطرة ياشيماء وانا مستنيه رد الفعل لكن ماحصلش حاجه هههههههههههههههههههههههههه بس انا احرجت فعلا لما اسىء لحد وهو يعاملنى بالحسنى ويسامح |
|
| |
hend&trika
المشاركات : 6306 العمر : 29 تاريخ التسجيل : 21/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 04, 2009 9:23 pm | |
| هههههههههههههههههههههههههههههههههههههههههههههههه بجد مش عارفه ايه حكايتك يا شيمو انتى وندى مع المدرسين والمعيدين ربنا يستر عليكو انا الحمد لله لما باجى اقول على حد من المدرسين كدا مبيبقوش وقفين ورايا هههههههههههههههههه سورى انا دلوقتى والله مش فكرة حاجه خالص الميمورى ممسوحه عالاخر ان شاء الله هفتكر واقولكو |
|
| |
zozza_tk
المشاركات : 155 العمر : 36 تاريخ التسجيل : 30/01/2009
| |
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الخميس فبراير 05, 2009 8:04 pm | |
| ههههههههههههههههههههه عسل يازوزة انا دخلت رسم وكنت برسم شجر هههههههههههههههه بس ومرسى ليكم ياقمرات على الاضافات الحلوة دى |
|
| |
Kabo
المشاركات : 309 العمر : 35 تاريخ التسجيل : 15/01/2009
| موضوع: رد: اكتب هنا موقف مضحك موثر مريت بيه فى حياتك لو جرئ الجمعة فبراير 06, 2009 8:17 am | |
| ههههههههههه بجد تحفه موضوعك ياندي والاحلي المواقف اللي فيه يالمبي وكمان شيمو واقاربها عالم جبنات بشكل بس ماعلينا انا بئه من اكتر المواقف اللي مش بنساها وانا في الكليه في سكشن عضويه انا وصحابي مالناش دعوه بالشغل احنا يادوب نزهأ المعيد ونخليه يطردنا بس نكون حضور المهم في مره بنات السكشن بتاعنا قالها اشمعنا كبو وزمايله يخرجوا ومايتاخدوش غياب اما شوشو لعب في دماغي وقلت لازم اعرفهم اني بسيبهم لمصلحتهم لاننا لو فضلنا في المعمل هيبقي يوم ماطلعتلوش شمس قلت لازم استفاد من كل اللي اعرفه فيها(وانا ولا اعرف حاجه)عملت تركيبه كبريتيك مركز+هيدروكلوريك مركز+نيتريك مركز+صودا كاويه+شويه كربونات صغيرين وعينك ماتشوف الا النور نور ايه ده الواحد اتعمي والبيكر بيغلي من جوه قمت حطيت الماسك (لونه اصفر بماده كده)ومره واحده المعمل بئه سحابه صفرا والبنات تكح وتعيط من الدخان واحنا ولا احنا هنا واول ياحسينا ان الحكايه هتكبر وهتوصل للعميد كحينا احنا كمان وخلينا واحد يغمي عليه بالتمثيل طبعا بعدها بنات السكشن قالت توبه لو عاوزين يخرجوا في ستين داهيه ومره تانيه واحد صاحبي حب يسيبنا ويشتغل اومنا حطينا له بنزين في ارض المعمل وهو بيدخن فبيرمي السيجاره شبكت في البنزين كانت حته صغيره بس الغبي طفاها بالكوتشي قام شبكت النار فيه بس احنا كنا مجهزين رمل وحطينا فوقيه انا عارف تلاقيكوا اني شراني بس بجد دي كلها كانت علي سبيل المقالب |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ السبت فبراير 07, 2009 10:15 pm | |
| ههههههههههههههههههه لا حلوة وبعدين لما البيكر كان يفرقع فى وشك يافالح :arrow: ومرسى على الاضافه |
|
| |
احمد المصرى
المشاركات : 1112 تاريخ التسجيل : 11/02/2009 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الثلاثاء فبراير 17, 2009 1:20 am | |
| طب يا ندى المادة اللى كانت فى السحاحة اية ومخفتيش على الختاتم ثم انتى فى مكان علم متفكريش فى حد غير العلم هههههههههههههههههههههههههههههههههههه |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الثلاثاء فبراير 17, 2009 1:35 am | |
| هههههههههههههههه ماتقلقش كنت واخده بالى من الخواتم وبعدين ده مكان العلم هو المكان الوحيد اللى بسرح فيه ومشكووووووووور على المرور |
|
| |
احمد المصرى
المشاركات : 1112 تاريخ التسجيل : 11/02/2009 وسام المسابقة الرمضانية :
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 18, 2009 12:50 am | |
| ماشى يا ندى انا بعتزروهقولك على موقف بس بعدين |
|
| |
ندى الياسمين
المشاركات : 1574 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الأربعاء فبراير 18, 2009 2:38 am | |
| مفيش داعى للاعتذار للمرة التانيه وليه بعدين تقول الموقف ياريت تقوله الوقتى |
|
| |
الفراشة
المشاركات : 1414 العمر : 33 تاريخ التسجيل : 19/10/2008
| موضوع: رد: اكتب هنا موقف مضحك موثر مريت بيه فى حياتك لو جرئ الجمعة فبراير 27, 2009 12:22 am | |
| هاقولكم موقف بس يارب ميطلعش رخم مرة كنا فى بلدنا وانا صغيرة مش دلوقتى يعنى كنت بلعب مع اصحابى فى الشارع فكان فى واحد بيجرى ورانا عاوز يضربنا من ضمن اللعبة يعنى فأنا كان كل تركيزى على الشارع الى هو هايجى منه ومش واخده بالى من اى حاجه خالص فالمفروض الى انا بلعب معاهم عمالين ينادولى علشان كان فى جاموسة جايه ورايا اصل كنا فى ارياف وانا مش سمعاهم خالص فجأة معرفش ايه الى حصل خبطتنى ازاى او انا اغمى عليا قد ايه على الارض معرفش انا بفتح عنيا لقيت دماغ الجاموسه فوقى ههههههههههههه انا كنت بصوط ازاى مش عارفه ومش عارفه اقوم من الموقف وطبعا اصحابى مش عارفين يجوا عندى ولا اى حد جه يقومنى والى يغيظ بقه ان صاحب الجاموسة مستنى لما افوق واقوم علشان اوسعله الطريق ده على اساسا ان مفيش مكان جنبى يمشى منه وبعد ماقومت راح ساحب الجاموسة بتاعته وماشى ولاكئن فى حاجه حصلت بس بجد كان موقف صعب وانا شايفه دماغ الجاموسة فى وشى |
|
| |
| اكتب هنا موقف مضحك موثر مريت بيه فى حياتك لو جرئ | |
|